ZAKINIU 26:14 - BAIBEL (BSI)

¹⁴ Ino mloqa akelo niye tipau kiumu chupuamoe; ino achinepulo mithemono akelo tipau lono kiumu ikhi pesu iki lono halau ipemoke; eno tipau lono kiumu ikhi pesu kithimi ghenguno akumllagho tsupe puamoe. Niye aghokulu shike, O AMPEU; nono chighi saje ghenguno ahza tsukeu thwokha kumtsu ino shipuani ke.

Sumi Naga CL (Re-edited) Bible (BSI)

¹⁴ I no mloqa akelomu ni ye chighi saje chumoe, I no mithe move namu kiumu ikhilumoe, momu tipau lono ikhipe kithimi lau akümllagho tsümoe. Ni ye Ampeu I Lhou gholu eno Nono azah tsükeu kiqi lono thokha shivae.

ZAKINIU 26:14 ပူးပေါင်းရင်းမြစ်များ

LESHELE 106:28

Tipashelo Peor lo Alhou timino Baal mlla nikeu shi pulolukhave, eno heqhipe akithi lhou mlla keu chue.

LESHELE 18:22

Kughengu pano shilo-pi keu yezah kumtsu ino shi cheni; eno pawu yepe-puakeu niye pa yezah peve chemoe.

JEREMIYA 16:7

Khuumu timi lakhino pa bolomi thive akelo akithiu bolomi lokughuno tsunike tipau sasu kuchu kusho shimo nanike. Khualano apuh momu aza thive aghi namu khunomu amlo saqhiyikeu piyemo nani.”

EZEKEL 24:17

Okuqa chilupe kevilo. Muloqakeu michipu shi apukhu kumsa, akutsusa nhapumono iqho iqikeu shikevilo. Ogi nhapu kevi momu muloqakemi no chuchekeu chuqupu chukevilo.”

HOSIYA 9:4

Inaghami yeghilo panonguye atsayiji pesu AMPEU lau akumllagho tsulukepu shimo nani momu lhoxu heqhipe pa lau sughi mla nani. Khunoqono panoqo chuqupu chuni keno kumtsu kitiqeve nani, tiye akumo shiqhokelo chuqupu toi nani. Tiye panongu khuava ghapiqini keulo likhi peitha nani; tipaqo gholo lakhimu AMPEU chinekilo akumllagho shi puwulumo nani.

ACHINE 21:1

Muse pelo Aron laghami achinemi vilo pipe nike AMPEU no ishi ahza tsue, “Achinemi khuumu asholokumi thivekelo akumo shiqhokeu vechewo achinepulo pa shipixilu kepu kumoe;

ACHINE 21:11

Paye ilau ikhiphepe tsuvae ike paye chini kepulo mithemokeu shikepu kumoe momu ikimthe Phiki lono ipepuzu kithimi akeu kilo ilo veno Aphiki shipixi kepu kumoe, kithimi tipauye papu aza shi aghi pinamu.

ACHINE 7:20

ikemu timi lakhino mithemo puzu tipau chu aye paye tinguno tilauye Alhou wu timiqo gholo lakhi kepi kihisu move masa.

MALAKI 2:13

Nonguno hipau ghi shi acheni. Nonguno anhezu ngo akuqa kumlo pesu AMPEU mllakeu khache putsuqhi cheni, kughengu nonguno pa lau akumllagho sughikeu ikhilutsumoyeke.

ZAKINIU 13:5

Ikemu asamo kiqi pitsu kemi momu tungkupmi khuuno nongu vilo AMPEU hebidelo pini keno pa pithivelo. AMPEU no Ijip lo nonguno tilau aqemi shi ake lono nongu xapheluke. Timi tikithipuye alhoksa ke eno AMPEU no nongu vilo xuchelo pi ahza tsukeu kuxu lono nongu sabideveni ke pukaputsa nani. Alhoksa lono nonguno cheluveni ke ghenguno paye pithive masake.

ZAKINIU 15:5

Nonguno pa gholu eno ishi tsalalo ino nongu vilo ahza tsuakeu thwokha kumtsu kutokupui pelu aye,

ZAKINIU 16:11

AMPEU gizulo notianuli, noqemi, Levi laghami, inaghami, mighimghami eno chimemi nowu taunlo akemiqo sasu alokivi shilo. Hipauye ti akumlla-a lakhi lono shilo.

ZAKINIU 26:13

AMPEU vilo pilo, ‘Akimthepu chighi saje hu lakhimu ikilo qhimovae; nono ahza itsu keu toi ino tipau pesu Levimi ngo inaghami ngo mighimgha eno chimemiqo tsuvae. Niye chighi saje ghenguno nono ahza tsukeqo gholo lakhimu hebidevemo momu kumsumavemo ke.

ZAKINIU 26:15

Kungughalo okimthe-a lono jupiqi tsulo eno owu timi Israilmi kumghatsulo; nono nipuassu lau tushoqhiveke toi kinikulu eno aghuma yeghi ningu tsuve keu shou ghi kumghatsulo.’