ZAKINIU 20:1 - BAIBEL (BSI)

¹ “Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

Sumi Naga CL (Re-edited) Bible (BSI)

¹ “Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 20:1 ပူးပေါင်းရင်းမြစ်များ

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

YEKIKITHI AKINIU 14:10

Asa ye pa sasu kumjoni ke wuve eno amqo kinikujo Maresha kupunulo Zefatha Khila lo a-a kutoluve.

YEKIKITHI AKINIU 14:11

Asa no pa Lhou AMPEU lau hitoi akighini shike,” AMPEU niLhou, kughengu ninguye oje lono aghumi kuloghi hipau sasu kumjoni ke ipeghi anie. AMPEU, noye ni Lhou ke; khuunomu otoluve kulupu kuhake.”

YEKIKITHI AKINIU 20:12

Noye ningu Lhou ke! Panoqo ghimeqhilo, kughengu ghushimi kumzapuno ni le ighi akeu ju kelo ninguye avesavae. Ninguye kiu shikepu keno mthae ikemu ningu kuphupe nike ninguno olau ju anie.”

YEKIKITHI AKINIU 20:15

Jahaziel no pi, “Akijeu Akukau eno Juda ngo Jerusalem lo kuamiqo, AMPEU no pi ani ke nonguye ghushimi kumzapu hupaqo sasu kushoni keulo amlo ithakevi momu msa kevilo. Aghushiye Alhou shou bepe ani kethono nongu shou bepe amoe.

LESHELE 118:6

AMPEU ye igholo ani niye musamoke; khuno ilau kiu shikulupu kya?

LESHELE 20:7

Timi khamiye aghushilo peithakeu khurkulu pukhupe qheza cheni eno khamino khurshi pukhu cheni, ikemu ninguye AMPEU ningu Lhou je pukhupe acheni.

LESHELE 23:4

Ino akithi yekukhu khila lo che namu niye kiumu musamoe; kughengu pano igholo ani. Okusu eno oqhe kusuno isushope acheni.

LESHELE 46:11

AMPEU Akughushuuye ningu sasu ani; Jakob Lhou ye nino ijehlu chenike.

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

LESHELE 46:8

AMPEU no kiu mla puatsu akeno ighi puzu julo. Pano ayeghilo akumzapu kiu shipu anikela julo.

IPEKULU 20:2

“Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

JEREMIYA 16:14

AMPEU no pi, “Aghuloki wochenie, kughono timiqono tushoqhini eno Alhou no Ijip yeghi lono Israil saipeghikeuye xuanike ghenguno ipi pimo nani.

ZEKHARIA 10:5

Juda lo akemiqoye ghushimino pano ghumiqo alaghila anibalo qodasu keu toi tokuluu shi nani. AMPEU no panongu gholo anike ghenguno panonguno aghu shi nani eno panonguno aghumi wu khurshi ghushimi pinamu halesuve nani.”

AKIKIHI 10:9

Nonguno noyeghilo aghu shi akelo afuko hipaqo ighano aghulo wuno noghumi nongu le ighi akeqo mujo chileno nolikhi no susholo pi akeu michike. Ni AMPEU nongu Lhou no nongu kuphuni eno nongu ghumi launo nongu xaluni.

AKIKIHI 23:21

Tithiu Israilmi ghenguno ino juchho puwo ithulu akeuye angukusapu momu akupuna kiumu li lau sughini chemoe. AMPEU panongu Lhou ye panoqo gholo anie; Paye panoqo kukau kepi panonguno asheshu cheni.

Rommi 8:31

Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

ZAKINIU 1:29

“Ikemu ino pike, ‘Timi hupaqo jumsa kevilo.

ZAKINIU 2:7

“AMPEU nongu Lhou no nonguno mlakeu thwokhalo kishi nongu kumghatsu keno kumsuchilelulo. Nonguno asayeqha hipapahi vechesu itsusu wuchekelo pano nongu tucho hijuke. Paye hi ampe lhobidi nongu gholo aighiveake eno nonguye nonguno avehupu shikeu kumtsu ithuluke.

ZAKINIU 20:2

Nonguno aghu shimphi lono achinemi lakhi pelo azuu ighi pelo eno nowu ghushimi vilo pipelo,

ZAKINIU 20:3

‘Israil lo timiqo, inilo! Ishi tsalalo nonguye aghu shini chenike noghumiqo jumsa kevilo momu amlo loti kevilo momu izuichoive kevilo.

ZAKINIU 31:6

Amlo kuloghi shilo eno amlo kumto shilo. Panoqo musa kevilo. Nongu Lhou, AMPEU ampino nongu gholo anani. Paye nongu phevemo momu qhivemo nanike.”

ZAKINIU 31:8

AMPEU ampino osaphe nani eno ogholo anani. Paye ophevemo momu oqhivemo nani tighenguno amlo hauve kevilo momu musa kevilo.”

ZAKINIU 7:1

“Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

ZAKINIU 7:18

Panoqo musa kevilo; AMPEU nongu Lhou no Ijip lo Akukau ngo pawu timiqo lau kiu shikeno tipau kumsululo.

ZAKINIU 7:21

Tighenguno timi hipaqo musa kevilo; AMPEU nongu Lhou no nongu gholo anike, paye Alhou kijeke eno pa sumsa kepu ke.

ZAKINIU 9:3

Ikemu itehiye no likhi nongu ampino ithulu nanike AMPEU nongu Lhou no ami kuyiqu he chighi akeu lakhi toi nongu zuu wunanike. Nonguno azuu haighi kemtsa pano panoqo leluve nani, tishianguno pano tushoqhive ke toi nonguno panoqo halepheve nani eno payi kutsaleve nani.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

JOSHUA 11:9

AMPEU no ahza tsuketoi Joshua no shi: Pano khurshiqo pukhu michevetsu eno khurkulu pitive tsu.

XAKUTHAMI 6:12

AMPEU wu kungumi huno pa lau ipeghino pi, “AMPEU no ogholo ani, amlo kuloghiu eno akughushuu timio!”

XAKUTHAMI 6:16

AMPEU no khochile, “Nono tolu nani, kughengu ino okuphu tsu nani. Timi lakhi heqhi lu akeshi mlalei keu lono nono Midiyami mukhumuno shive tsu nani.”

SAMUEL ATUGHIU 17:32

David no Saul vilo pi, “Akijeu, khuunomu Filistiyami hupau msa akepu kuhae! Ino wuno pa sasu kichighini.”