ZEKHARIA 10:7 - BAIBEL (BSI)

⁷ Israil lo achekemiye ghushimi toi choshiyi nani, aji sho akemi toi alokivi shi nani. Pano tikughukoqono tokulu hipau kumsuchilelu nani, AMPEU no mla tsukeulo aghakiqishi anani.”

Sumi Naga CL (Re-edited) Bible (BSI)

⁷ Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

ZEKHARIA 10:7 ပူးပေါင်းရင်းမြစ်များ

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 43:34

Josef ghulhua lono milakhi khi sala achuqupu kepewo qhitsu ape eno Benjamin salaye kutamiqo sala nguno ghuthu punguno alau shi kepewo qhitsupe. Ike panonguno pa gholo chu shoae eno panongu kumtsu aloinoluve.

LESHELE 102:28

Ni tianulino akuxu kivilo xu nani, eno nono sushokeu qholono pano tianuliye sushokulu anani.

LESHELE 104:15

atsayiji mlaphe pesu pa lokivishi lupe, pa zupuvu tsunike oliv teli ipeghi; akumto pa tsuni kepu asho mlaphelupeke.

LESHELE 13:5

Ikemu niye owu iqemokeu kikimiye shou pukhube acheni; Owu xakululo imlono alovi ani.

LESHELE 28:7

AMPEU ye ikumto eno izuto, pa lau ino pukhube cheni. Tighenguno pano ikuphutsu eno ilopivitsuke, eno ino alokivi le phepesu pa shikimthitsu cheni.

LESHELE 33:21

Ninguye pa ghenguno alovi acheni; paje kimthe ninguno pukhu acheni.

LESHELE 90:16

Ningu, oqemi pelo nono akughushu kumla shikeu ithulupelo; nitianuli pelo owu akughushu jekipi ithulupelo.

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

ISAIAH 38:19

Kuxumino osheqhelu cheni, itehi ino osheqhe akeu toi. Apuhno anuliqo vilo noye kiutoi amikucho keno picheni.

ISAIAH 54:13

“Ni ampino nowu timi shikapiye nani, eno kinikulu ngo alakishi panoqo tsu nani.

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

JEREMIYA 32:39

Ino panoqo lau akuxulo akimijipu lakhi pesu tsu nani: ado kumtsulo igihunikeu, tiye panoqo kivipu eno panoqo laghami kivipu ghenguno.

EZEKEL 37:25

Ino iqeu Jakob tsukeu yeghi shou panonguno kughuna nani, tiye panoqo puasuno achekeu yeghike. Panonguno alhokupujulo tilehi kughuna nani, pano tianuli eno atikughukomi kumtsu titoi shi nani. Akukau lakhi iqeu David toikeuno alhokupujulo panoqo shou ayehpe nani.

JOYIL 2:23

“O Zion lo akemiqo, amlo kiqishilo, AMPEU nongu Lhou no nongu ghenguno kiu shivetsu akeno tipaulo alovilo. Pano ghile tsala tsutsughu achipiu pe nongu tsuke; Pano nongu lau susu tsutsughu ghuqhi tsuke eno puzuu toi ghixu tsutsughu tsuke.

HABAKUK 3:18

Niye amlokiqi launo alovi ani aphike, kughengu AMPEU Alhou ye ixakuluuke.

ZEFANIA 3:14

Israil lo akemiqo, alokivi launo shipili ighalo! Jerusalem, omlo kuchopu pe alovilo!

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ZEKHARIA 9:15

Aqokitikhi MPEU no pawu timi susho nani, panonguno aghumi kutsaleve nani. Panonguno shomkuzumi toi aghushi akelo igha nani eno pano ghumiqo ji pele nani; Tiye akumllagho khachelo akhu lono aghashikeu ji pelekelo toi tipaqo ji qowu nani.

ZEKHARIA 9:17

Ayeghiye kiutoi jukighilepu eno akivipu shive nani kela! Tipaulo ipeghi keu xatsuni eno atsayijino lhothemiye choshiyi thuwulu nani.

Luke 1:47

Ilolo alokivi ani, Alhou ye ixakuluu ke.

John 16:22

Tihutoi nongu ghi itehiye amloksa shi ani, ikemu niye itaghi nongu sasu kusholuni aphi, tileno nongu mlolo alokivino chhitoilu nani, eno khunomu nongu lokivi ikhisuwuvemla nani.

Apostolmi 2:26

Highenguno imlouno alokivishi eno itsapi lo alokiqishie. Tinguno alau, niye thiveni kuau shianamu, lajupu xapu acheni.

Apostolmi 2:39

Kughengu Alhou shoqhiye nongu ngo nongu tianuli eno khunoqomi putou anikeno khukhumu Ampeu ningu Lhou no kulukemi ghenguno ke.”

FILIPIAMI 4:4

Pulhapuju Ampeu lono alovilo, ino itaghi pi ani: alovilo!

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

SAMUEL ATUGHIU 2:1

Hanna no inikhu: “AMPEU no alokivi pesu imlo chhitsu; Niye ighono alovi ani pano ilau mlatsukeu ghenguno! Ino ighumiqo junu anie; Alhou no ikuphu tsukeu ghenguno niye kiutoi alokiqi kelae!