ZAKINIU 5:15 - BAIBEL (BSI)

¹⁵ Nonguye Ijip lo aqemi shi achekepi kumsululo, eno ni, AMPEU nongu Lhou no ikuka kumto kije pesu nongu xapheluke. Tighenguno ino nongu vilo Sabat pinyilo pi ahza tsu anike.

Sumi Naga CL (Re-edited) Bible (BSI)

¹⁵ Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 5:15 ပူးပေါင်းရင်းမြစ်များ

BOTHUBO 15:13

AMPEU no Abram vilo pi, “Mtsuqheino hi ithilo, olaghaye kutami yeghilo inami shisusu wu nani, eno kutami qeuve nani eno ampe 400 kuto timino panongu kijipusa shikighime nani.

BOTHUBO 19:16

Lot ye kunachope ake. AMPEU no pa kimiyekeu akehu timi pamano Lot ngo panipu eno panga kini ishi au lono sunhe sasu aphughi kubalau sape puzu panongu phepuwuve.

LESHELE 116:16

AMPEU niye oqeuke; izano shiche ketoi ino oqe cheni. Nono akithi lono ixaluke.

LESHELE 136:12

Pa u-kumtono eno pa-umlo kuka kumto pesu, pa kikimiye ye lhokta kutolo acheni;

IPEKULU 13:14

Ighinikeu ghulokilo nongu nuliqono hipau chinye kiqi ye kiu kelapi iniju aye, nonguno ishi pa khochilelo,’ AMPEU no akuka kije peitha no Ijip lono ningu saipeghike, ninguye tilau aqemi shi acheke.

IPEKULU 13:16

Hipau chine ikhilukeu ye kiwala ni ulo momu ni kishelo khada pukeu toi kumsuchile lukeu lakhi shinani ke; hipauno AMPEU no pa kuka kije pesu Ijip lono ningu saipeghikeu ningu pelo kumsukidelu peniyeke.”

IPEKULU 13:3

Muse no timiqo vilo pi, “Hipa tsala kumsu chile lulo, nonguno Ijip qhivekeu tsala, tilau nonguye aqemi shi acheke. AMPEU no pa kuka kije pesu hipa tsala lono pano nongu saipeghiluveke. Kholaqhi sukeu sho chumoni.

IPEKULU 13:9

Hipau tsala ikhilu keuno kiuala noulo momu nongu kishelo khapu chekeu toi nongu pelo kumsuchilelu penanike; hipauno nongu pelo AMPEU yezah phuju eno lhekideju apenikeu shi nongu loputsu tsu nani, kughengu AMPEU no pa kuka kije pesu Ijip lono nongu saipeghike.

IPEKULU 20:11

Atsala tsugho lono Ni, AMPEU no ayeghi, atsutsu, azughi eno tipaqolo akeu kumtsu lhoke ikemu atsala akutsuniulo ino akulho qhike. Tighenguno Ni AMPEU no Sabat tsala kumghatsu eno tipau akimthe shitsuke.

IPEKULU 6:6

Tighenguno Israilmi vilo ino pia keu pilo, ‘Niye AMPEU ke; ino nongu xaphelu nani eno nonguno Ijipmi qechekeu lono ino kuqhopheve nanike. Ino iu kumto kuka peqhe puzu panoqo shou aghime sughi nani eno ino nongu xalunike.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

DANIEL 9:15

“O AMPEU niLhou nono Ijip lono owu timiqo sasu ipeghi kelono okuka pephe piyeke, eno okukaye itehi kutolo kumsulu aphi. Nino axine shive, nino pimive.

ZAKINIU 15:15

Nonguye Ijip lo aqemi shi ache kelono AMPEU no nongu khaqhiphe kepi kumsululo tighenguno ino itehino ahza hipau nongu tsu anike.

ZAKINIU 16:12

Ahza hipau penike pukaputsalo; nonguye Ijip lo aquaxemi shiache kepi kumsuma kevilo.

ZAKINIU 26:8

Pa kuka kumgha kije pesu pano Ijipmi launo ningu xapheluke. Pano puchopungo kepu eno akumzapu kumla shike eno akichiqhi kepu shitsue.

ZAKINIU 5:6

‘Niye AMPEU nongu Lhou. Ijip lono nongu xaphelukeu, nonguye tilau aqemi shiacheke.’

ZAKINIU 9:12

Tile AMPEU no ivilo pike, ‘Mtazu naghuto lono iqivelo nowu timi nono Ijip lono saipeghi kemiqoye kusakugha shivae eno alhoksa mlavae. Ino panoqo vilo kiu shilopi ahza tsukeno tipau lono tsughusu wuvae eno panonguye pano sala asu-atu julho shipe auvae.’

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.