ZEKHARIA 10:9 - BAIBEL (BSI)

⁹ Ino ashiayeh kutami gholo panoqo halepuwuve namu, putou yeghilo ghi panonguno kumsuchileu nani. Panongu eno pano tianuliye puxutsu nani eno kumtsa pano phuyinalo ideghi nani.

Sumi Naga CL (Re-edited) Bible (BSI)

⁹ I no shiyeqo gholo panongu hale puwuve namu putou ghakhu lono panongu no I kümsülu nani, eno pano tianuli sasü panongu no aküxü achili shi ideighi nani.

ZEKHARIA 10:9 ပူးပေါင်းရင်းမြစ်များ

NEHEMIA 1:9

Ikemu nonguno ilau tsughu ide ighi eno izahqo luaye nonguno ayeghi ashekhaqolo piyepighive aghinamu sachile saghieno ino kisheluve keu alo imlla penie.’

ESTHER 8:17

Akukau yezah ayeghiqha eno aphughilo ighikeu kumtsulo Judamino alokivino chhitoive eno kuchukusho shi pinyi eno thhe auve. Aghakhulo xu akemi Juda kumomi kutomo no Judami msa akehu panongu ghi Judamike piuve.

ISAIAH 44:21

AMPEU no piani, “Israil, hipau kumsululo; noye iqeu kepi kumsululo. Iqeu shipenike ino olhopheke, eno niye khilemu okumsuma moke.

ISAIAH 64:4

Timi khunomu otoikeu lhou ithulu momu chimla aphike, opulube chekemi ghenguno nono mlatsukeu toike kutami kuhae.

ISAIAH 65:23

Panonguno akumla mlakeulo shiwotolu nani eno panoqo tianuliye kutsakungokeu kusholumo nani. Ino ighinikeu ado kumtsulo panoqo ngo pano tikughukomi kumghatsu nani.

ISAIAH 65:9

Israilmi khunoqono Juda laghami keno ino panoqo kumghatsuni, panoqo laghano iyeghilo naghutoqha amheghi shi iyighilu nani. Ino kisheluvekemi timiqo; khunono iqechekeno panonguno tilehi kughuna nani.

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 51:50

AMPEU no pawu timi Babilon lo akeqo vilo pi ani: “Nonguye akithi lono pokaluvae! Itehiye wulo! Ngo akevilo! Nonguye noghakhu lono putosulo anikemu nongu MPEU kumsulu alo eno Jerusalem kumsulu alo.

EZEKEL 6:9

tilau panonguye hapupove kemiqo shi xuche nani. Tilauno panonguno ikumsu chilelu nani eno ino panoqo ghimeqhi eno shikukujoqhi kepi ithi nani, tiye kutau kumono panonguno akupulu kuhakeu mlo xapusu iqhiveke eno inguno asu-atu julho paviuve kehue. Panonguye pano shou angaghaive nani kughengu panonguno alhoksa ngo niqhunilai keu jeli shiveke.

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

AMUS 9:9

“Ino ahza tsupuzu akhoje lono athi ijokeshi Israil lo akemiqo ijo nani. Ino ashiayeh kutami gholo panoqo ijosu nani tiye amekuhakemi kumtsu ikhipeve niyeke.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

Apostolmi 8:1

Tipanino Jerusalem lo akukuho shou shishe akijipusakeu ipeghive. Apostolmi thono kupulumi kutamiqoye kumtsu Judia ngo Samaria bocholo apanagha kohave.

Apostolmi 8:4

Kupulumi khunoqono apanagha wuve keno aqha kumtsulo atsa pesu vekupha wove.

Rommi 11:24

Nongu Judakumomi ye, alho lono aghalo Oliv subo kemu michepewo alholo aye hexa ghi, pighichekeu Oliv subolo kimepuku puakeu toike. Judami ye alho lono pighichekeu Oliv subo toike, eno Alhou ghenguye hi icheiqivekeu loka pa likhi pa bolo kimekitheveni keu mulaleike.