ZAKINIU 6:2 - BAIBEL (BSI)

² Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

Sumi Naga CL (Re-edited) Bible (BSI)

² tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

ZAKINIU 6:2 ပူးပေါင်းရင်းမြစ်များ

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 22:12

Kungumi huno pi, “Onu pithi kevilo momu pa shou kiumu shikevilo, kughengu noye Alhou gholu cheni kepi ino ithivae; Noye anu lakhi likhi akeu ghi pesu itsuveni keu suchilemoe.”

KUKAMI ATUGHIU 8:40

Kughengu tishi keu lono nono khilehi ayeghi nipu asunoqo tsukeno owu timiqo pelono aghuloki kumtsulo tipa yeghilo ake tivilo oghokulu shilu pelo.”

JOB 28:28

Alhou no timi vilo pi, “Ampeu sumsa keuye alokutsue, eno alhoksa lono tsughuve keuye tsaqui keu kighithie.”

LESHELE 111:10

Alokutsu shinikeu laghiye AMPEU gihu kepu; pa zah kutsu papelu kemi kumtsu lau pano ithi kututa shilu kepu tsu cheni. Paye alhokupujulo sheqhe akepuke.

LESHELE 128:1

AMPEU sumsano pa laghilo chekemi lokivipue, khunono pa zahkutsu gholuni keno alokivipue.

LESHELE 91:16

Ino axukushu pesu panoqo saxu shitsu nani, ino panoqo xalu nani.”

IPEKULU 20:12

“Opu ngo Oza gihulo, tishianguno ino otsu akeu yeghilo noye axushulu penike.

IPEKULU 20:20

Muse no ishi khochile, “Msakevilo, Alhou ye nongu pejunike ghengu likhino ighi anike eno nongu pelo pa sumsa ache peniyeke tishi anguno nonguye axine shimo nanike.”

AHOLE 16:6

Qhoqhu eno pukhukulupu shilo eno Alhou no oxine qhivetsu nani. AMPEU ghokulu shilo eno olau alhoksapu shimo nani.

AHOLE 3:16

Alokutsuno axukushu otsu ani eno tipa mtsa kinikulu ngo agigihu ghi tsucheni.

AHOLE 9:11

Alokutsuno akuxulo ampe kutomo sukuphatsu nani.

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

JEREMIYA 32:39

Ino panoqo lau akuxulo akimijipu lakhi pesu tsu nani: ado kumtsulo igihunikeu, tiye panoqo kivipu eno panoqo laghami kivipu ghenguno.

EZEKEL 20:19

Niye AMPEU nongu Lhou ke. Iyezah ngo ino ahza tsukeu pelulo.

Luke 12:5

Ikemu khuu musakepu kela ino nongu pithipe puani. Alhou no pithive kethiu ghi aghakumhami toi kelo vesuvekepu kuka anike pa musalo. Kuchouno ino nongu vilo piani, pa musalo!

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 13:4

AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

ZAKINIU 15:5

Nonguno pa gholu eno ishi tsalalo ino nongu vilo ahza tsuakeu thwokha kumtsu kutokupui pelu aye,

ZAKINIU 22:7

Nonguno aghauti luve luvi ikemu aqu pelo wuve pelo tishianguno nonguye axupushu eno kinikulu kuxu xulu nanike.

ZAKINIU 30:19

Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

ZAKINIU 30:20

AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

ZAKINIU 4:10

nonguno Sinai Toghilo AMPEU nongu Lhou zulo puthugho keu tsala ghili pesu pilo, tile pano pikeuno, ‘Timiqo kukumqolo. Ino kiu piniye ani keno panongu pelo chilu penishi anike, tishianguno panonguno xuake tivilo igho lunikeu shikalu nani eno panonguno isumsanikeu pano tianuliqo shikapiye nanike .’

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

ZAKINIU 4:9

Nonguno jukutokugholulo! No likhi no nhethino kiu ithuluve akeno nonguno xuake tivilo kumsumamonike mutsumishei shilo. No tianuli eno notilimi vilo

ZAKINIU 5:16

“‘Opu oza gihulo, ni AMPEU nongu Lhou no ahza tsuke toi shilo tishianguno noye thwokha kumtsu akivipu shilu peni eno ino nongu tsuakeu yeghilo nonguye axushulu penike.

ZAKINIU 5:33

Tipaqo kumtsu pelulo tishianguno nongu lau thwokhalo akivishi alu penike eno tishi keu lono nonguno qhasuluniye akeu ghakhulo xu alukepu shinanike.”

ZAKINIU 6:1

“Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

ZAKINIU 6:24

Tishino AMPEU niLhou no ayezah hipaqo kumtsu papelu penike eno pa sumsa chepenike ahza ningu tsuke. Ninguno tishilu aye pano pulhapuju nishiayeh shou ju khe nanike.

ZAKINIU 6:7

Hipaqo pesu notianuli shikapiyelo. Nonguno akilo akelo, nonguno khalau chekelo, nonguno akulho qhi akelo nonguno akumla shi akelo hipaqo pikide kithe alo.

JOSHUA 4:24

Tighenguno ayeghilomi kumtsu no AMPEU kukaye kiu toi kije keno ithi nani eno nongu no AMPEU nongu Lhou alhokuthu sumsa che nani.”

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.