ZAKINIU 8:15 - BAIBEL (BSI)

¹⁵ Akumsa kuighupu sayeqha kathasu pano nongu sawuke tile tughu kupu pighi ngo achuwapaza acheke. Qhai azu kuhake yeghi tipaulo pano nongu ghenguno atuqu kuloghi lono azu qoipeghi peke.

Sumi Naga CL (Re-edited) Bible (BSI)

¹⁵ Pa no akümsa küighüpu sayeqha khile tüghükupu pighi ngo achuwopaza ani eno azü küha keno, ti kathasü nongu sawu eno atuqu lono azü qoipeghi peke.

ZAKINIU 8:15 ပူးပေါင်းရင်းမြစ်များ

LESHELE 105:41

Pano atuqu lhaphe kelo azuno qoipeghi eno aghoki toi asaye qhalo qowuke.

LESHELE 114:8

pano atuqu pesu azu chokeu-a shivetsu eno atuxuno qowuakeu zupuki shivetsuke.

LESHELE 136:16

Pano asayeqhalo pawu timiqo sasuwu; pa kikimiye ye lhokta kutolo acheni.

ISAIAH 30:6

Hiye apeu asayeqhalo tughashi akeqo ghenguno Alhou sutsake: “Lashikamino akumsapu ghakhu kathawu eno khilehi abongushu acheni, khileno tughukupu pighi ngo yewukeu Dragon acheni keno tipa-alo wucheni. Panongu kuphumlakeu shiayeh lau agho tsunike ghenguno panonguno amekusho nhemgha pesu gadaha ngo kemel xapipe cheni.

ISAIAH 35:7

Aghokiti zuno asayeqha vechesu qowu nani; asaye shukuthuyi keuye ayizu kucho shive nani, eno qhaike yeghiye azupuki auve nani. Khilehi sherqo achekeno asalebo ngo amuttu ipeghi nani.

ISAIAH 43:19

Avehu akithe ino shiniye akeu jualo. Tipauye shi ipeghiayeke nonguno itehiye tipau ithulu nani! Asayeqha kathasu ino ala lakhi mula nani, eno tilano aghokiti zu nongu tsu nani.

JEREMIYA 2:6

Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

HOSIYA 13:5

Asayeqha qhaikeu yeghilo ino nongu tuchohijuke.

AKIKIHI 20:11

Tishino Muse no akusu peqhe puzu tipau pesu atuqu shou ghuthu kini ghapuku ikelo azupuki zu kije lakhi shei qoipeghino timi ngo lhoxu kumtsu azu yelupe.

AKIKIHI 21:6

Tileno AMPEU no timiqo gholo tughukupu pighi puwu eno Israilmi kutomo mighi pithive.

1 Kor. 10:4

kumtsuno angu-agha kuxupu zu yeke. Kughengu panonguno panoqo gholo chechekeu angu-gha kuxupu tuqu lono ipeghikeu zu yeke eno atuqu tipauye Khristo ke.

ZAKINIU 1:19

“AMPEU ni Lhou no ahza kiu nitsu keno ninguno tipau shike. Ninguno Sinai Toghi qhiveno aghaghi eno kumsa kimshipu sayeqha katha susu Amarimi naghuto la kudau wuke. Ninguno Kades Barnea tokelo,

ZAKINIU 32:13

“Pano panoqo pelo qhemghai keu yeghi shou kalu pe, alulo kiu ipeghi keno panoqo pelo chulupe. Panonguno atuqu gholo aghalo khingozu phulu; atusa yeghilo pano wu oliv subo aheshi ipeghie.