ZAKINIU 18:1 - BAIBEL (BSI)

¹ “Levi laghami achinemiye Israil lo ayeghi saje kiumu ithulu kepu kumoke eno panonguye kutamino AMPEU lau akumllagho ngo aghakishi tsukeu shouno xulu masake.

Sumi Naga CL (Re-edited) Bible (BSI)

¹ “Levimi achinemi eno Levi laghami thaqhü ye ayeghi saje lumo nani momu Israel lo amheghi kühae. Panongu ye Ampeu lau achuqupu kümllagho tsükeu no pano mheghi shi nani.

ZAKINIU 18:1 ပူးပေါင်းရင်းမြစ်များ

JEREMIYA 33:18

eno Levi laghamino pulhapujulo achinemi shipuzu iqe nani eno akipti kumllagho, athi kumllagho eno aghashipe imllachepe nani.”

EZEKEL 44:28

“Achinemiqoye panongu saje achine kumlapu anike, tiye ino Israil tsukeu eno tiqheli lakhi lono tiqheli lakhi lau pekishe pesu ighipeniyeke. Panonguye Israil lo aki-alu pighimoni; panonguye ilikhi avehupushi anike.

AKIKIHI 18:20

AMPEU no Aron vilo pi, “Noye amheghi ighilu kepu aki alu kiumu ithulumo nani eno Israilmi yeghi khipa leqhi mu osala shimo nani. Omheghiye ni, AMPEU anike.”

AKIKIHI 26:62

Levi lagha lo kiptimi khunoqo no aqhi lakhi nguno kunguu shi akeno tipaqo kihi kutsukelo 23,000 aghi. Panonguye Israilmi gholo aki alu kiumu tsumoke ghenguno Israilmi kutamiqo gholo kihi kuqhamono panongu kutashi kihipe qhike.

ZAKINIU 10:9

Hipau ghenguno Levi laghaye kutami laghano ithuluke toi ayeghi ithulumoe; AMPEU nongu Lhou no tushoqhive ke toi, panonguye AMPEU chinemi shilu kepu dokivi ithulukeu shike.)

ZAKINIU 12:19

Mutsuqhei hi ithilo, nonguno noyeghilo xuake tivilo Levi laghami kughucho kevilo.

JOSHUA 13:14

Levi lagha qoye Muse no ayeghi tsumove, tiye AMPEU no Muse Israil Lhou mllakeu saje lakhiye panonguw shive.

JOSHUA 13:33

Ikemu Muse no Levi laghaqo ye ayeghi tsumo. Pano panongu vilo pikeuye panongu ye Israil Lhou AMPEU lau agho tsukeulo saje lakhiye panongu wuke pive.

JOSHUA 18:7

Tishimu Levi laghaye nongu kutami gholo saje lakhimu ithulumo nani. Kughengu panongu sajeye AMPEU chinemi shighi qenani. Eno Gad shiyeh, Ruben eno kipelau Manase shiyehqoye Jordan kipelau pano yeghi ithuluvae, tipau huye AMPEU qeu Muse no panongu tsuveke.”