ZAKINIU 32:5 - BAIBEL (BSI)

⁵ Ikemu nonguye amikucho kumo eno pawu timi shikuzupu kumoe, axinepu eno pishikiqhi shiayeh lakhi.

Sumi Naga CL (Re-edited) Bible (BSI)

⁵ Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 32:5 ပူးပေါင်းရင်းမြစ်များ

BOTHUBO 6:12

Alhou no ayeghiqha jukelo ti shikupsapu shive, kughengu ayeghilo timi kumtsu pututa shelo shikupsapu shiwoveke.

LESHELE 78:8

Panongu pelo nipuasuqo toi hekibide, eno agholumokemi shipe moniyeke, nipuasuno Alhou pukhukeuye mutotoi moke, eno pa lau iqemokeu mikucho shimoke.

IPEKULU 32:7

AMPEU no Muse vilo pi, “Pai ideiqivelo, kughengu owu timi nono Ijip lono saipeghi kemiqono axine shiauvae eno iphevae.

AHOLE 8:8

Ino pikeuye thwokha kuchou; kiumu akimki momu sabidekeu kuhae.

ISAIAH 1:4

Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

ISAIAH 63:8

AMPEU no pi, “Panonguye iwu timiqoke; panonguye ipishiqhimo nani.” Ikehu panoqo ghime launo pano panoqo xalu.

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

ZEFANIA 3:7

Ino kumsukeuye iwu timiqoye tileno isumsa nani eno ino shikithe keu ikhilu nani eno panonguye ino shikapiye keu khilemu kumsumamo nani kepi kumsuke. Ikemu paikhavino panonguye puzuu toi alomokeu shiuve anike.”

AKIKIHI 23:21

Tithiu Israilmi ghenguno ino juchho puwo ithulu akeuye angukusapu momu akupuna kiumu li lau sughini chemoe. AMPEU panongu Lhou ye panoqo gholo anie; Paye panoqo kukau kepi panonguno asheshu cheni.

MATTHEW 16:4

Kusakugha eno Alhou kumtha tiqhelimino amchipu lakhi phucheni, ikemu Jona michipu nguno alauye amchipu kutau pesu nongu tiqhelimi tsumo nani.” Tishieno paye panoqo qhive puzu wuve.

MATTHEW 17:17

Jisu no ishi khochile, “Nongu pulumla kemi eno chighichilai kemiqo! Niye khitohi nongu sasu amasa kya? Niye khitohi nongu pukuphu alo pikya? Hila pa sasu ighilo.”

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Luke 9:41

Jisu no khochile pi, “O akupulu kukuha eno kixikila tiqheli, niye khitohi nongu sasu anani kya? Eno khitohi nongu xapuqhe anani kya? Onu hilau saighilo.”

John 8:41

Nonguye nongu papuh no shikeu shianie.” Panonguno khochile, “Ninguye tuqhanu kumoe. Ninguye Apu lakhi likhi ani, ike tiye Alhou ke.”

Apostolmi 2:40

Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

ZAKINIU 31:29

Ino ithi anike ino thive kethiu timiqoye kixikula shive nani eno ino pano shikakeu peive nani. Ighini keu ghulokilo panonguye kutsakungo keu sholu nani kughengu panonguno AMPEU no shikevilo pi lakha keu shike lono pa pelo aloghu idevepe nanike.”

ZAKINIU 32:20

Pano pike, “Niye hinguno hilau pano kuphumoae;” pano shou kiu shiveni keno tileno ino juni, kuthovi eno amikucho kumomi hipaqo.

ZAKINIU 4:16

ike no likhi nongu sala ajulho koghe lono khilemu kiuala shikevilo tishive aye axine shini ake. Kiptimi totimi

ZAKINIU 4:25

“Nonguno aghakhulo ngolukeu ado kushuwa shiveno atianuli eno atilimi auve namu kiu kiu koghe lonamu khilemu nongu sala ajulho shipe qhipuzu axine shikevilo. Tiye AMPEU zulo alhoksake eno tipauno pa pelo axuideve penanike.

ZAKINIU 9:24

Ino nongu ithi kelono itehi kutolo nonguye AMPEU hebide achenike.

FILIPIAMI 2:15

tishianguno nonguye jekujeli kuhano viwotokulumi shipe nike, eno chighi chilaikemi ngo kusakughami gholo tukutiye kuhakemi Alhou nuliqo shipeniyeke. Nonguye ayepuqono yevuqai aketoi panongu gholo ayeghilo yepuvu masae,

XAKUTHAMI 2:19

Ikemu xakuthau no thiveke mtsa timiqoye itaghi idechile aqau kuxulo ilove eno azuu tiqhelimi nguno alhoksa shikitheuve. Panonguno alhou kutau mllauveno amlo thonhei panongu lhoksa laghilo xu acheuve.