ZAKINIU 24:17 - BAIBEL (BSI)

¹⁷ “Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

Sumi Naga CL (Re-edited) Bible (BSI)

¹⁷ “Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 24:17 ပူးပေါင်းရင်းမြစ်များ

JOB 22:6

Nono akumoshi othikuzumi pelo pisa olochile peniaye pa phimini xapewuveno pa pelo aphi kumsa ngove chenipe kehu.

JOB 24:3

Panonguno apuaza kuhakemi wu gadaha hasasu wuve cheni, eno chimemi wu amshitsu api lochilemoke kuto tshupe sawuve cheni.

IPEKULU 22:20

“Timi khuuno ni AMPEU nguno alhou kutau lau aghashi pesu mllani keno pa shou kughatha keu shi heqhi pithivelo.”

IPEKULU 23:2

Aqo akichiu shi aghinamu panoqono akumou shi aghi aye tipaqo papewu kevilo momu kuchou xakutha suchighiveni keulo ashepe shitsu kevilo;

IPEKULU 23:6

“Kumlhomi lakhino kughakutha alo ighikelo kuchou xakutha pa tsumove kevilo.

IPEKULU 23:9

“Inaghami peitha pusa kevilo; inaghami kiu toi keno nonguye shijuveake, kughengu nonguye Ijip lo inaghami shi acheke.

AHOLE 31:5

Panonguno ajishove aye, panonguye ayezah kumsumave cheni eno timiqono avehupushi akeu achipiuqo kughuchovetsu cheni.

YETSAPIU 5:8

Kughou yehpekano kumlhomi nedaqoda veno kuchou xakutha ngo achipiu shitsumo nikeno tipau jupe akumzaqhiyi kevilo. Kijemi kumtsu panoqo nguno akijeuno shokha pesu acheni eno pama shou itaghi akijeu no sushope aphike.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 3:15

Iwu timiqo chunuqhikeu hiye kiu eno kumlhomi shipughuqhi keu hiye kiu kya? Ni, Aqokitikhi shou AMPEU Alhou no pi anike.”

ISAIAH 33:15

Nonguno achipiu picheni eno shicheni aye nonguye xukulupu shinani. Nongu kuka peitha puzu kumlhomi pishiqhino kulugho lukevilo. Timi ghiqhinike kumqu kemiqo gholo ilokevilo momu kutau alhoksa kumla shikevilo.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 5:28

Panonguye aqu leleshi chhiboyi anike panonguno alhoksa kumla shikeulo tavae pikeu kuhae. Panonguye mighimghaqo pelo pano chipiu ithulupe chemoe momu neda qodape akeqo lau kuchou xakutha piye chemoke.”

EZEKEL 22:29

Kinikulu shi akemiqono pishiqhi eno pukaqhi cheni. Panonguno kumlhomi peithapusa cheni eno inaghami shou akumo akukuhau shicheni.

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

ACHINE 19:33

“Noghakhulo inaghami xuakeqo peithapusa kevilo.

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

ZEKHARIA 7:10

Nonguye chimemi, mighimgha eno inami khunoqo nongu gholo ani keno momu khukhumu nongu kukuphu avehupu shi aghikemiqo nedaqoda kevilo. Momu lakhino lakhi shipusa nikeu laghi kughuqhi kevilo.’

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

Luke 3:14

Ghushimi ghi pa vilo iniju, “Tishiaye ninguye kiu shilo pikya?” Pano panongu vilo pi, “Anguka lono khuu pisa mu suxalu kevilo momu akimki lono kutami ngukukeu shikevilo, ojume kiu ithulu cheni keno tipaulo aghakiqi shi alo!”

ZAKINIU 1:17

Nonguno xathatsukeulo agi jukevilo; kumtsu shou aphiphi shi kughathalo, paye khuu khuu shi aghi namu. Khuumu musa kevilo kughengu nonguno xatha keuye Alhou launo ighike. Kugha kepu khipau nongu ghenguno ighono shisa keno ilau sughilo eno ino tipau xathatsu nanike.’

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 24:13

kijili atsutsu tipau pa tsuchilelo tishianguno pa pelo tipau uzu lukepu shipelo. Tishiaye pano amlo kiqi shinani eno AMPEU nongu Lhou ye nongu lau amloqi nanike.

ZAKINIU 24:18

Nonguye Ijip lo aquaxemi shi ache eno AMPEU nongu Lhou no nongu kuqhophe kepi kumsululo; highenguno ino nongu lau ahza hipau tsu anike.

ZAKINIU 24:6

“Nonguno kutami vilo kiuala puna keulo nonguye tipau jeku lono pathi kutsughubo qhipuaghi pekeu shikevilo. Tishini keloye akibono pukhupe xuachekeu ikhi suwuve tsuniake.

ZAKINIU 27:19

‘Timi khuuno inaghami ngo mighimgha eno chimemiqo chipiu shipuhave tsuni keno Alhou no musuini keu pa shou ani.’ Eno timi kumtsuno khochileni,’Amen!’

James 2:6

Ikemu nonguno kumlhomi phimo gihumo chenie! Kinimino nongu nedaqoda cheni eno nongu sunhe sasu kughakutha alo wuchenike kumo kesha?