ZAKINIU 14:2 - BAIBEL (BSI)

² Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

Sumi Naga CL (Re-edited) Bible (BSI)

² Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 14:2 ပူးပေါင်းရင်းမြစ်များ

EZRA 9:2

Kughengu Judamino timi tipaqo nga sasu kulakupu shiveno Alhou wu akimthemi qoye shipunhaveke, tile ayehpemi eno sakiphemi no akhotoshi pimive.

ISAIAH 41:9

Ino ayeghi shekha kudauno osaghike; tipau cheku kudauno ino okuluke eno ovilo pike, “Noye iqeuke.” Niye omilivemoke ikemu okisheluke.

ISAIAH 6:13

Timi chighi gholo milakhi likhi ayeghilo achili shiaghive kepu shiepinamu tipaqo ghi kutsapiniyive nani; tiye aphisu yeqhiveno asuzungu likhivekeu toive nani.” (Alhou wu timiqoye tipau suzunguke.)

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

EZEKEL 21:2

“Thinikuau timio, ogi Jerusalem kudau kughopuwono kutughulo. Timino khipa-a lono mlla cheni keno tipau shou kutughulo. Israil yeghi vilo ni,

DANIEL 12:7

Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

DANIEL 8:24

Paye ighono akumto anani ikemu pa kumto tipauye pa kukano kumo. Puhavekepu shikupsa pano huthuphe tsu nani eno pano kiu shikeno thwokhalo tokulu shi nani. Akuka kughushu timiqo eno Alhou wu timiqo shou puhavekepu shikupsa sughi tsu nani.

ACHINE 11:45

Niye nongu sasu Ijip lono saipeghi keu AMPEU ke tishianguno ino nongu Lhou shiniyeke. Nonguye akimthe shimasake kughengu niye akimtheke.

ACHINE 19:2

Israilmi aqo aho vilo pipenike pi, “Akimthe shilo kughengu ni, nongu Lhou AMPEU ye akimthe.

ACHINE 20:24

Ikemu ino nongu mheghi shipenike kinikulu eno aghuma yeghi hipau nongu lau tushoqhivae eno ino tipau nongu tsuni cheni. Niye nongu Lhou AMPEU ke, eno ino ashiayeh kutami launo nongu kutashi qhipuani ke.

ACHINE 20:26

Nonguye akimthe shilo eno iwu likhi shilo kughengu niye AMPEU ke eno niye akimtheke. Ino ashiayeh kutamiqo launo nongu kutashi qhi puanike tishianguno nonguye iwu likhi shiche peniyeke.

Rommi 12:1

Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

ZAKINIU 14:21

“Kiu kiu lhoxu namu pakithi thivekeu chukevilo. Inaghami nongu gholo xuache kemi pelo chupelo momu nonguno inaghami kutami vilo jeluve nani. Ikemu nonguye AMPEU Alhou wu timike; nonguye pawu timiqoke. “Bheriti momu aneti shi pesu tipau aza kichhizu lono lhokevilo.

ZAKINIU 28:9

“Nonguno AMPEU Alhou gholu aye eno pano ahza tsukeu thwokha shi aye, nongu pesu pawu timiqo shi nani, tiye pano tushoqhive ke toi shi nani.

ZAKINIU 33:3

AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

ZAKINIU 4:20

Ikemu nonguye pano Ijipmi miphoki lono ishi tsalalo nonguno pawu shi aketoi nonguye pawu timiqo shipenike pano saipeghike.

ZAKINIU 7:6

Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

ZAKINIU 7:7

“AMPEU no nongu kimiye eno nongu kishelu keuye nonguno kutami nguno kutomo keghenguno kumoe; nonguye ayeghilo ashiayeh aghulou ke.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.