ZAKINIU 6:13 - BAIBEL (BSI)

¹³ AMPEU nongu Lhou sumsalo, pa likhi mllalo eno pa jelo likhino ashoqhi shilo.

Sumi Naga CL (Re-edited) Bible (BSI)

¹³ Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 6:13 ပူးပေါင်းရင်းမြစ်များ

BOTHUBO 24:3

AMPEU, atsutsu eno ayeghi Lhou je lono ino opelo tushoqhi penie, ike tiye hi Kananmi, ino achekemi gholono inu nipu shinikeu khilemu lutsu kevilo.

KUKAMI AKINIU 17:36

Nonguye igholu masa nani, AMPEU no Ijip lono akuka akumto kije lono nongu saipeghitsue; nonguye izulo pishiqho masa eno aghakishi kumllagho itsumasae.

LESHELE 15:4

eno pa gizulo kixikilamiye mithive cheni, ikemu AMPEU sumsa chekemi qhoqhu cheni keno; khunono kiu kiu shivekepu shiepimu panono piqhivekeu pheve chemo keno.

LESHELE 63:11

Alhou no akukau pelo tokulu shi peke ghenguno paye Alhou gholo alovini; Khunono Alhou jelono piqhini keno tipaqono pa sheqhelu nani, ikemu kimkimi kichiye khavetsu nani.

IPEKULU 20:7

“Alhoksa kimiji ghenguno ije peithamoni kughengu khunono ije peitha pusani keno Ni, nongu Lhou AMPEU no ghimeqhi nanike.

IPEKULU 23:25

Nonguno nongu Lhou, AMPEU mlla aye ino achuqupu ngo azu pesu nongu kumghatsuni eno nowu kusukini kumtsu ikhisuwuve tsu nani.

ISAIAH 45:23

Ino tushoqhive keuye kuchouke, ikichi lono piqhivekeu tsake eno tiye kilivemo nanike. Ino niye kiukeno ti kumtsu pesu tsaquino piqhi ani: Timi kumtsu izulo ighino qhoqhunhe nani eno iqhoqhukeu shoqhi shi nani.”

ISAIAH 48:1

Israil lo timiqo, hipau inijulo, nongu Juda lagha lono iko ighikemiqo: Nonguye AMPEU jelono tushoqhi cheni eno Israil Lhou mlla cheni kepi piacheni, ikemu nonguye nonguno pikeutsa pechemoe.

ISAIAH 65:16

Ikehu aghakhulo timi khuno kukumgha khuni keno kuchou Lhou pelo kumghatsu penike iniju nani. Khuuno ashoqhi shini keno kuchou Lhou jelono tushoqhi nani. Wovekeulo shiluksaqo huye cheve nani eno kumsumave nani.”

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

JEREMIYA 5:2

Nonguno AMPEU mlla cheni kepi piaghi namu, nonguno akimki lono tushoqhi cheni.

JEREMIYA 5:7

AMPEU no ishi iniju, “Niye kushiye iwu timiqo xine qhivetsu kepua? Panonguno iqhiveno cheve eno kuchou kumo lhouqo mlla chenike. Iwu timiqono aghaqimoke kutolo ino panoqo lojike ikemu panonguno salhashupuke, eno kutu-qhalimi sasu ado kumtsu puwo achenike.

ACHINE 19:12

Ije lono ashoqhi shikevilo nono tipau pemla kepushi kumsu aghi aye; tipauye shiputhakeu ishou sughi anike. Niye nongu Lhou AMPEU ke.

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

MATTHEW 5:33

“Nonguno itaghi highi chiluve aghi nani, khaghilo timiqo vilo ishi pipuani, ‘Nonguye akimki lono tushoqhi kevilo, ikemu nonguno Ampeu zulono kiu shinipi tushoqhi puani keno tipau shilo.’

Luke 4:8

Jisu no pa khochile ghi pi: “Kuchoyesulo ishi yepuani, ‘Noye Ampeu oLhou mllalo eno pa likhi huthulo!’ ”

ZAKINIU 10:12

“Israilmiqo, itehiye AMPEU Alhou ye nongu launo kiu khuani keno inilo: AMPEU mllalo eno pano ahza tsukeu kumtsu shilo. Pa qhuivulo eno nongu mlo kuchopu eno angulho kumtsu pesu pa qelo

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

ZAKINIU 13:4

AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

ZAKINIU 13:5

Ikemu asamo kiqi pitsu kemi momu tungkupmi khuuno nongu vilo AMPEU hebidelo pini keno pa pithivelo. AMPEU no Ijip lo nonguno tilau aqemi shi ake lono nongu xapheluke. Timi tikithipuye alhoksa ke eno AMPEU no nongu vilo xuchelo pi ahza tsukeu kuxu lono nongu sabideveni ke pukaputsa nani. Alhoksa lono nonguno cheluveni ke ghenguno paye pithive masake.

ZAKINIU 5:11

“‘Alhoksa vehulo ije peitha kevilo, kughengu ni AMPEU nongu Lhou ye khunono ije peitha pusani keno tipano ghime nanike.

ZAKINIU 5:29

Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

JOSHUA 2:12

Tishi aye ino nongu lau kimiye ketoi nonguno nibolomi kimiyeni pi pa jelono tushoqhive lo eno ino nongu pulu kulupushi amchipu hami itsulo.

JOSHUA 23:7

tishino nongu gholo timi qhivekeqo gholo kutshu kevilo momu tushoqhi kelo panongu jeku kevilo momu tipau lhouqo mlla kevilo momu panongu zulo pishiqho kevilo.

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

SAMUEL ATUGHIU 20:3

Ikemu David no khochile, “Nono kiutoi iju alo chenikeno opuno akivishi ithi ani eno pano kiu kughu anikeno opelo ithi pemonikeu shi kughakutha shipuani, kughengu nono ithive aye noye ighono omlo ghuzave niae. Ino Alhou jelono ovilo tushoqhi pi anike niye akithi lono kupkado lakhimu kumovae!”

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”