ZAKINIU 14:22 - BAIBEL (BSI)

²² “Ampe lakhilo nolu lono ipeghikeu jeli kumtsu chighi sajelo lakhi kutashi pesu qhilo.

Sumi Naga CL (Re-edited) Bible (BSI)

²² “Ampe atsütsü nongu lulo pekighi kümtsü chighi saje tsüni.

ZAKINIU 14:22 ပူးပေါင်းရင်းမြစ်များ

BOTHUBO 28:22

Atu hipau ino Alhou lau atushope qhikeu pesu Alhou ki shinie. Nono kiu itsuni keno tipau lono kuchouno ino chighi sajelo lakhi otsunie.”

BOTHUBO 47:24

Ghile hukelo nonguye saje pungulo lakhi Farao tsumasae. Saje pungulo bidino alulo apiti shikepushi no kibolo akeqo eno nonuliqo chuqupu ishi ghengu lono qhilo.”

BOTHUBO 47:26

Josef no hipau vehu pesu Ijip yeghilo ayezah shipe qhie. Tipau yezah ishi kutolo pepimhe aphie, ike tiye ghile hukelo saje pungulo lakhiye Farao wu shinikeu shie. Achinemiqo yeghi likhino Farao wu shimoe.

NEHEMIA 10:37

Ninguno ampe ampelo ghile hupughi keu athi atughiu lono asho kunu keu pesu Achinekilo achineu lau pewuni eno niwu kutau kumllagho, aji, oliv eno axathi jeli kumtsu ghi pewuni. Ningu alu chichekemi phulono chighi saje qhalu chekemi Levimi lau nilu lono tuxatini ipeghi keu chighi saje pesu panoqo lau wuni.

NEHEMIA 10:38

Kughou chighi saje qhani keno Aron kughukomi achinemino Levimi gholo ngoni eno Achineki lo peitha nike ghenguno panonguno qhalu keu lono saje chighilo lakhi pesu achinekilo anhemghabolo pewuni.

MALAKI 3:10

Chighi sajelo lakhi akuchopu Achinekilo sughilo tishianguno tilehi achuqupu lukumkhashi apenike. Ipe julo eno nonguno ithulu nanike ino kungugha lashe khaqhi puzu thime kivi jeli kumtsu nibonilei nongu shou lepukutsu nani.

AKIKIHI 15:20

Nonguno asho shikelo, athi kithe lono asho shukeqo shopa atughiu ye pakuta shi tsukeu shi AMPEU lau qhitsulo. Hipauye nonguno athi anileshi helukeu lono pakuta shi tsukeu paphi lono pesu tsumo ayesake.

AKIKIHI 18:21

AMPEU no pike, “Israilmino chighilo saje lakhi kiu kiumu itsukeu pesu ino Levi laghami tsu ani. Hiye ino ngochekeu Phiki jukuto keu kumla shikeu jumeke.

AKIKIHI 18:31

No eno okibolomino khile khilemu ti qhilukeu chulu nani kughengu tiye nonguno Aphikilo akumla shikeu jume tsu anike.

ZAKINIU 12:17

AMPEU mllakeuye kiu kiu shi aghi namu: chighi sajelo tsukeu thi, atsayi-ji, oliv teli momu nomishi ngo bheri piti tughiu jeli, nonguno AMPEU lau agho tsuni keushi tushoqhive keu, nonguno puloniqhiyi tsukeu kumllagho momu akumllagho kiukiu shi aghi namu nonguno khile xu acheni keno tipa aloye heqhi chu kevilo.

ZAKINIU 12:6

Tilehi nonguno aghashikeu piti pesu mllalo eno nongu wu kutau aghashikeu gho nowu chighi saje akumllagho, nonguno AMPEU lau tushoqhive keu gho, nowu puloniqhiyi keu gho eno nowu amshi ngo bheri piti tughiuqo pesu mllalo.