ZAKINIU 8:2 - BAIBEL (BSI)

² Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

Sumi Naga CL (Re-edited) Bible (BSI)

² Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

ZAKINIU 8:2 ပူးပေါင်းရင်းမြစ်များ

BOTHUBO 22:1

Tishive kethiu Alhou no Abraham peju ghi pa vilo pi, “Abraham.” Ike Abraham no ishi khochile, “Iye, ni hi anie.”

YEKIKITHI AKINIU 32:31

eno kughou Babilonmi lashikamino ti Hezekiya ghakhulo pakutakeu shive keu vehu inijuniye ighi kelo pinamu Alhou no Hezekiya pelo pa likhi pa kutoshive pekeuye pa kuxu pejuniyeke.

YEKIKITHI AKINIU 33:12

Pa ghimeqhi akelo paye akumtsha shi chuni iqighive eno AMPEU pa Lhou vilo kuphu penike ghenguno qhuinijuke.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

NEHEMIA 9:19

Ikemu noye asayeqhalo panongu qhivemoke, kughengu owu iqemokeu kikimiye kijeke. Noye khungkusu momu ami tsukucho khipaqono putho pucho panongu la piye chekeno tipau ikhi suwutsu moe.

JOB 33:17

Alhou no putsa keuye timi pelo pano lhoksa kumla lono ideghive penike, eno pano pelo qhezamove peniyeke.

LESHELE 103:2

AMPEU sheqhelo, ingulho, eno paye kiutoi kimiyekini keno kumsuma kevilo

LESHELE 106:7

Ijip lo ni puasuqoye Alhou no akumzapu kumla shikeu vethamlake; ghuthu kutomo pa kikimiye panoqo piyekeu kumsumaveke, panonguye Akuhu Zughilo chekelo Akughushuu shou hebideveke.

LESHELE 136:16

Pano asayeqhalo pawu timiqo sasuwu; pa kikimiye ye lhokta kutolo acheni.

LESHELE 77:11

Niye okumla kije kumsulunike, O AMPEU, Wovekeu tsalalo nono akumzapu kumla shikeu ino pikithenike.

LESHELE 81:7

Nonguno shilusa akelo ighamuku ikuke eno ino nongu xaluke. Pasapaghalo ino itshu akeu-a lono ino nongu khochileke. Meriba zupukilo ino nongu ghukejuke.

IPEKULU 15:25

Muse no AMPEU vilo amlo tsuqhiyi akighini shi, ike AMPEU no asuta lakhi pa piyekeu pesu pano azulo vesu eno azuye yelu kepu shiluve. Tileno AMPEU no panoqo pelo pe xuche penikeu yezah pesu tsuke eno tilehino pano panoqo ghukejuke.

IPEKULU 16:35

Israilmiye tipathiu Kanan yeghi wo tomoke kutolo ampe lhobidi Mana chuche. Athiuye panonguno tipa alo wo ngoluveke.

IPEKULU 16:4

Tileno AMPEU no Muse vilo pi, “Jualo, ino nongu kumtsu ghenguno kunguuno achuqupu ghuqhi tsuni chenike. Timiqoye ghulo atsu tsu khalau ipeghi puzu tipa tsalani ghenguno lukumukhashi pekutsulu masae. Hitoi shikeu lono panonguye ino shilo pikeu papenikemo keno ino panoqo ghukejuni cheni.

IPEKULU 20:20

Muse no ishi khochile, “Msakevilo, Alhou ye nongu pejunike ghengu likhino ighi anike eno nongu pelo pa sumsa ache peniyeke tishi anguno nonguye axine shimo nanike.”

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

ISAIAH 2:17

Timi qhekuza kishekhave nani eno timi chhoma kutsaleve nani. Ajulho shisukeu kumtsu qhoi hauve nani eno tipa tsalaniye AMPEU likhi xaqhepukukeu tsala shive nani.

JEREMIYA 2:6

Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

EZEKEL 20:19

Niye AMPEU nongu Lhou ke. Iyezah ngo ino ahza tsukeu pelulo.

AMUS 2:10

Ino Ijip lono nongu saipeghi, asayeqha lo ampe lhobidi nongu la piye eno now shipeniaye Amarimi yeghi pesu nongu tsuke.

AKIKIHI 14:33

Nongu tianuliye asayeqha lo ampe lhobidi iqhoiqi chenani, tiye nongu mikuchokumo ghenguno ime chenani, nongu gholo ashekhau kithi kutolo tishi chenani.

Luke 18:14

Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

John 2:25

Khunomu timi vehu pesu pa vilo piakepu avehupu kuhae, kughengu timi lolo kiu anikeno pano akivishi ithiae.

ZAKINIU 1:3

Panonguno Ijip qhivekeu ampe lhobidi shi akelo aqhi chighi aqhaqhiulo atsala atughiulo AMPEU no pa vilo pilo pikeu kumtsu pesu Muse no timiqo vilo pike.

ZAKINIU 1:33

Pano pulhapujulo nongu zuuno wupuzu nongu pelo aghazu shipenikeu-a phujutsu cheni keghi pa pukhubemoke. Alaghi nongu piyenike putholo ami tsukucho lakhi eno puchouno khungkusu tsukucho lakhi lono nongu zuu wuke.

ZAKINIU 13:3

pa lau amlo tsukevilo. AMPEU nongu Lhou no pa peithano nongu peju aghi luvike, tiye nongu mlo kuchopu pesu AMPEU qhuivu ani kemo keno juniyeke.

ZAKINIU 2:7

“AMPEU nongu Lhou no nonguno mlakeu thwokhalo kishi nongu kumghatsu keno kumsuchilelulo. Nonguno asayeqha hipapahi vechesu itsusu wuchekelo pano nongu tucho hijuke. Paye hi ampe lhobidi nongu gholo aighiveake eno nonguye nonguno avehupu shikeu kumtsu ithuluke.

ZAKINIU 29:5

Ampe lhobidi kutolo AMPEU no asayeqha vechesu nongu sasu wuke eno nongu phimini ngo apukhu kuqhoye khilemu aqa shive mphike.

ZAKINIU 32:7

“Wovekeu, khaghi ghuloki kumsujulo; kiu shive keno nongu vilo pitsu lopi apunoqo vilo inijulo, kitemi vilo kha-ghi ghili pitsu penike inijulo.

ZAKINIU 7:18

Panoqo musa kevilo; AMPEU nongu Lhou no Ijip lo Akukau ngo pawu timiqo lau kiu shikeno tipau kumsululo.

ZAKINIU 8:16

Asayeqhalo pano nongu pelo mana sho chulupeke, nongu puasuqoye tipau chuqupu chuju mphikeu ke. Pano nongu pejunike akijikusa nongu shou pukuke tishianguno ashekhalo thime kivi pesu nongu kumghatsu kepu shiniyeke.

James 1:3

kughengu nongu kupulu pejukeu lono tsaqutsaleyi keu ipeghi chenikepi nonguno ithi ani.

James 4:10

Nonguno Ampeu zulo mtshaivulo eno pano nongu sunheqhe nani.

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

XAKUTHAMI 2:22

Ino tipaqo peithano Israilmi ye panongu puasuno shiche ketoi ilaghi zusu wunike mokeno shiyeh kutami hipaqo veche wono ghukeju ani cheni.”

XAKUTHAMI 3:4

Panongu pelo Israilmi lau pekuju lakhi shipeniye ke tishikeu lono Israilmiye kuchouno AMPEU zahkutsu panongu puasu Muse vechewo tsu keu aghokulu shinani ke mo keno peju niyeshike.