ZAKINIU 4:13 - BAIBEL (BSI)

¹³ Pano nongu vilo kiu shilopi keno pivae, nongu sasu puloshoqhi shivekeu pechelo pike, nonguye Ahza Chighi khikhi pano atupha kini shou yepukuve tsukeno tipau pelu masake.

Sumi Naga CL (Re-edited) Bible (BSI)

¹³ Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

ZAKINIU 4:13 ပူးပေါင်းရင်းမြစ်များ

KUKAMI ATUGHIU 8:9

Puloshoqhi Bohu alouye kutau ye kumu kuha, ikemu Muse no Sinai to lono sughikeu AMPEU no Israilmi sasu Puloshoqhi shikeu tsa panonguno Ijip lono ipeghive kethiuno yekeu tsa tupha kini likhi ae.

LESHELE 119:4

AMPEU nono oyezah pesu nitsuke eno amlo kupushi tipau gholulo pike.

IPEKULU 19:5

Ike itehiye nonguno igholu eno iwu puloshoqhi pelu aye nonguye iwu timiqo shi nani. Ayeqhiqha kuchopu iwu ke ikemu nonguye iwu kishe kiphemi shi nani,

IPEKULU 24:12

AMPEU no Muse vilo pi, “Ilau naghutolo ikughilo eno nono hilau akelono ino atu pha kini otsu nanike; tipaulo timiqo kutsu kepu tsa ayezah kumtsu ino yepuanike.”

IPEKULU 31:18

Alhou no Muse sasu Sinai Toghilo kuptsa tave puzu atu pha kini pesu patsuke, tipau shou Alhou ampino ahzaqo yepukue.

IPEKULU 34:1

AMPEU no Muse vilo pi, “Atughiulo tsukeu toi atu pha kini yethalo, eno atughiu khikhi nono kubove keno tipaulo akeu tsaqo ino tipaqo shou yepuku ni.

IPEKULU 34:28

Muse no atsala lhobidi putho pucho kiumu chu shomono AMPEU sasu ngove. Pano atu pha shou puloshoqhi tsa, Ahza Chighiyepuku ke.

Rommi 9:4

Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

2 Kor. 3:7

Ayezah huye atu pha shou chhitha puzu yepukuke eno tipau tsukelo Alhou kimthe jukuvu ipeghike. Ti mlapuyikeu jukuvu shishe akehu tiye hauvekemu Israilmi ye Muse gilo jupuku mlave. Akithipu sughikeu yezah tsukelo tikithipu kimthe jukuvu ighiaye.

ZAKINIU 4:12

AMPEU no ami lono kishi nongu putsa eno nongu putsa keuye chilu kemu paye kiu julho koghe keno piyemo, tipau pesu nongu tianuli vilo pilo.

ZAKINIU 4:14

Nonguno leluno ngoluniye kuto akeu ghakhulo nongu pelo ayehza kumtsu papelu penike AMPEU no ivilo nongu shikalopike.

ZAKINIU 5:22

“Ahza hipaqo kumtsu nonguno naghuto phivilo kumqo ake lono AMPEU no tsuveake. Pano ami eno khungkusu zuchiyikeu lono asutsa kuloghi shi putsa ghi ahza hipaqo tsuke eno kutau kumoe. Tipathiu pano atu pha kini shou tipaqo yepukuno itsuke.

IBRIMI 9:4

Tipau alou tsungquyi keu kiptia shunano shikeu ngo puloshoqhi bohu shunano ajibo kumtsu kuzunhakeu ngo ishi ache. Tipau bohu alou manasho sukepu shunano shikeu bohu, Aron wu akusu anipa isheipeghivekeu eno atulipha kinilo puloshoqhi tsaqo yepeqhikeu ngo ishi ache.