ZAKINIU 16:3 - BAIBEL (BSI)

³ Nonguno tipau ghulhu chukelo kholaqhi sukeu sho chukevilo. Atsala tsuni dolo nonguye kholaqhi sumono asho shikeu chulo nonguno zuleno Ijip qhive kelo toi shilo. Asho tipau chulo, tiye aghichhe ghime sho ipi kunanike, tishianguno nonguno xu ake thaqhulo nonguno Ijip lono ipeghive keu tsala kumsulu nanike, tiye aghichhe ghime-a lakhike.

Sumi Naga CL (Re-edited) Bible (BSI)

³ Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 16:3 ပူးပေါင်းရင်းမြစ်များ

KUKAMI ATUGHIU 22:27

Pama vilo pa kughapesu akughukilo khatha puaghilo pilo eno asho ngo azu likhi pesu ino akivishi ideghimoke kutolo tsu aghipelo.”

LESHELE 102:9

Niye asho chu akeshi ayevu chuani, eno inhezuno ino yeakeu zu kite ghi sho ani.

LESHELE 111:4

AMPEU ye ningu pelo pano akumzapu kumla shikeu kumsumavepe chemoe; paye kimiyekini eno kupukinike.

LESHELE 127:2

Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

IPEKULU 12:11

Nonguye hipa ghola lono chuni: nongu chita khapuluveni, apukhukuqho puluveni, nokusu aulo peni eno nonguye tipau mighi mghai chuni. Hiye AMPEU gihukeu Hechekulu Ghulhuke.

IPEKULU 12:17

Hipau pinye pinyi chelo kughengu hipa tsala lono ino noshiayehqo Ijip lono sa ipeghike. Ighinikeu tsala kumtsulo ghi nonguye hipau tsala pinye pinyikeu ikhilu masake.

IPEKULU 12:39

Panonguno kholaqhi sumokeu sho Ijip lono asho kukunu supeghikeu pesu shie, kughengu pai khavino Ijip lono panoqo hapuwuve kehu panonguye achuqu kuto kepu do kuhaveke momu kholaqhi sho kukunu kuto mlaveke.

IPEKULU 12:8

Tipajino ashiye ghuveno khumtsayi keu tsuni gholono eno kholaqhi sumokeu sho gholono chulo.

IPEKULU 34:18

“Kholaqhi sumokeu ghulhu pinyi chekeu pechelo. Ino ahza nongu tsuvekeu toi, Abib qhilo atsala tsuni ghenguno kholaqhi sumokeu sho chulo kughengu tipau qhi lono nonguno Ijip lono ipeghike.

ISAIAH 52:12

Ishiuloye nonguye mighimghai chevekepu shimo nanike; nonguye pove niaye pukaputsakeu shimo nanike. AMPEU nongu Lhou no nongu sakipheu shinani eno hula hila kumtsu nongu shopesu wu nanike.

ACHINE 23:6

Atsala chighi apunguulo Kholaqhi sumokeu sho peithakeu Tiqhetini huthu cheni, eno atsala tsuni kutolo nonguye kholaqhi sukeu sho kiumu chukevilo.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

AKIKIHI 28:17

Chighi apunguni no tiqhetini chine huthu no atsala tsuni kutolo shilo, tipa ghulokilo kholaqhi sumokeu sho likhi chulo.

AKIKIHI 9:11

nonguye pinyi lupenike tipa ghulokilo zuqhu aqhi lakhi thiuno pinyi penike ahza tsu ani, tiye aqhi akiniulo atsala chighi abidini kijiliuno huthuwo kepushilo. Kholaqhi sumokeu sho ngo ayetsuni khumtsai ke chuno ti pinyilo.

Luke 22:19

Tishieno, pano asho ikhiluno shikimthi Alhou tsu puzu hi suphope panongu tsuno pi, “Hiye iphimpike khikhi nongu ghenguno tsuvekeno.Ikumsuchilelunike hi shilo.”

1 Kor. 5:8

Tighenguno ninguye kholaqhi aqau, ti axine eno mithemokeu pesu hipau ghulhu shimoni, ikemu kholaqhi kuhakeu sho, ti mutsumishei eno kuchou pesu hipau ghulhu shinie!

ZAKINIU 16:2

Akumlla-a lakhi lo wulo eno tilauno nomishi na bheri pinamu lakhi ghiqhilo, tiye Hechekulu Ghulhu ghenguno AMPEU nongu Lhou gihu keu shilo.

ZAKINIU 4:9

Nonguno jukutokugholulo! No likhi no nhethino kiu ithuluve akeno nonguno xuake tivilo kumsumamonike mutsumishei shilo. No tianuli eno notilimi vilo

1 Thes. 1:6

Ampeu no xupiyekeu eno nino xupiyekeu toi nonguno xuke; eno nonguye akijiksa shishe sholukemu Aghungu Kimthe launo ighikeu tsape alokivishi ikhiluke.

JOSHUA 4:7

nonguno panongu vilo nongu ye AMPEU wu Puloshoqhi Bohu pe aghoki katha kelo Jordan no qowumo veke pilo. Atu hipaqono hile kiu shivekeno alhokuthu Israilmi lau amichipu shi ache nani.”