ZAKINIU 20:16 - BAIBEL (BSI)

¹⁶ “ikemu AMPEU no nongu tsu akeu yeghilo aphughi khijehi khasupe leluni keno thwokha kumtsu pithikhavelo.

Sumi Naga CL (Re-edited) Bible (BSI)

¹⁶ Ikemu Ampeu nongu Lhou no nongu tsü akeu mishighünaqo loye atuthu she aghike thaqhü lakhimu püxü moni,

ZAKINIU 20:16 ပူးပေါင်းရင်းမြစ်များ

AKIKIHI 21:35

Tighenguno Israilmino Og ngo panuli eno pawu timi kumtsu lakhimu ghupe qhitsumono heqhi pithive eno tithiu ye panonguno pa yeghi qhasuluve.

AKIKIHI 31:17

Tighenguno khijehino kipti toti axine shivea keno kiptimi na totimi namu kumtsu itehino ghiqhivelo.

AKIKIHI 33:52

nonguye tipa yeghilo kughuna aghikemi kumtsu hapupove masake. Panoqow atu ngo ayino shikeu ajulho kumtsu kubolevetsulo eno panoqono kuhono mllachekeu-a kumtsu kutsalevelo.

ZAKINIU 20:15

Tikithipu shi ghi nonguno ngoluve keu yeghi lono putosuu aphughi khijehi aghini keno tipaqo shou shipukulu nani.

ZAKINIU 20:17

Timi kumtsu qhoi pithi khavelo: Hatimi, Amarimi, Kananmi, Perizimi, Havimi eno Jebusimi, tiye AMPEU no ahza nongu tsuveke toi shilo.

ZAKINIU 24:4

khuu khuu shi aghi namu pa kimi atughiuye itaghi li sasu kughuna kithe kevilo; liye kitiqeve akepi paye kihive masake. Pano itaghi li sasu kughuna kithe aye tiye AMPEU pulou shipsave keu shinani. AMPEU nongu Lhou no nongu tsu akeu yeghilo kixikila xine tikithipu nonguye shikevilo.

ZAKINIU 31:5

AMPEU no panoqo shou nongu pelo tokulu shilupe nani, ino nongu vilo pive keu toi nonguye panoqo kutotsu masake.

ZAKINIU 4:21

Nongu ghenguno AMPEU no ishou aloghu ideveke eno tsaqui pivekeuno niye Jordan katha iku pemonikeu shive eno nongu tsuakeu ghumayeghilo ilopemo nikeu shiveke.

ZAKINIU 7:16

AMPEU nongu Lhou no ashiayeh khijehi nokuka qholo qhitsuni keno kumtsu kutsavelo eno panoqo kimiyeqhiyi keu shikevilo; momu panoqo lhouqo mlla kevilo kughengu tipauno nongu meluve nanike.

JOSHUA 10:20

Joshua ngo Israilmino panongu ghiqhive, ikemu khamiye aphughi liwo alou ilove no xuluve.

JOSHUA 10:28

Joshua no tipa tsala lono Makeda leveno akukau kughaluve. Aphughi tile kuami kumtsu pithive, khumu puxumo. Pano Jerikho kukau lau shiketoi Makeda kukau shou shi.

JOSHUA 10:40

Joshua no ayeghiqha kuchopu luve. Pano ato phughilo kukamiqo shou toluve, kipelau aqhelo akemiqo yeghilo, kulolau naghuto pukhulo akemiqo luve. Pano khumu phemono kumtsu pithive. Tiye AMPEU Israil Lhou no ahza tsu keuke.

JOSHUA 11:14

Israilmino amekusho nhemgha eno lhoxuqo aphughi tipaqo lono suwuve eno panongu wu shiluve. Ikemu panonguno timi qoye pithive, khumu akuxu qhimove.

JOSHUA 6:24

Tipathiu panonguno aphughilo ami suvetsu eno thime jeli kuchopu pitipe amkhu shivetsu eno shuna tsandi eno ayi jeli ye pesu AMPEU kini kukutsu alo qhive.

JOSHUA 8:25

Joshua no pa ngupa Ai kudau chhopuwope auve eno tile kuami kumtsu pithive moke kutolo pheqhimove. Tipatsala lo Ai lo kuami lhoxu kumtsu pithive, kiptimi totimi 12,000 pithive.

JOSHUA 8:8

Nonguno aphughi leluve kemtsa ami suvelo AMPEU no ahza tsuke toi, julo ino ahza tsuvae.”

JOSHUA 9:24

Panonguno khochile, “Akijeu nino tishiveke, kughengu AMPEU oLhou no pa qeu Muse veche ahza tsukeuye nonguno khilau wunikeno tipa yeghi kuchopu pe nongu tsuve eno wuke laghilo timi kumtsu pithiveghi wukeu hu kuchoue. Nino tishi putsae kughengu tino ni shikumsave eno nikuxu puhave nike msave.

JOSHUA 9:27

Ikemu pano panongu pelo aqemi shivepe, Israilmi ghenguno eno akumlla a ghenguno asu eno azu puighinikeu shivepe. Ishi kutolo AMPEU no khileno pa mlla lepive keno tipa-alo mlla acheni.”

JOSHUA 9:7

Ikemu Israilmino pi, “Ninguye kughenguno no sasu visho shimoaye sakya? Nonguye akupunu lono ighikemi keni ake.”

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”