ZAKINIU 25:9 - BAIBEL (BSI)

⁹ taunlo sakiphemi gizulono lino pa phivilo wupuzu pa pukhu kuqho lakhi sujoluve tsulo eno pa gilo musute pukulo eno ishi pilo, ‘Timi khuuno pamu ghenghuno atikughuko tsumoni keno timi tikithipu lau hikithipu shichenike.’

Sumi Naga CL (Re-edited) Bible (BSI)

⁹ akithiu nipu no sakiphemi zülono pa pukhukuqho xajove tsüno pa gi lo müsüte pukuni eno ishi pini, ‘Timi khuu no pamu lagha shiqhetsü moni keno, pa lau hitoi shilo.’

ZAKINIU 25:9 ပူးပေါင်းရင်းမြစ်များ

JOB 30:10

Panonguye iju apumqhu eno ilau no putosuu ngoe, eno igilo musute pukuni keu ighu keu kuhae.

ISAIAH 20:2

Ampe kuthu zuuno AMPEU no Amuz nu Isaya vilo pa pukhu kuqho ikhive eno pano yeqhiye phi uakeu ikhivelo pipuake. Pano tipa tsa lupuzu aphi eno apukhu kumsano iqho iqiche.

ISAIAH 50:6

Iheqhi akemi lau ino imqa mighe tsuke. Panonguno ithaighakeulo niye pano qo lakhamoke, panonguno ikichimhi phivetsu eno igilo musute keulo niye panoqo lakhamoke.

AKIKIHI 12:14

Tileno AMPEU no khochile, “Li puno li gilo musute puku tsuaye liye akukujo tipau atsala tsuni kutolo pulu masake. Tighenguno liye atsala tsuni aghazu lono khalacheu haphepe qhivelo eno tipathiuno liye sasu ile iloghipelo.”

MATTHEW 26:67

Tishieno panonguno pa gilo musute puku, pa chishiqhi; eno khamino pa ghaqhi ghi ishi pi,

MATTHEW 27:30

Panonguno pa shou musute puku, eno akusu hu ikhipesu pa kutsulo ghatsue.

Mark 1:7

Pano asheshu ishi pi, “Ithiu timi khuu cheni keno paye inguno akiqheue; niye itsaiqi pa pukhu kuqho kutsugha kighimu kuqho kuzu kumoe.

Mark 10:34

Tipaqono pa pithive nani, eno atsala kuthu thiuye pa xuputhuve nani.”

John 1:27

Paye ithiuno ighi, ikemu niye pa pukhu-kuqho mu kuqhotsu kuzupu kumoe.”

ZAKINIU 25:10

Israil lo timi tipauno bolomi pesu, ‘Apukhu kuqho xaluvetsu keu bolomi’ ipi ithi acheuve nanike.

ZAKINIU 25:8

Tileno taunlo sakiphemino pa kupuwulo eno pa putsalo. Tishi kethiu ghi paye li sasu kughunamo piaye

RUTH 4:6

Timi huno ishi khochile kitheve, “Tishikepu aye niye valu mae, kughengu imheghi puhaveni cheni. Nono valu velo, kughengu niye valu mulakepu shivae.”

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.