ZAKINIU 32:22 - BAIBEL (BSI)

²² Iloghu kighideye ami toi iqu ipeghino ayeghi shou thwokha jeli kumtsu piti nani. Tipauno ayeghi qhou kutolo to nani eno naghutoqo pukhu kuxa pitile nani.

Sumi Naga CL (Re-edited) Bible (BSI)

²² Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

ZAKINIU 32:22 ပူးပေါင်းရင်းမြစ်များ

LESHELE 144:5

Atsutsu kiyeveno aqhou iqighilo, AMPEU; Naghutoqo bujulo eno tipaqono amchhi phoipeghi nani.

LESHELE 21:9

Nono ipeghikelo oghumiqo ami iquakeshi kutsave nani, AMPEU no pa xukighide launo panoqo munove nani, amino panoqo pitiqhive nani.

LESHELE 46:2

Ikehu ayeghi sukinileve eno naghutono azughi kutholo iluqive,

LESHELE 83:14

Amino aghasa pitimuha keshi eno ami milino naghuto piti keshi,

LESHELE 86:13

Owu iqemokeu kikimiye ishou shishe kije anike! nono akumoki launo ixapheluveke.

LESHELE 97:3

Amino pa zuu wupuzu pa ghumi pa sumxape akemi pitiqhike.

ISAIAH 24:6

Ikehu Alhou no ayeghi shou musuini pukuveke ghenguno timiqoye panono mlavekeu lochile anike. Timi aghuloshi likhi xuauve cheni.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

ISAIAH 54:10

Naghuto ngo atoghiqono ipa ikiqiluvi, ikemu ino nongu kimiyekeuye khilemu ashekha shivemoke; iwu alokughunopu shoqhi niye alhokupujulo peche nani,” ipi nongu kimiyechekeu MPEU no pi ani.

JEREMIYA 15:14

Panonguno kiumu mthakeu yeghilo ino panoqo pelo aghumi qepe nani, kughengu imlo kighideye ami toike eno tiye alhokupuju piti ananike.”

JEREMIYA 17:4

Nonguye ino ayeghi nongu tsu keu qhivetsu kepu shi nani eno ino nongu pelo nonguno kiumu mthano akeu yeghilo noghumiqo qepe nani, kughengu iloghuye ami toike eno tiye alhokupuju iqu ananike.”

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

AKUMLO 2:3

Pano muqhumzai Israil kumto hepholeve tsu; Kughono aghumi ighi keno paye nishou axu ideke eno ami toi thwokha shipusave tsu.

AKUMLO 2:4

Aghumi toi pa piji pesu ni mijike; Pano ami toi axukighide lepheno achinekilo Zion limi nino jupe amloqi chekeqo pithi khavetsue.

AKUMLO 4:11

AMPEU no pa loghu kighide kumtsu pephe eno pa mlo kighide tuleke; Pano Zion lo ami lakhi kuyiquno tipau boqha pitipuhave.

EZEKEL 19:12

Ikemu aloghu kighide uno tipau akuhu lono nhuve tsuke eno ayeghilo vedape qhiveke. Kipelau mulhuno tipau xathi fuki-ghichive tsuke. Tipau lokaqoye icheuve, tipaqoye qhaive eno pitive.

EZEKEL 22:21

Ino Jerusalem lo panoqo hekutsu kumqo nani eno panoqo qhouno ami shipuku nani eno iloghu pesu panoqo pitiqhi nani.

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

EZEKEL 38:19

Ino iloghu kighide lono piphetsu anike, tipa tsalalo Israil lo ayeghi kughutha kutsasa ipeghi nani.

ACHINE 26:20

Nonguno akuaveshi mlakeu kumtsu adou shive nani kughengu noghakhuno axabo ipeghimo nani eno asuboqono axathi pithimo nani.

AMUS 5:6

AMPEU lau wulo eno nonguno xulu nani. Nonguno pa lau wumo aye pano Israil lo akemiqo shou ami toi jole iqighi nani. Amino Bethel lo akemiqo pitileve nani eno khunomu tipau pinhe mla nani.

AMUS 7:4

AMPEU no kungunhetsu kutau lakhi ipiye. Tipaulo pano ami pesu pawu timiqo ghime nikeu ino ithulu. Amino ayeghi qhou azughi kije akeu pitipuhave eno ayeghi ghi pitiu cheghive.

MICAH 1:4

Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

ZEFANIA 3:8

AMPEU no pi, “Ino ithupuzu ashiayehqo ngukunikeu tsala kutolo khe-aghilo. Niye ashiayehqo ngo akukaqhaqo hekutsu nike xathaluvae, eno panoqo shou iloghu agho-shi pipekeu ithipe nani. Ayeghiqha kumtsu iloghu mikuyiquno pitileve nani.”

AKIKIHI 16:33

Tighenguno panonguye xuaphi lono panongu pichepighi gholono kithimi yeghilo iqive. Ayeghino panongu shou nhaluve eno panonguye ithumlave.

AKIKIHI 16:35

Tithiu AMPEU no pitimuha keu mi puwu puzu khunonguno tsungqu-ta suwo qhitsukeno timi 250 hu pithivepe.

MATTHEW 10:28

Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

MATTHEW 18:9

Onhethino opelo axinelo ghukesawupe aghi aye, tilejo pesu pevelo. Oghenguno anhethi kini kujo xapusu amino aghimetsukeu a-lo vesuve peni kepuye anhethi lakhi likhi pusu akuxupulo ilokeu pavie.

MATTHEW 23:33

Nongu apighiqo, eno apighitiqo! Amino aghime tsukeu lono nonguye khileno pokulupu kya?

ZAKINIU 29:20

Timi tikithipuye AMPEU no pheve nanike. AMPEU loghu kighideno pa shou iqu ikughi nani eno kaku hipaulo kutsa kungokeu yepe qhikeu kumtsu AMPEU no qhoi pa kutsalevemoke kutolo pa shou ikughi pe nani.

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

IBRIMI 12:29

kughengu ningu Lhou ye pitimuhakepu ami lakhike.