ZAKINIU 7:5 - BAIBEL (BSI)

⁵ Ike tighenguno panoqo kumlla kiptia xalevetsulo, panono chinichekeu tuqu khetsukucho kubolevetsulo, panoqo lhou-liu Ashera julho ghekuchove tsulo.

Sumi Naga CL (Re-edited) Bible (BSI)

⁵ Ikemu nongu ye hitoi pano lau shilo: pano kümlla khache hephove tsülo, atsükucho kubove tsülo, Asherim julho ghekuchove tsü, eno ajulhoqo pitive tsülo.

ZAKINIU 7:5 ပူးပေါင်းရင်းမြစ်များ

KUKAMI AKINIU 10:26

eno achine tsukucho akeu pe ipeghino pitivetsu.

YEKIKITHI ATUGHIU 14:12

Kughou Filistiyami no kohavekeno panonguye achine julho qoghi qhikhave, eno David no tipaqo piti khave lopi ahza tsuve.

YEKIKITHI AKINIU 14:3

Pano inaghami wu akiptia ngo inapugha chine yeh kumlla-a xale vetsu eno Ashera lhouliu michiqo ghekuchove tsuke.

IPEKULU 23:24

Pano lhouqo lau itsaqi mlla kevilo eno panoqo chine khu-aye hakevilo. Pano lhouqo kutsalevelo eno panoqo wu achine tuqu khetsukucho kuboleve tsulo.

IPEKULU 32:20

Pano amshitsu khipau panoqono shipe puakeno tipau ikhi pesu ayizu kumlave, mukhumunoshi kughulhovetsu eno azu lono tipau xukutshuveno Israilmi pelo tipau zu shopeke.

IPEKULU 34:13

Tishinike zuqhulo panoqo wu akiptia tuleqhive tsulo, panoqo wu chini chekeu tsukucho tulave tsulo eno panoqo lhouliu Ashera michipuqo heqhive tsulo.

ISAIAH 17:8

Panonguno tinguno tilauye pano uno akipiti khache mlapuakeu pukhumo nani momu panoqo u-kumla, ti Ashera lhouliuki kimihi ngo axokutsungu kipti khacheqo shou pulubemo nani.

ACHINE 26:1

AMPEU no pike, “Ajulho momu timi julho, atu tsukucho momu atuqo yetha peqhi eno mllanikeu shikevilo, niye nongu Lhou AMPEU ke.

AKIKIHI 33:52

nonguye tipa yeghilo kughuna aghikemi kumtsu hapupove masake. Panoqow atu ngo ayino shikeu ajulho kumtsu kubolevetsulo eno panoqono kuhono mllachekeu-a kumtsu kutsalevelo.

ZAKINIU 16:21

“Nonguno AMPEU Alhou ghenguno akiptia lakhi mla kelo tipau phivilo asuno Ashera lhouliu shikeu qhikevilo.

ZAKINIU 16:22

Asu-atu julho mllanike ghenguno atu tsukucho lakhimu shope qhikevilo; AMPEU ye tipaqo mithi chenike.”

ZAKINIU 7:25

Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

ZAKINIU 9:21

Nonguno axinepu shi qhikeu ayino shikeu mishitsu hu ino ikhiluno amilo tipau vesuve. Tishieno ino tipau kubopiniyiveno naghuto lono qoiqi akeu ghokilo tipau mukhu munohu vesuveke.