ZAKINIU 2:30 - BAIBEL (BSI)

³⁰ “Ikemu Akukau Sihon ye ningu pelo pa ghakhu kathasu wupemoke. AMPEU nongu Lhou no pa pelo kuthovivepe eno hebidevepe ikehu ninguno pa leluve eno pa ghakhu lukepu shiveke, tipauye itehi kutolo ninguno qhasupe anike.

Sumi Naga CL (Re-edited) Bible (BSI)

³⁰ Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

ZAKINIU 2:30 ပူးပေါင်းရင်းမြစ်များ

KUKAMI ATUGHIU 12:15

Ikehu akukauno timiqo tsa initsumove, tishikeu lono AMPEU no Nebat nu Jeroboam vilo tungkupu Ahija Shilomi vechewo pipuakeu tsa shikupuve.

YEKIKITHI AKINIU 10:15

Hiye AMPEU Alhou pulou ke, pano Shilo lo Ahija tungkupu vechewo Nebat nu Jeroboam vilo pipuakeu shikupuni yeke. Tighenguno akukauye timiqo shou kiumu kumsu kutoju moe.

IPEKULU 11:10

Muse ngo Aron pamano akukau zulo akumzapu michi hipaqo kumtsu shike, ikemu AMPEU no pamlo hekike vetsuke eno pano Israilmi pelo pano ghakhu lono chevepemoke.

IPEKULU 4:21

Itaghi AMPEU no Muse vilo pi, “Noye Ijip lo ide iqi cheake ghenguno kuchouno noye akukau gizulo akumzapu michi kumtsu shimasa ke, khipaqo ino opelo shilu penike akuka otsuvea keno shimasa ke. Ikemu ino akukau pelo kuthovi auve pe nani eno paye timiqo pelo wupemo nani.

IPEKULU 7:14

Tithiu AMPEU no Muse vilo pi, “Akukauye kuthovi ani eno timiqo puwu moke.

ISAIAH 48:4

Nonguye shio shighai nani kepi ino ithi ake, ayi toi tsatsayi eno alazayi kumka toike.

AKUMLO 3:65

Panoqo musuinivelo eno panongu pelo amlo hauve pelo!

AKIKIHI 21:23

Ikemu Sihon no Israilmi pelo pa ghakhuqha kathasu wunikeu lakhave. Pano paw ghushimi hekutsu no asayeqhalo Jahaz ipikeulo wuveno Israilmi leke.

AKIKIHI 21:33

Tithiu Israilmiye tsughu susu Bashan lo wukeu laghilo wuve, ikelo Bashan lo akukau Og no pawu ghushimi sasu ighi puzu Edrei lono panoqo lenikeu shi.

AKIKIHI 21:34

Tileno AMPEU no Muse vilo pi, “Pa jupe msa ichi kevilo. Ino pa shou ngo pawu timiqo kumtsu eno pa yeghi shou opelo toluvepe nani. Nono Amarimi kukau Sihon, Heshbon lo ayehkipeu shou kiu shikeno tipaphi shi pa shou ghi shitsulo.”

ZAKINIU 2:31

“Tile AMPEU no ivilo pike, ‘Julo, ino Akukau Sihon eno pa yeghi pelo nongu zulo avesave peke; pa yeghi lulo eno ngoluvelo,’

XAKUTHAMI 11:20

Ikemu Sihon no Israilmi pelo tishi penikeu zah tsumove. Ipuzu pawu ghushimi kumtsu sawo Jahaz lo aghazu shino Israilmi lethuve.