ZAKINIU 8:8 - BAIBEL (BSI)

⁸ ayeghi tipaulo ashothi, barlithi, atsayithi, khughuthi, khaghatu, Oliv eno akhi ngozu ipeghi chekeu ke.

Sumi Naga CL (Re-edited) Bible (BSI)

⁸ ti ye ashothi, barleythi, atsaibo, mububo, khaghatu bo, olive, eno akhingozü ipeghi chekeu yeghi ke.

ZAKINIU 8:8 ပူးပေါင်းရင်းမြစ်များ

BOTHUBO 49:11

Pano gadaha ti attsu atsayibolo tshue, pawu gadaha ti al-li atsayibolo tshupukue; Pano ajilo eno atsayizu kuhu lono pa phimini ishie.

SAMUEL AKINIU 4:6

Totimi ahukikha lo ashothi ijoghi ngo akeuye inguano zuhuve kelono Rekhab ngo Bana pamano mkhano sholokuu ilove.

KUKAMI ATUGHIU 5:11

Solomon ghi athi ahu kimighi 100.000 eno oliv teli abohu 110,000 pesu ampe ampelo pawu timi lojipenike Harim tsulu.

KUKAMI AKINIU 18:32

Asiriya kukauno nongu kughapesu nongu yeghi toike alo sawo qhimoke kutolo—a-a khileno atsailu vechewono asho shilu cheni ishikeno; hiye oliv yeghi, oliv teli eno akhi ngozu achekeu yeghike. Tsala pano ahza tsukeu nonguno shi aye nonguye thimo nani, ikemu xulu nani. Khilemu AMPEU no nongu susholu nanipi Hezekiya no pikeu tsano nongu pishiqhi pekevilo.

LESHELE 147:14

Pano noyeghi lughi kupunamono qhitsu eno athi aghileu pesu ogha piqitsuke.

LESHELE 81:16

Ikemu ino athi akiviu pesu nongu lojinike, eno aghalo khingozu pesu nongu ghapiqi tsunike.”

ISAIAH 7:23

“Tipa tsalaniye, atsayilu kivilo atsaibo 1,000 akeqoye lakhikhino tsandiyi 1,000 khi me shinamu kumtsu asahupho ngo aghusahuno qunha khave nani.

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

JEREMIYA 5:17

Panonguno nowu axa ipeghikeu eno nochuqupu tsakhavetsu nani; no tianuli kiptimi totimi jeli ghiqhivetsu nani. Panonguno nomishi loji eno bheri loji ghiqhile nani eno no-tsayibo ngo khughuthibo shipusave tsu nani. Nophughiqo aliwo putupuakeu nongu no pukhu achekeu hu panowu ghushimi lojino kutsaleve nani.

EZEKEL 27:17

Juda ngo Israil ghi onhemghaqo me ashothi, akhi ngozu, oliv teli, eno vepujumukhu pesu otsuke.

HOSIYA 2:22

Ino ayeghi shou tsutsughu ghuqhipe nani, ayeghino athi atsayithi eno oliv lhoipeghi tsu nani.

HOSIYA 2:8

Ino athi, atsayi ji, oliv teli, tsandiyi ngo shunayi kumtsu tsuno lino tipau pesu Baal, mlla chekeu liye khilemu ithi tsuni chemoe.

MICAH 4:4

Pututa shelo kumtsuno alokughunoshi pawu atsayili eno khughuthibo qholo xucheuve nani eno khunomu pa shikumsamo nani. Aqokitikhi AMPEU no hipau piqhiveake.

HABAKUK 3:17

Khughuthibono athi pithinike pu-move namu eno atsayibolo atsayithi ipeghimo namu, Oliv lothi pithimove namu eno alulo athi ipeghimove namu bheriqo kumtsu thikhave namu eno amshikilo amshi kuhave namu,

AKIKIHI 13:23

Panonguno Eskol Khilalo ighi eno tilehi atsaithi apho kije pithi aghikeu lakhi michethalu ike tipau xathi phoye mishishei kehu timi mikinino asu suno kuhopeke. Panonguno khaghatu ngo khughuthi ghi hami xopusu ighi.

John 6:13

Ike timiqono athikishino shikeu sho pungu chu puzu munomugho chukhamono qhivekeu panonguno kichekutsukelo ashoghi chighi kini chhitoi shilue.

John 6:9

“Hilau itimi lakhino athikishino shikeu shopa pungu eno akha kini ani, ikemu timi hijejehi gholo tino kiu shiluni kya?”

ZAKINIU 32:13

“Pano panoqo pelo qhemghai keu yeghi shou kalu pe, alulo kiu ipeghi keno panoqo pelo chulupe. Panonguno atuqu gholo aghalo khingozu phulu; atusa yeghilo pano wu oliv subo aheshi ipeghie.

ZAKINIU 32:14

Pano mishi ngo aneno akichhizu kumzapu tsu; panonguye bheri, ane eno amshi akiviu pighilu, ashothi akiviu eno atsayi-ji shokiviu ae.

ZAKINIU 6:3

Israilmiqo, tipaqo inino papelo! Tishiaye nonguye thwokhalo akivipu shilu nanike eno AMPEU ningu puasu Lhou no tushoqhive keu tholono nonguye akughushu shiayeh lakhi shilu nani eno kinikulu ghuma yeghi lo xulu nanike.

ZAKINIU 8:7

AMPEU nongu Lhou no aghuma yeghilo nongu sailoghini cheni, ayeghi tipauye aghoki eno azupuki akeu eno ayeghiqhou zupukino akhila ngo naghutoqolo mpa ipeghikeu ke;

ZAKINIU 8:9

Tilehi nonguye khilemu muzuthimo nani momu athokha shimo nani. Tipatuquqolo ayi akhani eno tipau naghutolo nonguno tamayi chhulu nani.