ZEKHARIA 13:9 - BAIBEL (BSI)

⁹ Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

Sumi Naga CL (Re-edited) Bible (BSI)

⁹ I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

ZEKHARIA 13:9 ပူးပေါင်းရင်းမြစ်များ

SAMUEL AKINIU 7:24

Nono Israil pesu alhokupuju owu timi shiluve eno no AMPEU no panongu Lhou shiluve.

JOB 23:10

Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.

JOB 28:1

Tsandiyi chhuphelu keu khuki ani, eno shunayi thakutsughu keu a acheni.

LESHELE 144:15

Khunoqo shou hikithipu kukumgha ikughini keno tipano lokivipuke; khuno Lhouno AMPEU keno tipano lokivipue!

LESHELE 43:4

Tileno ino omllakeu khachelo wuni, O Alhou; nono ilokivi ighakiqipuke, Ino akighilebo kuighano alephe osheqheni O Alhou, iLhou.

LESHELE 50:15

Shiluksa ighikelo ivilo pilo, ino nongu xalunike eno nonguno isheqhe nani.’

LESHELE 91:15

Kughou panonguno ikuni keno ino khochile nani; panonguno shiluksalo akelo ino panoqo gholo anani. Ino panoqo xaphelu eno panoqo suqhepuku nani.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

ALE KIMCHI 2:16

Ilomiye iwuke eno niye pawuke. Pano lapu xamunulilo pa tsu-aqu qo achu kumzake.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

ISAIAH 48:10

Ino ami pesu aghime tsukeu lono opeqhejuvae, tiye amiphoki lono tsandiyi ghukutsughu ketoike. Ikemu noye ame kuhakeu ino ithuluvae.

ISAIAH 58:9

Nonguno inikhu kelo, ino nongu khochile nani, nonguno iku keulo ino hilau ani kepi pinani. “Nonguno qodaqhi chekeu shimove, aphimuqhu chekeu ghusho ghili qhive eno atsa lhoksa pichekeu pimove ishi aye;

JEREMIYA 24:5

Ni, AMPEU, Israil Lhou no kihilu akeuye timi Babilon lo sawuve kemiye khughuthi kivi hipaqo toike, ino kimiyeqhiyi panoqo peitha nanike.

JEREMIYA 30:22

Panonguye iwu timi shive nani eno ino panoqo Lhou shive nani. Ni, AMPEU no piqhive ake.”

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

JEREMIYA 9:6

Panonguye heqhi buqhikeu lakhino lakhi papesu shi acheni, eno pishikiqhi lakhino lakhi papesu shi acheni.

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.

EZEKEL 14:11

Ino hipau shinikeuye Israilmi pelo iqhive pemoniyeke eno pano likhi pano xineno panoqo shipixi pemo peniyeke. Panonguye iwu timi shi akepuke eno ino panoqo Lhou shia nanike.” Akughushu MPEU no pivae.

EZEKEL 20:38

Ino nongu gholo khunoqono aghekulu kumomi keno eno axine shi acheni keno tipaqo ikhive nani. Panoqono itehi khipa-alo ani keno tipau yeghi lono ino ikhive nani ikemu niye panoqo pelo Israil yeghilo idewo pemo nani. Tileno niye AMPEU kepi nonguno ithi nani.”

EZEKEL 36:28

Tithiu nonguye ino nopuasu tsupua keu yeghilo xulu nani. Nonguye iwu timi shi nani eno ino nongu Lhou shive nani.

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

DANIEL 12:10

Timi kutomono shikimthe luve nani. Timi lhoksami ye hipau vehu mtha nani. Ikemu alhoksa shikithe auve nani, alokutsumi likhino tipau ithi nani.”

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

ACHINE 26:12

Ino nongu gholo anani, niye nongu Lhou shi nanike eno nonguye iwu timi shi nanike.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

ZEKHARIA 8:8

Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

Apostolmi 2:21

Eno ishive nani, khunono Ampeu je kuluni keno tipaqoye xaluve nani’.

IBRIMI 8:10

Ampeu no pi, Tipa tsalaqo thikhauno ino Israil kibolomi sasu puloshoqhi hipau shi nani, Ino iyezah pesu panongu kukumsulo sutsu nani, Ino tipau panongu mlolo yepukutsu nani, Ino panongu Lhou shive nani, Eno panonguye iwu timi shive nani.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

1 Peter 4:12

Ino kimiyechekeqo, nongu pejuniaye shilukusa ghime nongu shou ikughi akeulo akichiqhi kevilo. Tiye kiuala akumo akukuhau nongu shou ighi ani kughashi kevilo.

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.

Piyeküsü 8:10

Kungumi akuthuuno pa fuko kuyigha, kelo ayepu kije lakhi, akulu lakhi toi iquakeu atsutsu lono pheqhi eno aghoki akeqo kikije kuthulo lakhi shou azupuki shou ikiqi iku.

Piyeküsü 8:11

Ayepu tipau jeye “Khumtsayi.” Azu kikije kuthu shikelo lakhiye khumtsayive eno azu yekeu lono timi kutomo thive kughengu tiye khumtsayike.

Piyeküsü 8:12

Kungumi abidiuno pa fuko kuyigha, kelo tsukinhe kikije kuthulo lakhiye ghaphove, aqhi ngo ayepuqo ghi kikije kuthulo lakhiye ghaphove, ikehu tipau kuvu ghi saje kuthulo lakhiye kuhave; atsala kikije akuthuu loye eno putho kikije akuthuu loye akuvu kuhave.

Piyeküsü 8:7

Kungumi atughiuno pa fuko kuigha. Tipa mtsa apughu, ami, eno ajih pesu xukutshuno ayeghi shou leqhipuku. Ayeghi kikije kuthulo lakhi, asubo kikije kuthulo lakhi eno atsuni kuxu kumtsu pitilekhave.

Piyeküsü 8:8

Kungumi akiniuno pa fuko kuyigha kelo kiukela naghuto kuloghi toikeu lakhi amino piti-ghi azughilo vesuve. Azughi kikije kuthulo lakhiye ajih ilhowuve,

Piyeküsü 8:9

azughilo lhoxu kikije kuthulo lakhiye thikhave eno ashukaki akeqo kikije kuthulo lakhiye shipusave.