ZAKINIU 16:18 - BAIBEL (BSI)

¹⁸ “AMPEU Alhou no nongu tsukeu taun kumtsulo kughakuthami ngo kijemi sukusu shipe qhilo. Timi tipaqoye agi jumono timiqo shou kughatha tsulo.

Sumi Naga CL (Re-edited) Bible (BSI)

¹⁸ “Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

ZAKINIU 16:18 ပူးပေါင်းရင်းမြစ်များ

YEKIKITHI ATUGHIU 23:4

Akukauno timi 24,000 pelono Achinekilo akumlami shipenikeu shi, 6,000 no mlakeu yekithi eno akupuna xathatsu penikeu shi,

YEKIKITHI ATUGHIU 26:29

Izhar kughuko gholo, Khenania ngo pa nuliqo pelo ayehpekeu kumlapu shipe: yekithipe qhinikeu eno Israilmi gholo kutsala keulo xatha tsunikeu shie.

EZRA 7:25

‘No, Ezra, oLhou no alokutsu otsukeu peitha puzu Eufrati kulola ghakhulo akemi noLhou yezah qhoqhughi xuche kemi shou ayeh pepenike ghenguno Ayehkipemi eno xakuthami sukusu shilo. Noye khunono Ayezah mthakeno tipaqo shikalo.

IPEKULU 18:21

Ikemu tinguno alauno, pilu shilukemi khami kishelu puzu timiqo sakiphemi shipenike susu kepue: 1000 sakiphemi, 100 sakiphemi, lhopungu sakiphemi eno chighi sakiphemi ishi. Panonguye Alhou sukumsami, pukhubekulumi eno tuqhouno kulugho chumo kemi shimasake.

IPEKULU 21:22

“Timi khami kichighi ake lono anga mishipu akeu ghuzaveno alalo hauveni ikemu kutau kiulomu shipusakeu shimo aye, li ghuzavekeu timi shou li kimino kiu khunikeno kughakuthamino xathatsu keu kiqi lono loveni.

IPEKULU 21:6

pa mpiuno aqeu tipau sasu Alhou kilo wulo eno papelo ahukikha momu ahukikha kucho mungu pe puthugho peno pa mipiu pelo ayi pesu pa kini vuphetsulo; tithiu paye akuxu kupujulo pa mpiu qeu shive nani.

AHOLE 31:23

Likimiye timi kumtsuno ithi akemi, acheaxulo sakiphemi lakhie.

MATTHEW 5:21

“Khaghiye timiqo vilo ishi pikeu nonguno chiluve aghi nani, ‘Nonguye timi ghiqhi kevilo, khunono timi ghiqhini keno kughakuthau zulo sawu nani.’

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

ZAKINIU 16:17

tiye pano shilukeu qhemi, AMPEU no kukumgha pa tsu keu qhemi lono shilo.

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 17:12

Timi khunono kughakuthau momu achineu shi aghikeu ighumono hebideni keno pa pithivelo; hipa ghola lono nonguno alhoksa hipau Israil lono ikhivelo.

ZAKINIU 17:9

eno nowu kughakepu tsa pesu Levi laghami achineu eno tipa ghulokilo khuno kughakuthau shi hiyam peitha aghini keno tipaqo vilo pilo eno panoqo pelo xathatsu pelo.

ZAKINIU 21:2

Tishi keulo nowu sakiphemi ngo kughakuthamino wupuzu akumo khile aghi keno tipa-a kupunulo taun akeqo dolo ado khitohi keno mighijulo.

ZAKINIU 25:1

“Israilmi mikini atsa kughanike kughakilo wukelo milakhiye pimimo eno lakhiuno kuquvekeu pitsu kelo,

SAMUEL ATUGHIU 8:1

Kughou Samuel no kitemi shiwuve keno, pano pa nuli pesu Israil lo xakuthau shivetsu.