ZEKHARIA 10:6 - BAIBEL (BSI)

⁶ “Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

Sumi Naga CL (Re-edited) Bible (BSI)

⁶ “I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

ZEKHARIA 10:6 ပူးပေါင်းရင်းမြစ်များ

LESHELE 89:21

Ikumtoye pulhapuju pa gholo ache nani, ikukano pa shikumto nani.

ISAIAH 11:12

AMPEU no ashiayehqo piyenike michiphi peqhe nani, tiye ayeghi cheku bidi lono Israilmi ngo Judami apanagha hale puakeqo itaghi hekutsu kumqono sachile saghi niyeke.

ISAIAH 14:1

AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

ISAIAH 54:8

Atuqhudo lakhi ghengu likhi imlo ideye niye tsughu su wuveke, ikemu alhokupuju ghenguno ino kikimiye opiye nanike,” ipi AMPEU oxalukeuno pianike.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:20

Iwu timiqo shiayeh kha-ghi kuka ino tsuchile nani eno tipau itaghi mutotoi qhi nani; Panoqo qodaneda kemi kumtsu ino ghimeqhini.

JEREMIYA 31:1

AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 31:31

AMPEU no piani, “Ino Israil lo timi eno Juda lo timiqo sasu puloshoqhi akithe lakhi shinikeu ghuloki wocheni.

EZEKEL 36:11

Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

EZEKEL 36:37

Akughushu MPEU no piani, “Itaghi ghuthu lakhi ino Israilmi pelo ivilo akukuphu khu peni cheni eno ino panoqo pelo bheri loji lakhi toi alau ikowolu penani.

EZEKEL 37:16

“Thinikuau timio, asuta lakhi ikhilu puzu tipau shou, ‘Juda kukaqha,’ ipikeu tsa yepukulo. Tithiuno asuta kutau lakhi lupuzu atsa hipau tipa shou yepukulo, ‘Israil kukaqha.’

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

Obadiah 1:18

Jakob ngo Josef wu timiqoye ami toive nani; Amino ateni pitive keshi panonguno Isao wu timiqo kutsaleve nani. Esao polo kughukomi lakhimu puxumo nani. Ni, AMPEU no piqhiveake.”

MICAH 4:13

AMPEU no pi, “Jerusalem lo akemiqo, wulo eno noghumi ghimeqhilo! Amshitsu lakhino ayi kibo eno alazayi pukhumutsu puakeshi ino nongu pelo akumto shipe nani. Nonguno ashiayeh kutomo ghadaqhi nani, eno panonguno heqhi buqhikeu lono kinikulu pekutsu puakeu pesu nonguno ni, ayeghiqha kumtsu shou AMPEU zulo peighilo.”

MICAH 4:6

AMPEU no pi, “Ino ghimeqhi puakeqo timi itaghi ino hekutsu kumqonikeu ghuloki wocheni, tiye halephepe shilusa akemiqoke.

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

MICAH 5:8

Ashiayehqo gholo Israilmi ghupe puaghi keqoye abongushu lakhino aghasulo momu achu kumza-alo achuqupu phuche keu toi nani: tipauno bheriqo gholo ilo puzu ilhewo tipaqo tsu cheni, tipaqo suthapinyive cheni eno tilehiye hakho kulupu laju akepu kuhave cheni.

MICAH 7:16

Ashiayehqono tipau ithulu puzu panoqo kumto shishe ae pinamu avesave pelo. Apuchopungo kelauno pano kichi kujuluve eno pano kini kiyikhaluve nani.

ZEKHARIA 1:16

Tighenguno niye aphughi shou kimiyeqhiyi nike Jerusalem lo ideighi ani. Ichinekiye shikitheve nani eno aphughiye shikithe pukuve nani.”

ZEKHARIA 10:12

Ino iwu timiqo shikumtope mutotoi nani eno panonguno imlla eno igholu nani.” AMPEU no piqhiveake.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 8:11

Ikemu itehiye ashiayeh hipaqo gholono ghupe puaghi kemiqo kutashi ino peitha nanike.

ZEKHARIA 9:16

Tipa tsala ighikelo, AMPEU no pawu timiqo xalu nani, tiye bherikheuno akumsapu lono pawu bheriqo xaluke toi nani. Akutsukuqho lakhi akughupu tu ake toi panonguye pa yeghi yepuvutsu nani.