ZAKINIU 2:7 - BAIBEL (BSI)

⁷ “AMPEU nongu Lhou no nonguno mlakeu thwokhalo kishi nongu kumghatsu keno kumsuchilelulo. Nonguno asayeqha hipapahi vechesu itsusu wuchekelo pano nongu tucho hijuke. Paye hi ampe lhobidi nongu gholo aighiveake eno nonguye nonguno avehupu shikeu kumtsu ithuluke.

Sumi Naga CL (Re-edited) Bible (BSI)

⁷ Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

ZAKINIU 2:7 ပူးပေါင်းရင်းမြစ်များ

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 24:35

AMPEU no impeu shishe kumghatsuno paye kinimi shi anie. AMPEU no bheri, ane, amshi, tsandiyi, shuna, aqepumi aqelimi eno kemel ngo gadaha ishi pesu pa tsue.

BOTHUBO 26:12

Isak no tipau yeghilo apiti qusu keu mpelo ghuthu aqhe kighishe shi alau ithulu eno AMPEU no pa kumghatsue.

BOTHUBO 30:27

Laban no pa vilo pi, “Nono pulokepu shi aghiaye kitila khe aghilo. Ino saqhisali shijuke oghenguno AMPEU no ikumghatsu anie.

BOTHUBO 39:3

AMPEU no Josef gholo akeu pa mipeu no ithulue eno pano mlakeu kumtsulo AMPEU no pa pelo heshekulu shilupe.

BOTHUBO 39:5

Josef pelo pa kilo eno pano kiu pighi akeno tipaqo kumtsu shou jukutsuu shipeke thiu ye AMPEU no Josef ghenguno Ijipmi kibo hu kumghatsue. AMPEU no pakilo pighiakeu eno pa lulo akeu kumtsu kumghatsue.

NEHEMIA 9:21

Asayeqhalo ampe lhobidi dolo panonguno avehupu shikeu kumtsu nono tsucheke; panongu phiminiye khilemu aqa shivemoe, eno panongu pukhuqoye suke launo ingughui keu shimoe.

JOB 23:10

Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.

LESHELE 1:6

Kughengu AMPEU no amikuchomi laghi ithi acheni, ikemu kixikilami laghiye puhave nani.

LESHELE 107:4

Khamiye asayeqha pulakeu la kuha keulo itsuche eno aphughilo ngo nikeu alaghi phumlave.

LESHELE 31:7

Owu iqemokeu kikimiye ghenguno ino amlo kiqishi alovi acheni. Ino akijiksa shi akeu nono ithuluvae, ino shiluksa shiakeu nono ithi ani.

LESHELE 90:17

AMPEU niLhou, okukumgha nigholo apelo; nino mlaithakeu kumtsulo tokulupu nitsulo!

IPEKULU 16:35

Israilmiye tipathiu Kanan yeghi wo tomoke kutolo ampe lhobidi Mana chuche. Athiuye panonguno tipa alo wo ngoluveke.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

HOSIYA 13:5

Asayeqha qhaikeu yeghilo ino nongu tuchohijuke.

AMUS 2:10

Ino Ijip lono nongu saipeghi, asayeqha lo ampe lhobidi nongu la piye eno now shipeniaye Amarimi yeghi pesu nongu tsuke.

AKIKIHI 1:1

Israilmino Ijip qhive kethiu ampe akiniulo aqhi akiniu atsala atughunilo Sinai asaitsumoke tolo Ampeu no ngochekeu Phiki lono Muse putsa. Pano pi,

AKIKIHI 14:33

Nongu tianuliye asayeqha lo ampe lhobidi iqhoiqi chenani, tiye nongu mikuchokumo ghenguno ime chenani, nongu gholo ashekhau kithi kutolo tishi chenani.

AKIKIHI 14:34

Nonguye nongu xine jume ampe lhobidi ime nani, nonguno ayeghi xujuwu kelo tsala lhobidi luvekeu hu atsala lakhikhino ampe lakhikhi qhemi shive peni. Nonguno ipelo nongu shou akumou shipeniye shikeu kiqiye kiukeno nonguno ithi nani!

AKIKIHI 22:12

Alhou no Balam vilo pi, “Timi hipaqo gholo wukevilo kughengu panonguye iwu kukumgha puanike.”

AKIKIHI 32:13

AMPEU ye timiqo shou agha ideve no panoqo pelo asayeqhalo ampe lhobidi iqho iqi auvepe tiye pa lopu shimokemi tiqheli kuchopu thikhave moke kutolo tishike.

Luke 22:35

Tishieno Jisu no panongu vilo pi, “Puzuu ino puwu kelo pisabo, jolabo eno apukhu kuqho ishi pumo kemu nonguye kumu kuhakeu shimoke kumo kya?” “Lakhimu tomovekeu shimoe” ipi panonguno khochile.

John 10:27

Iwu bheriqoye isutsa chilu chenie ino panoqo ithi ani eno panonguno ipape cheni.

ZAKINIU 1:19

“AMPEU ni Lhou no ahza kiu nitsu keno ninguno tipau shike. Ninguno Sinai Toghi qhiveno aghaghi eno kumsa kimshipu sayeqha katha susu Amarimi naghuto la kudau wuke. Ninguno Kades Barnea tokelo,

ZAKINIU 1:46

“Tishive kehu, Kades lo ado kushuwa ngove kethiu,”

ZAKINIU 2:14

Hiye ninguno Kades Barnea qhivekeu ampe shighi tache shiakeloke. Tipau tiqhelimi aghukishimi AMPEU no panonguye tishive nani pikeu toi kumtsu thikhave.

ZAKINIU 2:6

Nonguye panoqo launo achuqupu ngo azu qhulu nanike.’

ZAKINIU 29:4

Ikemu ishi tsala kutolo AMPEU no nongu pelo kiu puju-shijuve akeno tipau vethamlano aphi peke.

ZAKINIU 29:5

Ampe lhobidi kutolo AMPEU no asayeqha vechesu nongu sasu wuke eno nongu phimini ngo apukhu kuqhoye khilemu aqa shive mphike.