ZAKINIU 7:12 - BAIBEL (BSI)

¹² “Nonguno ahza kutsu hipaqo tsaqui inino amikucho shi agholu aye, tileno AMPEU nongu Lhou no nongu lau pawu puloshoqhi shikeu peche nani eno pawu iqemokeu kikimiye piye nanike, tiye nopuasu vilo tushoqhive ketoi.

Sumi Naga CL (Re-edited) Bible (BSI)

¹² “Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

ZAKINIU 7:12 ပူးပေါင်းရင်းမြစ်များ

KUKAMI ATUGHIU 8:23

hitoi inikhu, “Israil Lhou AMPEU, tsutsu qholo eno yeghi shou khumu otoikeu Lhou kuhae! Nono owu timiqono amlo kuchopu ikhiphe pesu aghokulu shi ake thaqhulo owu timiqo sasu puloshoqhi shino okikimiye panongu lau pephe piye.

NEHEMIA 1:5

“O AMPEU, Kungugha Lhou; Noye kijeke eno nino ozulo msa khokhoshi puthugho anie. Noye khunono oqhuivu eno oyezahqo pecheni keno panoqo lau amikucho lono oshoqhi pua chenie.

NEHEMIA 9:32

“O Alhou, noye kiu toi kije kela! Kishi akuighupu eno akuka kughushu kela! Noye akikhishi owu puloshoqhi shikeulo piqhive keu pelu achenike. Asiriya kukamino nedaqoda cheke ghuloki lono ishi kutolo ninguye shishe imeve ake! Niwu kukami, sakiphemi, achinemi eno tungkupmi, nipuasuqo eno niwu timi kumtsu aghime shivae. Ninguye kishi aghime shive akeno kumsulu tsulo!

LESHELE 103:18

Khunono pawu puloshoqhi kuchou shi ikhilu eno aghokulushi pawu ahza papeni keno tipano lau akivi shike.

LESHELE 149:9

Alhou no ahza tsuketoi ashiayehqo ghimeqhi nike. Hino Alhou wu timiqo wu tokuluuke. AMPEU sheqhelo!

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

JEREMIYA 11:5

Tishianguno ino pano puasu lau ashoqhi shipuakeu penikeu shike, tipau shoqhi ye - ino kinikulu eno aghuma kua yeghi panoqo tsunikeu shike, tipau yeghilo panonguno ngo anike.” Ino pi,”Iye, AMPEU.”

DANIEL 9:4

Ino iwu timiqo kipimi pipheghi AMPEU iLhou vilo inikhua. Ino pi, “AMPEU Alhou, noye ighono kije tighenguno ino ogihu cheni. Noye owu puloshoqhi atho shi pecheni eno khunoqomino okimiye cheni eno ozah kutsu shikupu cheni keno tipaqo lau iqemokeu kikimiye piye achenike.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

Luke 1:55

Kikimiye pulhapuju Abraham eno pa lagha kumtsu lau piye nike kumsuche.”

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 11:13

“Tighenguno ishi tsalalo ino ahza nongu tsuakeu pelulo; AMPEU nongu Lhou qhuivulo eno nongu mlo kuchopuno pa qelo.

ZAKINIU 5:10

Ikemu iqhu chekemi eno iyezahqo papelu chekemi lau tiqheli qhethonhe kutolo iwu kikimiye piye chenike.

ZAKINIU 7:11

Tighenguno kiu nongu shikave akeno itehiye tipau pelulo; ishi tsalalo ino ayezah nongu tsuvekeu kumtsu papelulo.

ZAKINIU 7:9

AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.