ZEKHARIA 11:6 - BAIBEL (BSI)

⁶ (AMPEU no pi, “Niye ayeghilo milakhi shoumu imlo ighiqhiyi keu shimoe. Ni ampino timi kumtsu pesu pano shou ayehkipemi ulo suvetsuni. Ayehkipemi tipaqono ayeghi shipsa khave nani eno niye panoqo kuka lono ayeghi xalumo nanike.”)

Sumi Naga CL (Re-edited) Bible (BSI)

⁶ Kughengu hipa ghakhu lo küxümiqo lau Ni ye küpükeu kühavae, ipi Ampeu no asheshu. Julo, I no timi lakhikhi pelo pa kisüghüu u lo, eno pa kükau u lo ikiqi ilovepe nani, panongu no ayeghi kütsale nani, eno Ni ye panongu u lono khumu xaphemo nani.”

ZEKHARIA 11:6 ပူးပေါင်းရင်းမြစ်များ

LESHELE 50:22

“Hi inilo, nongu Alhou phimono achekeqo, tikumoaye ino nongu kutsakhave nani, eno khunomu nongu xamla nani.”

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

ISAIAH 3:5

Eno timiqoye lakhino lakhi qodaqhi nani akusamino akusami, akitomino akitomi qodaqhi nani. Lhothemino kichimi phimo nani eno kusakughamino gihu kuzumi phimo gihumo nani.

JEREMIYA 13:14

Tileno muchomi na lhothemi pinamu ayeghi tughuko toi lakhino lakhi shou ino panoqo vedaqhi nani. Niye amlo ighiqhiyi keu momu amloksa kiunomu ilakhamlano ino panoqo kutsaqhi nanike.’ ”

AKUMLO 2:21

Ahelomi ngo kitemi aphiphishi alaghilalo thi ani, Apumi ngo ilimi aghumi zutano pithive. Omlo kighide tsalalo kimiyemo puzu nono panoqo ghiqhive.

AKUMLO 5:8

Timi qemi nguno alhoksau qono ni shou ayehpe ani, ikemu khunomu panongu ulono nixamlake.

EZEKEL 8:18

Ikemu panonguye iloghu kighide kumtsu pumasa nani. Niye panongu pheveni chemoke momu panongu jupe imlo iqiveni chemoke. Panonguno shiluke thaqhu ighamuku ilau khuini nani ikemu niye panoqo tsa initsumo nanike.”

EZEKEL 9:10

Ikemu niye panoqo kimiyeni chemoe. Panonguno kutami shou kiu shipuani keno tipau ino panoqo shou shini cheni.”

HOSIYA 1:6

Gomer no anga akiniu punu, ishiu loye totimi lakhi. AMPEU no Hosiya vilo pi, “Lije Lo-Ruhama kutsulo, kughengu niye khilemu Israilmi kimiyeni chemo momu panoqo xine qhitsumo nani.

HOSIYA 2:10

Ino li lojipumi zulono li phimini xalevetsu nani eno khunomu iu lono li xaphelu kepu shimo nani.

MICAH 5:8

Ashiayehqo gholo Israilmi ghupe puaghi keqoye abongushu lakhino aghasulo momu achu kumza-alo achuqupu phuche keu toi nani: tipauno bheriqo gholo ilo puzu ilhewo tipaqo tsu cheni, tipaqo suthapinyive cheni eno tilehiye hakho kulupu laju akepu kuhave cheni.

MICAH 6:14

Nonguno chu nani ikemu aghaqimo nani, tsaquino nonguye muzuthi auve nani. Nonguno tinhemgha puwu nani ikemu nonguye tipaqo kike puamla nani; nonguno kiu kiu kike puaghinamu ino aghushi lono kutsavetsu nani.

HAGAYI 2:22

eno akukaqhaqo xaleveno panoqo kuka kishekhave tsuni. Ino khurkulu ngo tipau sakicheu tukidevetsu nani; khurshi qoye thive nani eno tipaqo shou ikuchekemiqoye lakhino lakhi pithikileve nani.

ZEKHARIA 11:5

Panoqo pighiuno panongu ghiqhi cheni eno ghikiqhimi shou aghime tsumono wuvepe cheni. Panonguno ashi jepuzu ishi picheni; ‘AMPEU shelo! Ninguye kinimi shiluvae!’ Bheriqo kheu ghi bheriqo kimiye qhiyi keu kuhake.”

ZEKHARIA 11:9

Tishi puzu ino bheriloji vilo pi, “Hinguno hilauye niye nongu shou akheu shimoe. Nongu khunoqono thiniye anikeno thipelo, kutsapinyive niye anikeno kutsa pinyivepelo. Khunoqono xuaghini keno lakhino lakhi kutsapinyi nanike.”

ZEKHARIA 14:13

Tipa ghulokilo AMPEU no panoqo pelo izuvulaivepe nani eno Musaichive pe nani, ikelauno lakhino lakhi pa phivilo aghikeu heqhi buqhikileuve nani.

ZEKHARIA 8:10

Tipa zuuye timimu pichepighimu piqesulu kepu shimlake eno timi khunomu pa ghumi launo xakulupu kuhano acheke.

MALAKI 4:6

Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.

MATTHEW 24:10

Tipa ghulokilo timi kutomono pano kupulu pheve nani, lakhino lakhi pesu thechu shi nani, eno lakhino lakhi ju axesu nani.

John 19:15

Panonguno igha kithe pi, “Pa pithivelo! Kros lo pa yedavelo!” Pilat no panongu vilo iniju, “Niye nongu kukau yedavelo pikesha?” Achinetomino khochile, “Ningu kukauye Kaisar likhi ke!”

1 Thes. 2:16

Kughengu Judakumomi vilo atsakiviu pikulha puzu xakulupu shinikeulo panonguno ningu lakhake. Hipau shikeu lono panongu xine kumtsu shikupu nike pulhapuju hitoi shi achenike. Ikemu ashekhalo Alhou loghu panongu shou ikughivae.

IBRIMI 2:3

Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.