ZAKINIU 30:4 - BAIBEL (BSI)

⁴ Nonguye ayeghi cheku putosuu halepuwuve aghi namu AMPEU Alhou no nongu kumtsa kumqono nongu sachile saghi nani.

Sumi Naga CL (Re-edited) Bible (BSI)

⁴ Nongu hape ayeghi cheku lo puwuve aghimu tilauno Ampeu nongu Lhou no nongu sawo hekütsü nani.

ZAKINIU 30:4 ပူးပေါင်းရင်းမြစ်များ

KUKAMI ATUGHIU 8:34

kungugha lono panongu tsa inijutsulo. Owu timiqo xine qhivetsulo eno panongu sachile sasu panongu puasu tsukeu yeghilo saghitsulo.”

YEKIKITHI AKINIU 30:9

Nonguno AMPEU lau xaideghi aye timi nosholokumi sasu akughumi shi sawuve kemiqono panoqo shou amlo ighi qhiyive nani eno panoqo pelo aghakhu lo ide ighiluve pe nani. AMPEU nongu Lhou ye kimiyekini eno kupukini ke eno nonguno pa lau xaide ghi napi aye pano nongu ikhilu nani.”

NEHEMIA 1:9

Ikemu nonguno ilau tsughu ide ighi eno izahqo luaye nonguno ayeghi ashekhaqolo piyepighive aghinamu sachile saghieno ino kisheluve keu alo imlla penie.’

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 43:6

Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

ISAIAH 48:20

Babilon lono ipevelo, khaqhiphe pesu wuvelo! Alokivishi asutsa kithe pesu asheshulo; aqha kumtsu tipau ithipelo: “AMPEU no pa qeu Israil xaluveake!”

ISAIAH 62:11

AMPEU no ayeghiqha kumtsulo asheshu puwu akeu ithiwo nani: “Jerusalem lo akemi vilo pilo, AMPEU ye oxalunike cheni, pano xapheluve kemiqo sasu wocheni.”

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

MATTHEW 24:31

Afuko ghugha kije igha nani, pano pawu kungumi ayeghi cheku bidi kutolo puwu nani eno ayeghi shekha halau lono halau kutolo kisheluvekemi panonguno hekutsu nani.

Mark 13:27

Pano tileno kungumi ayeghiqha cheku ahu-u, apeu, kipelau eno kulolau kutolo puwuno Alhou no pukhaluvekemi ayeghi shekha lono ashekha kutolo hekutsu saghi nani.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.