ZEKHARIA 10:2 - BAIBEL (BSI)

² Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

Sumi Naga CL (Re-edited) Bible (BSI)

² Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

ZEKHARIA 10:2 ပူးပေါင်းရင်းမြစ်များ

BOTHUBO 31:19

Laban ye pawu bheriqo amhi ghoniye wuve eno pakuha kelono Rachel no papuh wu aghatu pukasuwuve.

KUKAMI ATUGHIU 22:17

Mikaiya no khochile, “Israilmi ghushimiye bherikheu kuhano bheri apanagha cheketoi naghuto kumtsu apanagha itsu chekhani. AMPEU no pi ani. Timi hipaqoye saphetou kuhake panongu pelono iqunei akilo wovepelo!”

JOB 13:4

Nonguye akimki lono nongu kumtha jonha anie, nonguye khumu shipivi mlakeu shikipiviu hutoi ke.

JOB 21:34

Imaye, kishi puzu nonguye avehu kumsa keu pesu ilokughunotsu ani kya? Nonguno pivekeu kumtsu akimkie.

ISAIAH 41:29

Hi alhouqoye kumtsu adouke; panonguye kiumu shimlake, ajulho kimihi hipaqoye miqemilei eno akuka kuhake.”

ISAIAH 44:25

Ino asaqhi chekemiqo shikughu zuke eno ayepu yesu jupe asaqhi chekemino asheazu shi pikeu ino hexake. Alokutsumiqo tsapi ini lachilevetsu eno panoqo lokutsuye aghuzu nikha kepi piyeke.

ISAIAH 44:9

Ajulho shichekemi kumtsu ame kuhae, eno panonguno shishe amekusho shichekeu lhouqoye avehupu kuhae. Khunono hikithipu lhouqo mllacheni keno tipaqoye anhethi iche eno mbomzuke eno panonguye kujo mzave nani.

ISAIAH 46:5

“Nonguye ipesu khuu kimighini kya?” ipi AMPEU no pi. “Kutami itoikemi ani kesha?

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

JEREMIYA 14:13

Tileno ino ishi pike, “AMPEU Alhou, nono ithi anike tungkupmino timiqo vilo aghukishi momu akhu-ava ighimo nani kepi piani kughengu panonguno pikeuno nono tushoqhive keuno niyeghilo iquighakeu likhi anikepi piani.”

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 27:10

Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

JEREMIYA 27:14

Tungkupmi khunoqono nongu vilo pa qholo qhoi phesuve tsu kevilopi lakhani keno tipaqo tsa initsu kevilo. Panonguye nongu pishiqhi anike.

JEREMIYA 27:9

Nowu tungkupumiqo pina momu khuu khumu pano asamouno momu kithimi ghungu kusaghikeu lono momu kuduu lono ighinikeu ghili ashe-azu shi pitsulu nani kepi picheni keno tipaqo tsa ini kevilo. Panongu kumtsuno nongu vilo Babilon kukau qholo ngo kevilo pichenike.

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 37:19

Owu tungkupmi khunoqono ovilo Babilon kukauye oleghimo nani momu ayeghi hipau leighimo nani kepi pichekeqoye kiu shikhave akya?

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 51:23

bherikhemi ngo panowu bheri loji ghiqhile nike, hokidemi ngo panowu khurshiqo ghiqhile nike, ayehkipemi ngo kijemi qhemghai keu chunudaqhi nike, ino opeitha cheke.”

JEREMIYA 6:14

Iwu timiqo ghuzakuqoye kuxushope akeu paphi lono panonguno mla itha cheni. Kumtsulo akivishimono akelo ghi panonguno, ‘Kumtsu vi ani’ ipi cheni.

JEREMIYA 8:11

Iwu timiqo ghuzaku qoye chixesho keu likhi toi shi-ghi panonguno mla itha acheni. Thwokhalo vimo akeghi panonguno, ‘Kumtsulo vi ani’ ipi picheni.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

EZEKEL 21:21

Babilon kukauno ala shokubalo kichekeu michipulo puthugho. Khipala wuni keno ithinike pano asaqhiniye apiji tsu kighide ju, pano pa su-atu lau kighithi kileji; pano lhoxu heqhi mllakeu loshi jukutoju.

EZEKEL 21:29

Nonguno zuxouno ithulukeu huye kichileke eno ashe-azu tsa nonguno pichekeu huye akimkike. Nonguye kixikila eno alhoksake eno nongu tsala cheni, nongu ghime ashekhau tsala chenike. Azutakihiye nongu kuoghilo ikughini cheni.

EZEKEL 34:5

Bheriqoye akheu kuhake ghenguno panonguye hapiye pighivae eno tughashino panoqo heqhi puzu tsuchuvae.

EZEKEL 34:8

Kuchouno niye xuakeu Lhou ke nonguye itsa initsu kepue. Iwu bheriqoye tughashino heqhi chuvae kughengu akheu kuha kehue. Iwu bherikhemiye bheri phu nike pukaputsamoe. Panonguye pano likhi pano tuchoheju auve kethono bheriqo jukutomoe.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

HABAKUK 2:18

Asu-atu julhoye kiu vehupu ani kya? Tiye timino kiuala shipe qhikeuke eno tiye akimki kumoaye kiumu nongu vilo pimo nani. Tipau mlaqhikemi pelo tipau pulupe nike kiu akivi shipuani kya? Atsa ghi putsamlakeu lhou ke!

ZEKHARIA 11:17

Amekuha mithekeu bherikheu tipauye pithiveni putsake! Paye pawu bheri loji qhiveke. Aghukishino pa kuka qhoi kutsave nani. Paye thizum-muyive nani eno pa nhethi ajeu kudauye icheuve nani.”

AKIKIHI 27:17

eno aghushilo panongu shou ahza tsukeu shipelo tishianguno owu aqoaho ye bheri loji akheu kuhakeu toimo nanike.”

MATTHEW 9:36

Pano aqokitikhi ithulu kelo panoqo ghenguno pa mlo shishe ighiqhiyive, kughengu panonguye akheu kuhakeu bheriqo toi shiluksa shi ae eno kuphukemi kuha.

Mark 6:34

Jisu no ashuka lono wo tokelo pano timi aqokitikhi hu ithulu eno panoqo jupesu pa mlo ighiqhiyive, kughengu panonguye bheriqono akheu kuhano aketoi ithulu. Ike pano thwokha jeli pesu panoqo kutsu.

ZAKINIU 13:2

tiye nongu msu sasu alhou kutau puzuu nonguno mlla chemokeu lhou qe eno mllauve peniye shi aghiluvi. Pano kiu tushoqhi keno tipauye kuchouno shikupuve namu,

XAKUTHAMI 18:14

Tileno pano pungu khunoqo Lais lo ayeghi juwu peniye puwukeno panonguno pano kusami vilo ishi pi, “Aki hipau lo asu no shikeu lhou tsandiyi no khikhape qhi puakeu nongu ye ithi anima? Tipau gholo ajulho lhou kutau ghi akhani eno efod ghi anie. Ninguye kiu shikepue pi nongu ye kumsu ani kya?”