ZAKINIU 31:7 - BAIBEL (BSI)

⁷ Tishieno Muse no Joshua kuno Israilmi kumtsu gizu lono pa vilo pi, “Amlo kuloghi shilo eno amlo kumto shilo; nono timi hipaqo sakipheu shipuzu AMPEU no panoqo puasu lau tushoqhive keu yeghilo sailo ngolu nanike.

Sumi Naga CL (Re-edited) Bible (BSI)

⁷ Tishino Moses no Israelmi kümtsü zülono Joshua vilo pi, “Akumto shilo eno amlo mtolo, kughengu nono timi hipaqo sakipheu shino Ampeu no pano puasüqo lau tushoqhi keu yeghi lo ilo nani.

ZAKINIU 31:7 ပူးပေါင်းရင်းမြစ်များ

SAMUEL AKINIU 10:12

Akumto shilulo eno amlo kuloghilulo! Niwu timi ghenguno aloqhi kichighini eno ningu Lhou phughiqo ghenguno akivishi aghu shini. AMPEU pulou mlalupeniu!”

KUKAMI ATUGHIU 2:2

“Niye thivenikeu do kupunuuvae. Tsaqu tsalei shino kughakutha shilulo,

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

DANIEL 10:19

Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

AKIKIHI 13:20

Ayeghi ye aghuma akeu momu asubo akeu yeghi kemo keno julo. Eno axathi pithi aghikeu hami xo sughilo.” (Tiye atsayi lothi ni ipechekeu tusho shi ake.)

AKIKIHI 27:19

Papelo achineu Eleazar eno aqoaho kuchopu gizulo puthugho pelo eno panongu kumtsu zulono pano othelilo kepi asheshuvelo.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

Ephesiami 6:10

Ashekhashi hi ithilo. Ampeu gholo xukimepekeu lono eno pa kuka kumtono nonguye mutotoi alo.

ZAKINIU 1:38

Ikemu okukuphuu Nun nu Joshua mlo shikumto tsulo. Pano Israil sakipheu shino tipa yeghilo ngolu nanike.’

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 11:8

“Ishi tsalalo ino nongu lau ayezah tsukeu kumtsu pelulo. Tishianguno nonguye aghoki katha iku iloniye kuto akeu yeghilo ngolu nanike.

ZAKINIU 3:28

Akukutsu tsa Joshua tsulo. Pano kumsupu akeu shikumtolo kughengu pano timiqo sakipheu shieno nono ithulu akeu yeghiqhalo ngolu penike sawu nanike.’

ZAKINIU 31:21

tighenguno kutsakungo keu kumsapu kutomo panoqo shou ikughi nani. Ikemu ale hipauye itaghi phe ache nani eno tipauno pano shou thopi shinani. Itehi ghi, ino panoqo tsunikeu shi tushoqhive keu yeghilo ino panoqo sailo mphilo pinamu panonguno kiu kumsupu ani keno ino ithi ani.”

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 31:3

AMPEU Alhou no nongu zuu wunani eno ashiayeh tilau akeqo kutsaleve nani, tishikeu lono nonguno panoqo yeghilo ngolu nanike eno AMPEU no pive ketoi Joshua no nongu sakipheu shi nanike.

ZAKINIU 31:6

Amlo kuloghi shilo eno amlo kumto shilo. Panoqo musa kevilo. Nongu Lhou, AMPEU ampino nongu gholo anani. Paye nongu phevemo momu qhivemo nanike.”

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

JOSHUA 1:6

Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.