ZAKINIU 6:3 - BAIBEL (BSI)

³ Israilmiqo, tipaqo inino papelo! Tishiaye nonguye thwokhalo akivipu shilu nanike eno AMPEU ningu puasu Lhou no tushoqhive keu tholono nonguye akughushu shiayeh lakhi shilu nani eno kinikulu ghuma yeghi lo xulu nanike.

Sumi Naga CL (Re-edited) Bible (BSI)

³ Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

ZAKINIU 6:3 ပူးပေါင်းရင်းမြစ်များ

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 15:5

Pano pasasu qhaghalei keu-alo saipe puzu pi, “Kunguu jupuku julo eno nono kihi kulupu aye ayepuqo kihi julo.” Pano pa vilo pi, “Opitiye tijejehi nani.”

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

LESHELE 119:4

AMPEU nono oyezah pesu nitsuke eno amlo kupushi tipau gholulo pike.

IPEKULU 1:7

ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

IPEKULU 3:17

Ijip lo ayikushushi panoqo peitha akeu lono saipeghini keu ino xathavae, eno kinikulu aghuma yeghilo panoqo sawu nani, tiye Kananmi, Hatimi, Amarimi, Perizimi, Havimi eno Jebusimino achekeu yeghike.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

YETSAPIU 8:12

Axinemi lakhiye ghuthu 100 kutolo heqhi buqhi puaghiluvi tishimu xu aghiluvike. Iyei, panonguno kiu picheni keno ino ithi ani: “Nono Alhou gholu aye thwokha achipi shi nani,

ISAIAH 3:10

Amikuchomiye alokivishi nani eno panoqo ghenguye akivipu shilu nani. Panonguno kiu mlaqhilu keno tipau pepimhe alu nani.

JEREMIYA 42:6

Nipulou shiaghina monamu ovilo AMPEU niLhou khuu vilo ninguno khuini tsulo pi iniju anikeno ninguye pa gholunike.”

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

Apostolmi 7:17

“Alhou no Abraham vilo piqhipuakeu kupunikeu do kupunuvekelo Ijip lo nitimi alaushi ikowove.

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 26:15

Kungughalo okimthe-a lono jupiqi tsulo eno owu timi Israilmi kumghatsulo; nono nipuassu lau tushoqhiveke toi kinikulu eno aghuma yeghi ningu tsuve keu shou ghi kumghatsulo.’

ZAKINIU 26:9

Pano hilau ningu saghike eno kinikulu aghuma akeu yeghi hipau ningu tsue.

ZAKINIU 27:3

eno tipaqo shou ayezah ngo akukutsu hipaqo kumtsu yepukulo. Nonguno kinikulu eno aghuma akeu yeghi AMPEU nongu puasu Lhou no nongu lau tushoqhive keulo iloluni keno

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

ZAKINIU 4:6

Amikucho shi tipaqo pelulo eno tishi keu lono shiayeh kutami gizulo nonguye kiutoi alokutsumi keno piyelu nani. Panonguno ayezah hipaqo kumtsu chilu kelo ishi pinani, ‘Ashiayeh kuloghi hipauye kiu lokutsu eno kiu kighithi ishi ani kela!’

ZAKINIU 8:8

ayeghi tipaulo ashothi, barlithi, atsayithi, khughuthi, khaghatu, Oliv eno akhi ngozu ipeghi chekeu ke.