ZAKINIU 7:1 - BAIBEL (BSI)

¹ “Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

Sumi Naga CL (Re-edited) Bible (BSI)

¹ “Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

ZAKINIU 7:1 ပူးပေါင်းရင်းမြစ်များ

KUKAMI ATUGHIU 16:31

Akukau Jeroboam toi axine shivekeu likhi kumono tinguno alaughi paye Sidon lo akukau Ethbaal nga Jezebel sasu kulakupu shiveno Baal mllauve.

YEKIKITHI ATUGHIU 1:14

Kanan ye Jebusimi, Amarimi, Girgashimi,

YEKIKITHI AKINIU 8:7

Israilmino ayeghi luveke ghulokilo Kananmi khijehi heqhimove keno tipaqo kughukomi kumtsu Solomon no pesu anguka lono akumla shipenike peitha. Tipaqo gholo Hatimi, Amarimi, Perizimi, Havimi eno Jebusimi ghi ke, tipaqo laghaye itehi kutolo aquaxemi shi achenike.

EZRA 9:1

Ikemu tipathiu Judami sakiphemi ilau ighi eno pano dolo kutomono, achinemi eno Levi laghami ghi sukuqha no tipa ghakhulomi lhoaye peluvae eno Kananmi, Hatimi, Perizimi, Jebusimi, Amunmi, Muabmi, Ijipmi eno Amarimi no kuchhube kutsula kumla hipaqono shichekeu lo panongu ghi kutshu kungo mithekumo yeh pewuva pi ivilo pi.

NEHEMIA 13:23

Tipa ghulokilo Judami kutomono Ashdod, Amun eno Muab limiqo sasu kulakupu shiva pikeu ghi ino phuluve.

LESHELE 78:55

Pawu timino azuu hakemtsa tipa yeghilo aghikemi pano haphevetsuke; Pano Israilmi lagha dolo timiqo yeghi pano kijetha pesu tsuke; eno timiqo ki-alu pesu pawu timiqo tsuke.

IPEKULU 15:7

Akiqheu hukulushi nono oghumiqo hasuluveke; Ologhuno iquipeghi puzu aghijini toi tipaqo pitiveke.

IPEKULU 23:28

Ino noghumi pelo izuvulai keulo suve nani; eno nonguno azuu haighikelo ino Havimi, Kananmi eno Hatimi halepheve tsu nani.

IPEKULU 23:32

Panoqo sasu momu pano lhouqo sasu pulokileve keu tsa kuptsa tha kevilo.

IPEKULU 23:33

Timi tipaqo pelo noghakhulo kughunauve pekevilo. Nonguno tishi aye panoqono nongu pelo ishou axine shipe nani. Nonguno pano lhouqo mlla aye nongu ghenguno tile alichhe lhoksa shive nanike.”

IPEKULU 33:2

Ino kungumi lakhi puwu no nongu la kiche piyepe nani. Ino Kananmi,Amarimi, Hatimi, Perizimi, Havimi eno Jebusimi haphevetsu nani.

IPEKULU 6:8

Ino tsaqui no Abraham, Isak eno Jakob tsunikeu shi tushoqhi vekeu yeghilo ino nongu saighi nani; ino tipau nongu mheghipu shi nongu tsu nani. Niye AMPEU ke.’ ”

ACHINE 14:34

ayezah hipaqo tsu, tiye akilo akughumho phawo aghikeulo kiu shive kepu keno tipau ghengunoke. Hipaqoye Israilmino Kanan yeghi, panoqo mheghi shipenike AMPEU no tsuniye akeulo iloluve kethiuno pepimhe peniyeke.

AKIKIHI 13:29

Amalekmi ayeghi apeu qhalo kughuna ani eno Hatimi ngo Jebusimi eno Amarimi no ato ghakhulo anie; eno Kananmino Mediteriya Zughi phivilo ngo Jordan ghoki muku kuxalo kughuna anie.”

AKIKIHI 14:31

Nonguno pikeuno nongu tianuli ye kutamino kughalu khave nani ipike ikemu ino panongu sasu nonguno milive keu yeghilo sailoni eno tipau pesu panoqo ghakhu shitsu nanike.

Apostolmi 13:19

Kanan yeghiqhalo ashiayeh tsuni pano puhavetsu eno pawu timiqo pelo tipaqo yeghi ampe 450 ghenguno panongu mheghi shilupeke. “Tishi kethiu Samuel tungkupu ghuloki kutolo Alhou no kughakuthami pawu timiqo gholo qhitsue.

ZAKINIU 11:29

Nonguno ngoluniye kuto akeu yeghilo AMPEU no nongu sailoghi kelo nonguye Gerazim Toghi lono kukumghapu pesu asheshulo eno Ebal Toghi lono musuinikepu pesu asheshulo.

ZAKINIU 20:1

“Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 20:16

“ikemu AMPEU no nongu tsu akeu yeghilo aphughi khijehi khasupe leluni keno thwokha kumtsu pithikhavelo.

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 31:3

AMPEU Alhou no nongu zuu wunani eno ashiayeh tilau akeqo kutsaleve nani, tishikeu lono nonguno panoqo yeghilo ngolu nanike eno AMPEU no pive ketoi Joshua no nongu sakipheu shi nanike.

ZAKINIU 4:38

Nonguno azuu haighi kelo pano ashiayeh nongu nguno akumto eno akuka akeqo hapupovetsuke, tishianguno pano nongu sailoghiniye no panoqo yeghi nongu tsuniyeke,

ZAKINIU 6:1

“Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

ZAKINIU 6:10

“AMPEU nongu Lhou no nopuasu Abraham, Isak eno Jakob lau tushoqhive ketoi pano ayeghi lakhilo aphughi kinikulu eno akuloghi nonguno shimokeu pesu nongu tsu nanike.

ZAKINIU 6:19

pano tushoqhive ke toi no ghumiqo hapheluve nanike.

ZAKINIU 6:23

Pano Ijip lono ningu kuqhophe puzu hilau nisaghi eno ayeghi hipau nitsuke tiye pano tishini kepi nipuasuqo lau tushoqhive ketoi shike.

ZAKINIU 9:1

“Inilo, Israilmiqo! ishi tsalalo nonguye Jordan katha ikuni cheni eno nongu nguno akijeu akumtou shiayehqo yeghilo ngoluveni chenike. Panoqo phughiye akuloghike eno akuptuqoye atsutsu toni keshi anike.

ZAKINIU 9:3

Ikemu itehiye no likhi nongu ampino ithulu nanike AMPEU nongu Lhou no ami kuyiqu he chighi akeu lakhi toi nongu zuu wunanike. Nonguno azuu haighi kemtsa pano panoqo leluve nani, tishianguno pano tushoqhive ke toi nonguno panoqo halepheve nani eno payi kutsaleve nani.

ZAKINIU 9:4

“AMPEU nongu Lhou no nongu ghenguno panoqo halepheve kethiu, no likhi no vilo ayeghi hipau amheghipu shilu penike pano nongu sailoghi keuye nonguno ithulu kuzupu shi aghi kehu kepi pikevilo. Moe, AMPEU no nongu ghenguno timi hipaqo halepheveniye akeuye panonguno lhoksa kughami ke hue.

JOSHUA 11:3

Pano Jordan hokumxalo Kananmi lau Amarimi lau, Hatimi, Perizimi eno Jebusimi atolo kuami eno Mizpa yeghiqhalo Hermon naghuto pukhu kuxalo kuami kumtsu lau yepuwu.

JOSHUA 24:11

Nonguno Jordan kathawo Jerikho toluve, Jerikhomino nongu sasu aghu shie, Amarimi no shikeu toi, Hatimi, Girgashimi, Havimi, Jebusimi no nongu sasu aghu shike. Ikemu ino panongu kumtsu shou nongu pelo tolupeke.

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.