ZAKINIU 13:5 - BAIBEL (BSI)

⁵ Ikemu asamo kiqi pitsu kemi momu tungkupmi khuuno nongu vilo AMPEU hebidelo pini keno pa pithivelo. AMPEU no Ijip lo nonguno tilau aqemi shi ake lono nongu xapheluke. Timi tikithipuye alhoksa ke eno AMPEU no nongu vilo xuchelo pi ahza tsukeu kuxu lono nongu sabideveni ke pukaputsa nani. Alhoksa lono nonguno cheluveni ke ghenguno paye pithive masake.

Sumi Naga CL (Re-edited) Bible (BSI)

⁵ Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 13:5 ပူးပေါင်းရင်းမြစ်များ

KUKAMI ATUGHIU 13:19

Tighenguno tungkupu Juda lono ighikeu huye amchou tungkupu sasu akilo idewono pa sasu alibe chuve.

KUKAMI ATUGHIU 18:40

Elija no ahza tsu, “Baal tungkupumi kughalukhavelo; panongu lakhimu phepupo kevilo!” Timiqono panongu kughalukhave, eno Elija no panongu sasu Kishon ghokilo ilono kumtsu ghiqhi khave.

YEKIKITHI AKINIU 34:31

Pano kukami tsukucho phivilo puthugho puzu AMPEU sasu puloshoqhi shi,tiye pa ghokulu shini keu,pa mlo eno pa ngulho kumtsu suno pa yezah ngo ahza kutsu papeni keu eno kakulo yepuake toi puloshoqhi lo kiu shimasa kepu shi ani keno tipaqo mlaithani keu shike.

JEREMIYA 14:15

Tungkupmi hupaqoye ino panoqo puwumo amu ije lono aghukishi ngo akhu-ava ye hipa yeghi jole ighimo nani kepi pikeqo shou ino kiu shini cheni keno ni, AMPEU no ovilo piani, ike aghukishi ngo akhu-ava lono ino panoqo heqhipithi nani.

JEREMIYA 29:32

Paye nongu gholo alimi alagha kuha nani. Paye ino iwu timiqo ghenguno akivi jeli mlaniye akeu ithulumono thive nani, kughengu pano panoqo pelo ihebide penikeu pitsuke. Ni, AMPEU no piqhivae.”

JEREMIYA 50:6

“Iwu timiqoye bheriqo toi akhemiqono panoqo pelo naghutolo puhapighiyive peke. Panonguno bheriqo toi naghuto lakhi lono lakhiulo itsusu wuveke eno panonguye panoqo ki khile ani keno kumsumavae.

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

ZEKHARIA 13:3

Khuala no tsuyikhomo tungkuptsa piniepi aye, pa puaza pa lhokeu no pa vilo ishi pinani, ‘Noye xu moake, kughengu nono AMPEU jelono akimkitsa pike.’ Pano tungkuptsa piaye papu azano pa qhuqhi pithilu nani.

Apostolmi 13:8

Ikemu kuduu shichekeu Elumo (Grik tsau no paje hike) pano panongu hachile; eno ahng no pululuniye akeulo pano satsughuve nike pukaputsa ala phue.

ZAKINIU 13:10

Atu pesu pa veqhi pithivelo! Ijip lo nonguno aqemi shi ache kelono nongu xaphelu keu AMPEU Alhou launo pano nongu msu sawuveniye pukaputsake.

ZAKINIU 13:15

tipau taunlo timi lhoxu eno atsu-aqu aghikeu kumtsu pithikhavelo. Tipau taun qhoi kutsalevelo.

ZAKINIU 13:9

Pa heqhi pithivelo! Nono atu pesu vetughiu shilo eno kutami ghi atu pesu pa veqhi pelo.

ZAKINIU 17:5

tileno timi tipau sasu taun lono khalau ipelo eno atu pesu pa veqhi pithivelo.

ZAKINIU 17:7

Thopimi paghino atu pesu veqhini eno tithiuno kutamiqono atu pesu timi tipau veqhilo. Hipa ghola lono alhoksa hikithipu shipuhavelo.

ZAKINIU 18:20

Ikemu tungkupmi khuuno ighumono ino pa vilo tishilo pimo namu pano ije lono atsape shi napi aye paye thimasake eno tihutoi tungkupmi khuuno kutau lhouqo jelono pini keno pithive masake.’

ZAKINIU 19:19

pano ngukube akeu timi huno aghime ithulu kepu shi akeu timi tipauno ithulu kepu shinani. Hitoi shipuzu nonguno alhoksa hipau ikhive kepu shilo.

ZAKINIU 22:21

panonguno li sasu papu no kikhala kulaghilo wulo eno tilano aphughi tipaulo kiptimiqono atu pesu li veqhi pithivelo. Lino kulau mphilo lipuno kilo ake lono kutami sasu ashi aji kuqhave aghi puzu akukujopu lakhi niu timiqo gholo shiveke. Hitoi shi puzu nonguno alhoksa hipau ikhivelo.

ZAKINIU 22:24

nonguno pama sasu taun nguno khalau saipe puzu atu pesu pama veqhivelo. Ayiliuye thimasake kughengu liye taunlo akeghi hakhotsu penike ighamuku ighamoe, li sutsa chikulupu shi akeghi. Timi huye thimasake kughengu paye timino inivekeu sazuke. Hitoi shipuzu nonguno alhoksa hipau ikhivelo.

ZAKINIU 24:7

“Khuu khuumu akusami Israilmi kughasawo pa qemi shipe momu aqemi shipeniye jesuve aghi kemiye pithive masake. Hitoi shipuzu alhoksa hipau shipuhaluve nanike.

ZAKINIU 26:14

Ino mloqa akelo niye tipau kiumu chupuamoe; ino achinepulo mithemono akelo tipau lono kiumu ikhi pesu iki lono halau ipemoke; eno tipau lono kiumu ikhi pesu kithimi ghenguno akumllagho tsupe puamoe. Niye aghokulu shike, O AMPEU; nono chighi saje ghenguno ahza tsukeu thwokha kumtsu ino shipuani ke.

ZAKINIU 4:19

Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.

ZAKINIU 6:13

AMPEU nongu Lhou sumsalo, pa likhi mllalo eno pa jelo likhino ashoqhi shilo.

ZAKINIU 7:4

Kughengu tipaqono nongu tianuliqo AMPEU launo musu sawuveno kutau lhouqo mllauve penanike. Tikithipu shive aye AMPEU ye nongu lau aloghu ideve nani eno ghuthu khavino nongu kutsave nani.

JOSHUA 23:8

Tishi nike zuqhulo nonguye puzuu toi AMPEU lau amikucho shilo.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

XAKUTHAMI 20:13

Itehi Gibea lo timi khunoqono alhoksa kumla shikeno tipaqo niulo phesuve tsulo, tishi aye nino tipaqo heqhi pithiveno alhoksa kumla hipau Israil yeghi lono ikhipeveni ke.” Ikemu Benjamin lo timiqono Israilmino tishi piamu kumu atsa initsumoe.

SAMUEL ATUGHIU 12:14

Tsalatsa nonguno nongu MPEU Alhou akishe tsu, pa huthu aye pa tsa initsu aye eno pa zahkutsuqo aghokulu shi aye, nongu eno nongu kukauno pa pape aye thwokha kumtsulo nonguye achipishi nani.