ZAKINIU 7:24 - BAIBEL (BSI)

²⁴ Pano panoqo shou kukamiqo pesu no kuka qholo suvetsu nani. Khunomu nongu lakhamla kepu shive nani; nonguno kumtsu kutsave nanike.

Sumi Naga CL (Re-edited) Bible (BSI)

²⁴ Pa no panow kükami pesü nongu tsüve nani eno nongu no atsütsü qholono pano je pühave tsü nani. Khunomu nongu sasü kumjo lumo nani.

ZAKINIU 7:24 ပူးပေါင်းရင်းမြစ်များ

LESHELE 9:5

Nono ashiayeh kutami kileqhive eno alhoksami kutsave; panongu jeye alhokupujulo ikhivetsue.

IPEKULU 17:14

Tile AMPEU no Muse vilo pi, “Tokulu ghili hipau abo akeshi yepe qhilo, tishianguno tipau kumsulu penike. Ino Amalikmi qhoi kutsave nani kepi Joshua vilo pilo.”

AHOLE 10:7

Timi kivimi ghili kumsukuluye kumghakeu lakhi ke, ikemu kixikilamiye itheno kumsumave cheni.

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

JEREMIYA 10:11

(Noye panoqo vilo pimoaye sake, ike ayeghi ngo atsutsu mlapuamokeqo lhouqoye kutsaleve nanike. Panonguye ayeghi shou khile khile pinamu qhimove nanike.)

ZEFANIA 1:4

“Ino Jerusalem lo akemi ngo Juda lo akemi kumtsu ghimeqhi nani. Tilehi Baal mllakeu jeli khije aghini keno ashekhau kutolo ino kutsaleve nani eno khunomu asu-atu chinemi tipau qechekemi kumsuchilelu pemo nani.

Rommi 8:37

Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

1 Kor. 15:57

Ikemu Alhou shikimthi ani, kughengu ningu Mipeu Jisu Khristo vechewo pano tokulupu ningu tsuke!

ZAKINIU 11:25

Tipa yeghilo nonguno khilekhile wu namu AMPEU nongu Lhou no pano tushoqhiveke toi timiqo pelo nongu musape nani, eno khunomu nongu lakhamla nanike.

ZAKINIU 25:19

Tighenguno, kughou AMPEU nongu Lhou no ayeghi nongu tsuveni keno eno no ghumi nongu suhope akemi kumtsu launo nongu xapheluveni keno, thebeino Amalekmi kumtsu pithikhaveni keu ithilo, tishianguno khuu pelomu panoqo kumsulu pemonike. Hipau kumsuma kevilo!”

ZAKINIU 29:20

Timi tikithipuye AMPEU no pheve nanike. AMPEU loghu kighideno pa shou iqu ikughi nani eno kaku hipaulo kutsa kungokeu yepe qhikeu kumtsu AMPEU no qhoi pa kutsalevemoke kutolo pa shou ikughi pe nani.

ZAKINIU 9:14

Ilakha kevilo, niye panoqo kutsakhaveni keu kumsuluvae tishianguno timi khumu panoqo kumsulu pemove nike. Tithiu ino okugha pesu panongu nguno ashiayeh kuloghi eno akuka akumtou lakhi shivetsuni ke.’

ZAKINIU 9:3

Ikemu itehiye no likhi nongu ampino ithulu nanike AMPEU nongu Lhou no ami kuyiqu he chighi akeu lakhi toi nongu zuu wunanike. Nonguno azuu haighi kemtsa pano panoqo leluve nani, tishianguno pano tushoqhive ke toi nonguno panoqo halepheve nani eno payi kutsaleve nani.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

JOSHUA 10:23

Atukihu khaqhi, eno Jerusalem, Hebron, Jarmut, Lakis, eno Eglon lo kukamiqo hu khalau saipeghi no

JOSHUA 10:40

Joshua no ayeghiqha kuchopu luve. Pano ato phughilo kukamiqo shou toluve, kipelau aqhelo akemiqo yeghilo, kulolau naghuto pukhulo akemiqo luve. Pano khumu phemono kumtsu pithive. Tiye AMPEU Israil Lhou no ahza tsu keuke.

JOSHUA 10:42

Joshua no aghu lau khavi lono ayeghi tipaqo kuchopu luve kughengu AMPEU Israil Lhou no Israilmi ghenguno aghu shitsua.

JOSHUA 10:8

AMPEU no Joshua vilo pi, “Panongu msakevilo. Ino opelo luvea peke. Milakhimu ozulo puthugho lumo nani.”

JOSHUA 11:17

Apeu Edom phivilo Halak naghuto ikosusu ahuu Balgad kuto eno apeu Harmon naghuto kudau Libanon kuto ikowove. Joshua ye ado kushuwa kuto tipa yeghiqha kukau sasu aghu shive ikemu panongu kumtsu shou toluve eno pithi khave.

JOSHUA 21:44

AMPEU no ayeghiqha kumtsulo pano puasu lau piqhive ketoi panongu lokughunotsu. Panongu ghumi lakhinomu panongu shou puthugho mlave, kughengu AMPEU no Israilmi pelo pano ghumi shou tokuluu pe tsuke.

JOSHUA 23:3

Nongu Lhou AMPEU no nongu ghenguno shiyeh kumtsu lau kiu shikeno nonguno itehiye ti ithivae.

JOSHUA 23:9

Nonguno chewu kelo AMPEU no kije eno akuka kumto shiyehqo haphevae eno khunomu nongu zulo puthugho mlavae.

JOSHUA 6:2

AMPEU no Joshua vilo pi, “Ino Jerikho ngo tile kukau eno ghushitomi kijemi pe oulo suvae.