ZAKINIU 18:18 - BAIBEL (BSI)

¹⁸ Ino panoqo lau otoikeu tungkupu lakhi notimi gholono ipeghipe nani; kiu pikepu keno ino pa vilo pinani eno pano timiqo vilo ino ahza tsukeu thwokha pitsu nani.

Sumi Naga CL (Re-edited) Bible (BSI)

¹⁸ I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

ZAKINIU 18:18 ပူးပေါင်းရင်းမြစ်များ

LESHELE 110:4

AMPEU no tsaquikeu shoqhi shivae eno tipau ikhichileluvemo nani. “Noye Melkhizedek chine ghola lono alhokupujulo achineu lakhi shiniake.”

LESHELE 2:6

Pano pi, “Ino iwu akimthe toghi Zion shou ikukau qhipe puani.”

IPEKULU 4:12

Tighenguno mta wulo! Ino opelo pilupenike kuphu nani eno kiu pikepu keno ino ovilo pinanike.”

IPEKULU 4:15

Noye pa putsalu nani eno kiu pikepukela pavilo pilo. Okujo pelo pipe nike ino okujo kuphu nani eno kiu shikepu keno ino okujo vilo pinanike.

ISAIAH 50:4

AMPEU Alhou no kiu pikepu keno ishikapiyevae, ikehu ino kulho kughomi shikumtolu nani. Inaqhe atsu-tsu pano kiu ishika piyeni keno azukini shi iniche nipe.

ISAIAH 51:16

Ino kungugha sukhope qhike eno ayeghi boqha qhape qhike; Ino Jerusalem vilo pike, ‘Noye iwu timike! ino ikukutsu tsa otsu puani, eno i-u pesu osusho cheni.’ ”

ISAIAH 51:4

“Iwu timiqo, itsa inilo, ino kiu piani keno inilo: Ikukutsu pesu ashiayehqo lau ino tsuke iyezahno akuvu panoqo lau sughi nani.

JEREMIYA 1:9

Tishieno AMPEU no pau chhopuwo puzu imtsu ditsuno ivilo ishi pi, “Julo, nono pimayesakeu tsa pesu ino otsu anike.

HOSIYA 12:14

Israilmino AMPEU mlo shishe shikighideve tsue; panoqo kumla lhoksa ghenguno panonguye thive kuzupuke. Panonguno AMPEU shikukujo keu sughike ghenguno paye panoqo ghimeqhi nani.

AMUS 2:11

Ino nonuli khami pelo tungkupmi shipe nike kishelu eno now lhothemi khami pelo Nazariomi shi kisheluke. O Israil lo akemiqo! Tiye kuchou kumo kesha?

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

AKIKIHI 12:13

Tighenguno Muse no AMPEU vilo asheshu pi, “O Alhou, li shipivive tsulo” ipi.

AKIKIHI 23:16

AMPEU no Balam sasu kusho puzu kiu pikepu keno pitsu eno Balak lau pa sutsa tsupe nike pa hapuwo.

AKIKIHI 23:5

AMPEU no kiu pikepu keno Balam vilo pive eno asutsa pesu Balak tsupeniye pa kighide puwove.

Luke 24:19

“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie.

John 1:21

“Tishiaye noye khuu kya? Noye Elija kesha?” ipi panonguno pa iniju. Pano pi. “Niye tikumoe.” “Noye tungkupu hu kesha?” ipi panonguno iniju. “Moe” ipi pano khochile.

John 1:25

Panonguno Johan vilopi, “Noye Khristo mu kumo, Elija mu kumo, momu tungkupu mu kumo aye noye kushiye baptiz shitsu cheni kya?”

John 1:45

Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

John 12:48

Timi khunono ni ikhilumo nikeno kughakuthau lakhi anie. Ino pivekeu tsano ashekha tsalalo pa shou kughakuthau shive nani.

John 15:15

Hinguno hilauye niye nongu pesu aqemi ipimae kughengu aqemi lakhiye pa mipeuno kiu shicheni kela mthae. Ikemu niye nongu vilo shompami kepi kuni kughengu iPuh lau ino chilukeu tsa kumtsu nongu vilo pivae.

John 17:18

Nono ayeghiqhalo ipuwu kehu toi nighi ayeghiqhalo panoqo puwuvae.

John 17:8

Kughengu nono atsa khipaqo itsu keno ino panoqo tsuvae, eno panonguye tipaqo ikhiluvae; kuchouno niye olauno ighi kepi panonguno ithi ani eno nono ipuwu kepi panonguno pululuvae.

John 4:25

Totimi huno Jisu vilopi, “Mesiya khuu Khristo ipi cheni keno tipau ighi nani kepi ino ithi ani. Kughou tipauno ighini keno pano thwokha nivilo lhe nanike.”

John 8:28

Ikehu Jisu no pi, “Kughou nonguno ni Timi Nu ikhiqheni keno nonguno ‘Niye nike’ ipikeu ithi nani; eno niye kiumu ikutoshino shichemo puzu Apuh no kiu ishika keno tipau likhi pichekeu nonguno ithi nani.

Apostolmi 3:22

Kughengu Muse no pivae, “Ampeu nongu Lhou no nongu lau tungkupu lakhi nongu thikuzumi gholono itoike ipeghipe nani. Pano kiu pinikeno nonguno pa tsa inimasae.

Apostolmi 7:37

Israilmi vilo ishi pikeu hu Muse noke, ‘Alhou no nongu ghenguno tungkupu lakhi pano isaputhu kehutoi nongu gholo ipeghipe nani.’

ZAKINIU 18:15

Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

ZAKINIU 33:5

AMPEU no pawu timi Israil shou akukau shiluve tiye pano lagha eno sakiphemi kutsuno kumqoluve.

ZAKINIU 34:10

Israil lo Muse toi keu tungkupmi khilemu kuha aphike; AMPEU no agi kinheqheno pa sasu kuptsake.

ZAKINIU 5:5

Ino tipa ghulokilo nongu eno AMPEU dolo puthughono pano kiu pikeno nongu vilo pike kughengu nonguye ami musaveke eno naghutolo ikumoveke. “AMPEU no pike,

1 Tim. 2:5

Kughengu Alhou ye lakhike eno Alhou ngo timi dolo alashikutsuuye lakhi, tiye timi Khristo Jisu ke.

IBRIMI 7:22

Kutuqukeu hipauno Jisu pelo akiviu puloshoqhi pepimhekutsuu shiveapeke.