ZAKINIU 7:6 - BAIBEL (BSI)

⁶ Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

Sumi Naga CL (Re-edited) Bible (BSI)

⁶ “Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

ZAKINIU 7:6 ပူးပေါင်းရင်းမြစ်များ

KUKAMI ATUGHIU 3:8

Kihikha kumla timi hijejehi gholono owu shinike nono ikishelue.

EZRA 9:2

Kughengu Judamino timi tipaqo nga sasu kulakupu shiveno Alhou wu akimthemi qoye shipunhaveke, tile ayehpemi eno sakiphemi no akhotoshi pimive.

LESHELE 114:2

Juda ye Alhou timi kimthemiqo shive, Israil ye Alhou mheghipu shive.

LESHELE 135:4

Pano pa likhi pa ghenguno Jakob kisheluke, Israilmi pe pawu shiniye kisheluke.

LESHELE 50:5

Pano pi, “Khunoqono aghakishi pesu mllano isasu puloshoqhi shipuani keno, ighokulumi iwu timiqo ilau kumqolo.”

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

ISAIAH 41:8

‘Ikemu no, Israil iqeu, noye ino kisheluvekemi timiqoke, ishou Abraham laghamike.

ISAIAH 41:9

Ino ayeghi shekha kudauno osaghike; tipau cheku kudauno ino okuluke eno ovilo pike, “Noye iqeuke.” Niye omilivemoke ikemu okisheluke.

ISAIAH 6:13

Timi chighi gholo milakhi likhi ayeghilo achili shiaghive kepu shiepinamu tipaqo ghi kutsapiniyive nani; tiye aphisu yeqhiveno asuzungu likhivekeu toive nani.” (Alhou wu timiqoye tipau suzunguke.)

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

EZEKEL 20:5

Ino kiu piani keno tipau panoqo vilo pilo. Kughou ino Israil kishelu keno ino panoqo lau tushokiqhi lakhi shike. Ijip lo akelo ino panoqo lau ni ampino pephepiye eno panoqo vilo pike: Niye nongu Lhou AMPEU ke.

ACHINE 20:24

Ikemu ino nongu mheghi shipenike kinikulu eno aghuma yeghi hipau nongu lau tushoqhivae eno ino tipau nongu tsuni cheni. Niye nongu Lhou AMPEU ke, eno ino ashiayeh kutami launo nongu kutashi qhipuani ke.

ACHINE 20:26

Nonguye akimthe shilo eno iwu likhi shilo kughengu niye AMPEU ke eno niye akimtheke. Ino ashiayeh kutamiqo launo nongu kutashi qhi puanike tishianguno nonguye iwu likhi shiche peniyeke.

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

MALAKI 3:17

“Panonguye iwu timiqo shi nani,” ipi Aqokitikhi MPEU no pike. “Ino shiniye kuto akeu shike tsalalo panonguye iwu shive nani. Niye panoqo shou imlo ighiqhiyi nani, tiye anu lakhino papuh qechekeulo apuhno pa kimiyeqhiyi keu toi nani.

Apostolmi 13:17

Israilmi hipaqo Lhou no nipu asuqo kishelu, eno panonguno Ijip yeghilo achekelo timiqo kughukope shishe ashiayeh kije shitsu,

Rommi 9:4

Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

ZAKINIU 14:21

“Kiu kiu lhoxu namu pakithi thivekeu chukevilo. Inaghami nongu gholo xuache kemi pelo chupelo momu nonguno inaghami kutami vilo jeluve nani. Ikemu nonguye AMPEU Alhou wu timike; nonguye pawu timiqoke. “Bheriti momu aneti shi pesu tipau aza kichhizu lono lhokevilo.

ZAKINIU 26:18

Ishi tsalalo AMPEU no pano tushoqhiveke toi pawu timiqo kepi nongu ikhiluvae; eno pa yezah kumtsu pelu lopi pano ahza nongu tsue.

ZAKINIU 26:19

Pano ashiayeh lhoqhi puakeqo kumtsu nguno nongu pesu akijeu shitsu nani eno nonguno akishe ngo agigihu pa jelo sughi nani. Pano tushoqhive ketoi nonguye pawu timiqo shi nanike.”

ZAKINIU 28:9

“Nonguno AMPEU Alhou gholu aye eno pano ahza tsukeu thwokha shi aye, nongu pesu pawu timiqo shi nani, tiye pano tushoqhive ke toi shi nani.

ZAKINIU 33:3

AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

ZAKINIU 4:20

Ikemu nonguye pano Ijipmi miphoki lono ishi tsalalo nonguno pawu shi aketoi nonguye pawu timiqo shipenike pano saipeghike.

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

2 Peter 2:5

Alhou ye mulho yeghiqha ghi qhimoveke ikemu Alhou phimokemi yeghiqha shou azuno yimve keu puwuke. Achipiu tsa pesu pichekeu Noha eno pa gholo mitsuni ishi likhi Alhou no xaluke.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.