ZAKINIU 30:9 - BAIBEL (BSI)

⁹ Nonguno mlakeu thwokha kumtsulo AMPEU no kinikulu shilupe nani; nonguye atianuli kutomo shilu nani, atsu-aqu kutomo anani eno nongu lu lono tuxatini kumzapu ipeghino pithi nani. Pano nongu puasuqo kinikulu shitsu nishi ketoi nongu pesu kinikulu shitsuni keuno pa lokivi shive nani.

Sumi Naga CL (Re-edited) Bible (BSI)

⁹ Nongu no mlakeu thokha lo Ampeu nongu Lhou no kinikülü kupukuno shi nongu tsü nani; ti ye nongu tianuli kughuko, pichepighi lhoxü, eno tüxatini lo kümgha tsü nani. Pa no amlokiqi lono nongu puasüqo kinikülü kupukuno shitsü ketoi, itaghi amlokiqi shi nongu lau kinikülü kupukuno shitsü nani.

ZAKINIU 30:9 ပူးပေါင်းရင်းမြစ်များ

ISAIAH 62:4

Hinguno hilau noye “Qhiveake” ipi ovilo pimo nani, Momu noyeghi pesu “Jumuvekeu Nipu” ipimo nani. Oje akitheu pesu “Alhou ye li lau amloqi cheni,” ipi nani. Noyeghi pesu “Alokivishi Kutunaluve” ipi nani, kughengu AMPEU no olau amloqi ani eno pano noyeghi shou akimi lakhi toi shinani.

ISAIAH 62:5

Apulhothe lakhino ililhothe lakhi pelo pawu kulaliu shiape keshi, Khuno olhophekeno pano osasu kulauve nani. Kulapuuno pawu kulaliu lau alokivi akeshi oLhou no oshou alokivi anani.

ISAIAH 65:19

Ni ampi ghi Jerusalem eno tile akemiqo ghenguno alokivi shi nani. Tilehi qamlokeu kuha nani eno kuphulepi ighakeu sutsa kuha nani.

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 31:28

Ino panoqo nhuve, tulaqhi, haleqhi, kutsale eno tulenikelo kutokupui shike toi ino jukutokugho puzu panoqo shosuni eno panoqo xaqhepuku nanike.

JEREMIYA 32:41

Niye panoqo ghenguno akivipu shikeulo izukuvupu shi nani eno hipau yeghilo panoqo pelo ithamono ngolupe nanike.

JEREMIYA 33:9

Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

ACHINE 26:4

ino ado achipi lono tsutsughu nongu lau puwutsu nani tishianguno ayeghino tuxatini ipeghi nani eno asuboqono axathi pithi nani.

ACHINE 26:6

“Ino noyeghilo iquneikeu tsu nani, eno nonguye kiumu msamono zuhulu nanike. Ino ayeghilo kumsa kimshipu lhoxuqo halevetsu nani eno tilehi kiumu aghukishi kuha nani.

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

Luke 15:32

Ikemu ninguye aghulhu lakhi shino alokivi shikepu shive, kughengu othikuzuuye thive ikemu paye xuaghie, paye puhave, ikemu itehiye pa phuluvae.’ ”

John 15:11

“Ino nongu vilo hipaqo piakeuye ilokivi nongu lolo apeniyeke, eno nongu lokivi shikupu lupeniyeke.

ZAKINIU 28:4

“AMPEU no atianuli kutomo, tuxatini kumzapu eno amshi ngo bheri kutomo pesu nongu kumghatsu nanike.

ZAKINIU 28:63

AMPEU no nongu pelo kinikulu shilu eno alau ikowolu pekeulo alovi ketoi pano nongu kutsaleve eno shipsave keulo ghi paye alovi nani. Nonguno ngoluniye akeu yeghi lono nongu nhujove nanike.

ZAKINIU 30:8

eno nonguno itaghi pa gholu kitheve nani eno pano ahza tsukeu ishi tsalalo ino nongu tsuakeu kumtsu pelu nani.

ZAKINIU 7:14

Nongu lau kumzapu kumghatsu keu qhemi ayeghiqhalo timi khuno laumu tsumo nanike. Nongu gholo milakhimu anuha shimo momu notsu-aqu lakhimu iqomo nani.