ZAKINIU 13:6 - BAIBEL (BSI)

⁶ “Othikuzuu, onu, onga momu nono kimiye chekeu nipu momu oshou kuchou namu tuqhouno ovilo kutau lhou mllanike ohakite aghiluvike, nongu eno nopuasuqono khilemu mlla chemo keu lhou mlla peniye shi aghiluvike.

Sumi Naga CL (Re-edited) Bible (BSI)

⁶ “Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

ZAKINIU 13:6 ပူးပေါင်းရင်းမြစ်များ

BOTHUBO 16:5

Tile Sarai no Abram vilo pi, “Ikipimi oshou ikughi peni. Oshouno imukhu lupeniu, iqeliu pesu otsuke lauye lino mishiluve kemtsa ijumthi thuvae. AMPEU pelo nikujo dolo kughathatsu peniu.”

SAMUEL AKINIU 1:26

Ithiazu Jonathan, niye oghenguno imlo imeva; Noye ighenguno kiutoi akughupu kya! Noye kiutoi ilau kimiye keu akumzapu kya! Totimi kikimiye nguno akiviu ke.

KUKAMI ATUGHIU 18:40

Elija no ahza tsu, “Baal tungkupumi kughalukhavelo; panongu lakhimu phepupo kevilo!” Timiqono panongu kughalukhave, eno Elija no panongu sasu Kishon ghokilo ilono kumtsu ghiqhi khave.

KUKAMI AKINIU 11:18

Tishino timiqono Baal chinekilo ilopuzu tipau hexapiniyive tsu; akumlla khache eno asu-atu julho kumtsu kubolevetsu eno Baal chineu Matan akumlla khache zulono heqhi pithive. Jehoiada no achinekilo aghukhemi pelono ngokheluvepe,

YEKIKITHI AKINIU 15:13

Panongu gholo lhothemi na muchomi pinamu momu kiptimi na totimi namu khuuno pa mllamoni keno tipaqoye pithive nikeu shive.

YEKIKITHI AKINIU 23:17

Tithiu panongu kumtsu Baal chineki lo wu eno tipau xapinyive tsu. Panonguno tilehi akiptia ngo ajulhoqo kubolevetsu eno Baal chineu Matan ye akiptia gizu lono heqhive.

JOB 31:27

tuqhouno imlo zuluve aghipe eno i-u no ikichi kujupesu tipaqo gihu puaghi aye;

IPEKULU 13:3

Muse no timiqo vilo pi, “Hipa tsala kumsu chile lulo, nonguno Ijip qhivekeu tsala, tilau nonguye aqemi shi acheke. AMPEU no pa kuka kije pesu hipa tsala lono pano nongu saipeghiluveke. Kholaqhi sukeu sho chumoni.

IPEKULU 32:27

tileno pano panoqo vilo pi,”Ningu lakhikhi vilo Israil Lhou AMPEU no ahza tsu anike pututa zuta pepu hipau hukikha lono lakhiu kutolo aghazulo wupuzu nothikuzumiqo noshounoqo eno nokusamiqo ghiqhilo.”

AHOLE 18:24

Khami sasu shompami shikeulo kushuwa wochemo ikemu shompami khamiye athikuzumi nguno alau pukhukilelu cheni.

AHOLE 5:20

Inu, noye kushiye xupusa chekemi totimi lau okikimiye tsuni kya? Noye kushiye kutami nipuno zuizakeu pavi ani kya?

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 28:16

Tighenguno AMPEU ampino pike pano noikhiveni cheni. Hipau mipe wokha mphi lono noye thive nani kughengu timiqo pelo AMPEU shou hebide penike nono pianike.”

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

ZEKHARIA 13:3

Khuala no tsuyikhomo tungkuptsa piniepi aye, pa puaza pa lhokeu no pa vilo ishi pinani, ‘Noye xu moake, kughengu nono AMPEU jelono akimkitsa pike.’ Pano tungkuptsa piaye papu azano pa qhuqhi pithilu nani.

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.

Galatiami 2:4

Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

ZAKINIU 11:32

ishi tsalalo ino ayezah nongu tsu akeu kumtsu pelunike kutokupui shilulo.”

ZAKINIU 13:2

tiye nongu msu sasu alhou kutau puzuu nonguno mlla chemokeu lhou qe eno mllauve peniye shi aghiluvi. Pano kiu tushoqhi keno tipauye kuchouno shikupuve namu,

ZAKINIU 13:7

Panoqo gholo khamino timi nophivilo akeqo lhou momu putou xuakemiqo lhou opelo mllape nike ohakite aghiluvike.

ZAKINIU 17:12

Timi khunono kughakuthau momu achineu shi aghikeu ighumono hebideni keno pa pithivelo; hipa ghola lono nonguno alhoksa hipau Israil lono ikhivelo.

ZAKINIU 18:20

Ikemu tungkupmi khuuno ighumono ino pa vilo tishilo pimo namu pano ije lono atsape shi napi aye paye thimasake eno tihutoi tungkupmi khuuno kutau lhouqo jelono pini keno pithive masake.’

ZAKINIU 19:19

pano ngukube akeu timi huno aghime ithulu kepu shi akeu timi tipauno ithulu kepu shinani. Hitoi shipuzu nonguno alhoksa hipau ikhive kepu shilo.

ZAKINIU 21:21

Tileno taun tipaulo kuamino atu pesu pa veqhivelo eno tishi keu lono alhoksa hipau shipuhavelo.Israil lo akemi kumtsuno kiu shive keno chilu puzu musave nanike.

ZAKINIU 22:21

panonguno li sasu papu no kikhala kulaghilo wulo eno tilano aphughi tipaulo kiptimiqono atu pesu li veqhi pithivelo. Lino kulau mphilo lipuno kilo ake lono kutami sasu ashi aji kuqhave aghi puzu akukujopu lakhi niu timiqo gholo shiveke. Hitoi shi puzu nonguno alhoksa hipau ikhivelo.

ZAKINIU 24:7

“Khuu khuumu akusami Israilmi kughasawo pa qemi shipe momu aqemi shipeniye jesuve aghi kemiye pithive masake. Hitoi shipuzu alhoksa hipau shipuhaluve nanike.

ZAKINIU 28:54

Akuxu xuthivekemi kijemi kibo lono punukemi pinamu khasupe le akelo shishe avekusa shive no pa tianuli khami heqhi chunani kughengu paye achuqupu kutau kuha kehu. Eno paye atianuli tipau shi pa thikuzuu momu pano kimiyeche keu nipu momu pa tianuli kutami aghikeqo pinamu tsumono pano chuve nani.

ZAKINIU 29:18

Mutsumishei shilo ike kiptimi, totimi, abolomi momu alaghami hilehi puthugho akemi khumu AMPEU launo tsughusu wuveno ashiayeh kutami lhouqo mllauve kevilo. Tishive aye tipauno khumtsai eno tughukupu tsani lakhi thuwu ipeghikeu kuhu lakhi toive nanike.

ZAKINIU 8:14

aqhekuza shiveno AMPEU Alhou no nonguno Ijip lo aquaxemi shiache kelono xaphelukeu hu pheve nosake.

Kolosiami 2:4

Ino nongu vilo hi piani tishianguno khuu pelomu kichiletsa pikithi pesu nongu pishiqhi sawuve pemoniyeke.

JOSHUA 7:13

Ithulo, timiqo shikimthevelo eno panongu sasu ilau ighinike kutolo. Panongu vilo thoghi tsala ghenguno kutolo pilo, ni AMPEU Israilmi Lhou no hi pikepu ani: ‘Israilmi nongu vilo kutsavelo pikeu nhemghaqo anie. Nonguno tipaqo nhemgha ikhive moke tivilo nongu ghumi zulo puthugho lumo nani!’

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 20:3

Kungumi huno pa kughapesu aqohkutholo vesuve eno tipau khaveno mekhave, tishianguno ampe 1000 tovemoke kutolo pa pelo ashiayeh jeliqo pishiqhi pemoniyeke. Tipathiuno ado kitila ghenguno pa kuqhophe maye sa nani.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

XAKUTHAMI 2:13

Panongu ye AMPEU mllamove eno Baal ngo Ashtar lhouqo mllau khave.

XAKUTHAMI 20:13

Itehi Gibea lo timi khunoqono alhoksa kumla shikeno tipaqo niulo phesuve tsulo, tishi aye nino tipaqo heqhi pithiveno alhoksa kumla hipau Israil yeghi lono ikhipeveni ke.” Ikemu Benjamin lo timiqono Israilmino tishi piamu kumu atsa initsumoe.

XAKUTHAMI 5:8

Israilmino kutau lhou kithe kisheluve ikehu aghakhu lo aghukishi ipeghive. Israil lo timi 40,000 wuke dolo khuwano azuto momu angupa pewu keshea?

SAMUEL ATUGHIU 18:1

Saul ngo David pama kuptsa taluve. Tipathiu Saul nu Jonathan ye David ju ighono pa lokutu sheve eno pa likhi pa kimiye ketoi David kimiyesheve.

SAMUEL ATUGHIU 18:3

Jonathan no ighono David kimiyekutu keu lono pa sasu alhokuthu ashou shinikeu shi tushoqhive.

SAMUEL ATUGHIU 20:17

Jonathan no itaghi David pelono pano ighono David kimiyeshe keu hutoi pa ghi tipaphi shi pa kimiyelo pi tushoqhi kithepe.