ZAKINIU 30:16 - BAIBEL (BSI)

¹⁶ Nonguno AMPEU Alhou no ahza tsukeu, khipau ishi tsalalo ino nongu tsuani keno tipau papelu aye, nonguno pa qhuivu, pa gholu eno pa yezah kumtsu pelu aye tileno nonguye kinikulu shi nani eno timi kumzapu shiayeh shi nanike. AMPEU Alhou no nonguno ngolu niye kuto akeu yeghilo kumghatsu nani.

Sumi Naga CL (Re-edited) Bible (BSI)

¹⁶ Tsala ishi tsala lo I no Ampeu nongu Lhou zakütsü nongu tsü akeu nongu no papelu eno nongu no Pa kimiye, Pa gholu eno Pa zakütsü, akhuaye eno pimheye kümtsü pelu aye, nongu ye xülu nani eno kughuko luno nongu no ngoniye akeu yeghi lo Ampeu nongu Lhou no kümghatsü nani.

ZAKINIU 30:16 ပူးပေါင်းရင်းမြစ်များ

KUKAMI ATUGHIU 3:3

Solomon ye AMPEU kimiyeche eno papu David no mije tsukeu papeche, ikemu pa ghi tughashi kutomo heqhino a-a kini kuthu lono akumllagho tsuche.

AHOLE 3:1

Inu, ino kiu oshikapiye keno pheve kevilo. Ino ovilo kiu shilo pikeno pulhapuju kumsupulo.

ISAIAH 1:19

Nonguno ilau aghokulu shiaye ayeghilo thime kivi jeli ipeghi pekeu chulu nani.

John 14:21

Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

1 Kor. 7:19

Achineyeh kiqi lono aphighu yiko ghakeu na ghamokeu pinamu kiumu kumoe, ikemu Alhou no ahza tsu keu pelukeuno akhotoke.

ZAKINIU 30:17

Ikemu nonguno hebide eno initsumono kutau lhouqo mllani keulo sawuve pe aye,

ZAKINIU 30:19

Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

ZAKINIU 30:6

AMPEU Alhou no nongu eno nopolo kughukomi lau aghokulu mlo tsu nani tishianguno nongu mlo kuchopu pesu pa qhuivulu nani eno ayeghi tipaulo tishi xu acheu luve nani.

ZAKINIU 32:47

Akukutsu tsa hipaqoye abokumsa tsa kumoke; hipaqoye nokuxupu kuchouke. Hipaqo gholulo eno nonguye Jordan katha ikukelo ayeghi nonguno ngolu niye akeulo axu shulu nanike.”

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 5:33

Tipaqo kumtsu pelulo tishianguno nongu lau thwokhalo akivishi alu penike eno tishi keu lono nonguno qhasuluniye akeu ghakhulo xu alukepu shinanike.”

ZAKINIU 6:5

Omlo kuchopu,ongulho kuchopu, eno okumto kuchopu pesu AMPEU nongu Lhou qhuivulo.

JOSHUA 23:11

Tishiaye AMPEU Alhou qhuivu nike kutokupuilo.