ZAKINIU 30:3 - BAIBEL (BSI)

³ tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

Sumi Naga CL (Re-edited) Bible (BSI)

³ tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.

ZAKINIU 30:3 ပူးပေါင်းရင်းမြစ်များ

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

BOTHUBO 48:21

Tishieno Israil no Josef vilo pi, “Julo, niye thini cheae, ikemu Alhou no nongu gholo anani eno nongu puasu yeghilo nongu sachilesawo nanie.

YEKIKITHI ATUGHIU 16:35

Pa vilo ishi pilo, “Ningu xalulo, O Alhou ningu xakuluu; Ningu pekumqo tsulo, shiyeh kutami ulono ningu xaphe lulo, tishianguno ninguno akishe otsu nani eno oje akimthe sheni kehu.”

NEHEMIA 1:9

Ikemu nonguno ilau tsughu ide ighi eno izahqo luaye nonguno ayeghi ashekhaqolo piyepighive aghinamu sachile saghieno ino kisheluve keu alo imlla penie.’

JOB 42:10

Ikehu AMPEU no Job tinhemgha saideghitsu, kughengu pano pa shounoqo ghenguno inikhtsue. Thosulo nguno kinino vekighishe ghi pawu tinhemgha kumtsu kumghavetsu.

LESHELE 107:3

inami ghakhu, kipela, kulola, ahuu eno apeu no nongu sachile saghike.

LESHELE 147:2

AMPEU no Jerusalem shikithepuku ani; paye hapiyepighive keqo sachile saghi ani.

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

ISAIAH 54:7

“Atuqhudo lakhi ghenguye ino oqhive ke; thonhei kimiyekeu pesu ino osachileu nani.

ISAIAH 56:8

Aqokitikhi MPEU no Israilmi hapiyepighive keu lono akilo saghikeu Lhou no itaghi timi kutami saghino panoqo gholo xukimepe nikeu piqhipe puani.

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 31:10

AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

AKUMLO 3:32

Pano nishou amlokusapu sughiluvi ikemu pano nikimiye chekeuye mutsuqheino mutotoi ani.

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

EZEKEL 39:28

Tileno iwu timiqono niye AMPEU panoqo Lhou kepi ithi nani. Panonguno hipau ithini putsake kughengu ino halephevekeulo panoqo puwuve eno itehiye panoqo lakhimu qhivemo puzu panoqo hekutsu pesu panoqo ghakhulo saideghi nani.

MICAH 7:19

Noye itaghi nilau kupuqhiyi kithe nanike. Nono nixineqo apukhuno nedaqodave nani, eno azughi polalo tipaqo vesuve nanike!

ZEKHARIA 10:9

Ino ashiayeh kutami gholo panoqo halepuwuve namu, putou yeghilo ghi panonguno kumsuchileu nani. Panongu eno pano tianuliye puxutsu nani eno kumtsa pano phuyinalo ideghi nani.

Rommi 11:23

Eno icheiqivekeqo pinamu panonguno panoqo kupulukumo pheveaye itaghi kimekitheve nani, kughengu Alhou ye panoqo kimekithevetsu kepu kuka ani.

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

Rommi 11:31

Ikehu panonguno agholumono achekeu huye Alhou no qhuivulayi keu nongu lau piyekeu lono itehiye panongu ghi Alhou no qhuivulayi keu ithulupe niyeke.

ZAKINIU 13:17

Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

ZAKINIU 4:27

“AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.