ZEKHARIA 13:7 - BAIBEL (BSI)

⁷ Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

Sumi Naga CL (Re-edited) Bible (BSI)

⁷ “O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 13:7 ပူးပေါင်းရင်းမြစ်များ

LESHELE 2:2

Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

ISAIAH 1:25

Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 27:1

Tipa tsalalo AMPEU no pa zutakihi akuka akeu eno akithipu akeu pesu ihoghulai itikicheu Dragon ghimeqhi nani eno Aghahwu azughilo achekeu ghiqhi nani.

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 47:6

Nonguno ishi ighake ‘AMPEU ghushi zuta! nonguye ado khitotohi ghaleqhi anani kya? Obohulo idewovelo, tilau ngovelo eno akulhoqhilo!’

EZEKEL 21:28

“Thinikuau timio, tungkuptsa pilo. Ni, Akughushu MPEU no Amunmi lau kiu piani keno asheshulo; panonguno Israil thaigha achenike. Panoqo vilo pilo: Azutakihi lakhiye ghiqhiniye kutoluvae; Hiye ghiqhinike ilompuivae, tsutsu pha toi kulophayinike.

EZEKEL 21:3

AMPEU no piani kepi piputolo: Niye oghumike. Ino azutakihi sujono nongu kumtsu, kivimi na alhoksami namu aphiphi shi ghiqhi nanike.

EZEKEL 37:24

Akukau lakhi iqeu David toikeuno panoqo kukau shive nani. Panongu kumtsu ayehkipeu lakhi qholono kuqhaluve nani eno amikucho shi iyezahqo papelu nani.

EZEKEL 7:6

Ashekha hu ighi ani, hiye ashekhake. Nonguye kishekhave niake.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

ZEKHARIA 11:11

Ikehu puloshoqhiye tipa tsalani lono hexaveke. Bheri qhu chekemi eno je chekemino ijukuto ake, ino kiu shiakeno tipau vechewo AMPEU no piakepi panonguno ithiae.

ZEKHARIA 11:4

AMPEU iLhou no ivilo pi, “Bheri loji lakhi ghiqhini aye akeqo shou akheu kumla shilulo.

ZEKHARIA 11:7

Khunoqono bheri qhu cheni eno je cheni keno panonguno ipiqeke eno niye bheri ghiqhini aye akeqo shou bherikheu shive. Ino akusu kini luke: lakhi pesu “Qhuivulaikeu” ipi ino kutsu eno lakhiu pesu “Kuqhakulu” ipi kutsu. Ino bheriloji jukutocheke.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

MATTHEW 10:42

Ino nongu vilo pini, ikhopemi gholo akutulau shi anamu paye ikhopemi keke ipi puzu khuno azukumko ajukhu lakhimu yekepu tsuni keno mtsuqheyino pa saxuye khilemu puhavemo nani.”

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

MATTHEW 18:14

Tihutoi kungughalo akeu nongu paPuh ye hipaqo kititi gholo lakhimu puhave penishimoe.

MATTHEW 26:31

Tilehi Jisu no panoqo vilo ishipi, “Itiji nongu kumtsu pokhave nani eno ilikhi qhiveni cheni, kughengu kuchoyesulo ishi yepuani, ‘Ino bherikheu heqhipithive nani, tileno bheri lojiye apanagha kohave nani.’

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

Mark 14:27

Jisu no panoqo vilo pi, “Nongu kumtsu ipheve nani eno ilikhi qhive nani; kughengu kuchoyesulo ishi pipuani, ‘Ino bherikheu ghaqhi nani, eno bheriqoye apanagha kohave nani.’

Mark 14:50

Akhopemi kumtsuno pa qhiveno pokhave.

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Luke 17:2

Timi khuno hi kitilaqo gholo milakhi pelomu axine shive penikeno athi kutsughu tu pa kuolo tsughada pipe puzu pa kughape ayizulo vesuvekeu pavie.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 10:30

Ni eno Apuh ye lakhie.”

John 10:38

ikemu ino tipaqo shiaghi aye nonguno ishou pulubemo namu nonguye ikumla likhimu pulu kepue, tishianguno Apu ye igholo ani eno niye Apu gholo ani kepi nonguno mutsumishei ithi apenike.”

John 14:1

“Nongu mlo kutakihi kevilo, nonguno Alhou pulu cheni, eno ishou ghi pulu acheni.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

John 16:15

Apu no akeu kumtsu iwuke, tighenguno ino pive keuno Aghungu huno ino kiu pikepu akeno tipau pesu nongu vilo pi nani.”

John 16:32

Nongu kumtsu pututa shelo pututa kilo apanagha halesuveno ilikhi qhivenikeu tuqhudo hu cheni eno hi cheae. Ikemu niye ilikhi ani chemoe kughengu Apuh no igholo ani.

John 5:23

tiye panonguno Apu gihu ketoi kumtsuno Anu gihupeniyeke. Khunono Anu gihumoni keno pa puwu puakeu apuh hu gihumovae.

John 8:58

Jisu no pi, “Kuchouno ino nongu vilo pini, Abraham zuuno niye aighivae.”

Apostolmi 2:23

Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

Rommi 4:25

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

FILIPIAMI 2:6

Paye Alhou lho-aye qhemilo anamu tsuyikhomo Alhou qhemi shi amasakepi kumsumoe.

IBRIMI 13:20

Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.