ZAKINIU 5:9 - BAIBEL (BSI)

⁹ Asu-atu Ajulho lau itsaiqi momu tipau mllakevilo, kughengu niye nongu Lhou AMPEU ke eno niye isasu kusuxani kemi lau kutuu mlae. Imithiche kemi shou eno pano polo kughukomi tiqheli akuthuu abidiu kutolo ino aghime sughi cheni.

Sumi Naga CL (Re-edited) Bible (BSI)

⁹ Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 5:9 ပူးပေါင်းရင်းမြစ်များ

KUKAMI AKINIU 17:35

AMPEU no panongu sasu puloshoqhi lakhi shi eno ahza hitoi panongu tsu: “Kutau lhouqo mlla kevilo; panongu zulo pishiqho tsukevilo momu panongu huthu kevilo momu aghakishi kumlla shipesu tsukevilo.

IPEKULU 34:14

Nonguye alhou kutau mllakevilo kughengu ni, AMPEU ye isuxakemi ghumo nanike.

IPEKULU 34:7

Niye tiqheli qhethonhe kutolo ino tushoqhive keu pelu acheni eno alhoksa ngo axine pevetsu chenike; ikemu apu aza xine ghenguno niye ati anuli eno tipaqo tianuli tiqheli akuthuu eno abidiu, kutolo ghime move keu shimo nanike.”

JEREMIYA 32:18

Nono iqemokeu kikimiye qhethonhe lau piye puanike, ikemu noye apuaza xine ghenguno ghi timiqo ghimeqhi cheni. Noye kije eno akuka akeu Lhou ke; noye Aqokitikhi MPEU ke.

AKIKIHI 14:18

‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

ZAKINIU 4:16

ike no likhi nongu sala ajulho koghe lono khilemu kiuala shikevilo tishive aye axine shini ake. Kiptimi totimi

ZAKINIU 4:24

kughengu nongu Lhou AMPEU ye ami kuiqu lakhi toike; pa sasu kusuxa penikemi qhimo nanike.

ZAKINIU 6:15

Nonguno kutau lhouqo mlla aye AMPEU loghuye ami toi nongu shou ighi nani eno qhoi nongu kutsave nani kughengu AMPEU nongu Lhou khuu nongu gholo ani keno paye pa suxakemi qhimo nanike.

ZAKINIU 7:10

Ikemu pa mithichekemi ghimeqhinike paye kiumu kunacho keu kuhae.