ZAKINIU 4:27 - BAIBEL (BSI)

²⁷ “AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.

Sumi Naga CL (Re-edited) Bible (BSI)

²⁷ Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.

ZAKINIU 4:27 ပူးပေါင်းရင်းမြစ်များ

BOTHUBO 11:4

Tileno panonguno pi, “Ighilo, ningu sala aphughi lakhi shi puzu tile aghukheano atsutsu toni keshi shini nolo. Eno ningu je haumo kepu shinie, ti kumoaye ayeghiqha kumtsu kathasusu ningu apanaghave nosake.”

BOTHUBO 34:30

Jakob no Simon ngo Levi pama vilo pi, “Nokujono ishou akupuna sughivetsuae. Kananmi ngo Perizimi hipa yeghilo kuami gholo ije kusapu nokujono shivetsuae. Igholo timi kutomo kuhake, panonguno hekutsu kumqo puzu ishou ighi aye ighiqhiveniae, nibolomi kumtsu pughavetsunia.”

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

LESHELE 106:27

Panongu tianuliye ayekumthami gholo halepuwuve, eno pano qoye inami yeghi lono thipeni keu shive.

LESHELE 44:11

Nono kutami pelo bheri hutoi ningu ghiqhivepeke, nono inami yeghilo ni hapiye pighiveke.

LESHELE 44:12

Nono olikhi owu timiqo ame kimkhe lono jeveke, eno owu timiqoye ame kuhakeshi kumsuke.

ISAIAH 17:6

Timi aghulo likhi ghupuaghive nani eno Israil ye oliv subo lakhilo athi kumtsu xoluveno akkelo kinia kuthua likhi ghuvekeu toi nani momu aloka aqhou akeulo alothi lakhia kinia ghuvekeu toi nani, Ni, AMPEU Israil Lhou no piani.”

JEREMIYA 16:13

Tishike ghenguno ino ayeghi hipau lono nongu haphe pesu nongu momu nopuasuqono khilemu muthano achekeu yeghilo puwuve nani. Tilano nonguno putho pucho kutau lhouqo qenani eno niye kimiye qhiyi keu nongu lau piyemo nani.”

EZEKEL 11:16

Ike itehino nokusami halepupove kemiqo vilo ino kiu piani keno pesu pilo. Panoqo pelo ashiayeh putou akemiqo gholo xupenike puwuvekeu hiye inoke, ino aghakhu kutauqolo panoqo kuthole puwuveke. Tishimu, itehi doloye panonguno khuno yeghilo wuvea keno tilau ino panoqo gholo ananike.

EZEKEL 12:15

Kughou ino ashiayeh kutami gholo eno inami ghakhulo panoqo hale puwuni keno, tileno panonguno niye AMPEU kepi ithi nani.

EZEKEL 20:23

Ike timi kughuna moke-alo ino tushokiqhi kutau lakhi shike. Ino tushoqhive keuno niye panoqo kumtsu ayeghiqha kumtsu kutholeve nikeu shive.

EZEKEL 22:15

Ino nowu timiqo aghakhu kutaulo eno ashiayeh kutaulo kutholeve nani nokumla lhoksa kishekhave tsu nani.

EZEKEL 32:26

“Meshek ngo Tubal ye tilau ani, panowu ghushimiqo kumo-a aqha kumtsulo ani. Panongu kumtsu aphighu yiko ghamoke, kumtsu aghushi lono thiveke. Ikeghi ghuthu lakhiye panonguno kuxumi shikumsa cheke.

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

ZEKHARIA 7:14

Pasapagha toi ino panoqo jole pesu inaghami yeghilo auvepe. Ikehu aghakhu kivi hipauye kughukughalei keu-a shive eno khunomu tilehi kughunamove.”

ZAKINIU 28:36

“AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 29:28

AMPEU ye shishe aloghu ideveno pa loghu kije lono pano yeghi lono panoqo akuhu lono nhuve eno inaghami yeghilo hapuwuveno ishi tsalalo panonguye tilau ani.’

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 32:26

Ino panoqo qhoi kutsaleveni cheni, tishianguno khunomu pano kumsuchilelumo nanie.