ZAKINIU 13:17 - BAIBEL (BSI)

¹⁷ Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

Sumi Naga CL (Re-edited) Bible (BSI)

¹⁷ Kütsaveni keu nhemgha kiumu lumoni, tishikeu lono Ampeu no amloide moveno nongu kimiyeqhiyive nani, eno no puasüqo lau tushoqhi ketoi nongu kughuko tsü nani,

ZAKINIU 13:17 ပူးပေါင်းရင်းမြစ်များ

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

LESHELE 85:3

Panongu lau axuide chekeu tishimove eno aloghu kighide panongu launo suchileveke.

IPEKULU 20:6

Ikemu iqhuivulayi kemi eno iyezah gholuche kemiqo shou tiqheli qhethonhe kutolo ino qhuivulayi keu piye cheni.

IPEKULU 32:12

Kushiye Ijipmi pelo nono owu timiqo Ijip lono saipe puzu naghuto lono panoqo qhoi kutsa venike akupughu shike ipi piapeni kya? Ologhu idetsu kevilo; okukumsu kilive tsulo eno owu timiqo shou kutsa kungo keu puwutsu kevilo.

AKUMLO 3:32

Pano nishou amlokusapu sughiluvi ikemu pano nikimiye chekeuye mutsuqheino mutotoi ani.

EZEKEL 37:26

Panongu pelo alhokupujulo ithapemo nike ino panoqo sasu puloshoqhi lakhi shi nani. Ino panoqo shikumto nani eno pano yeghilo ichineki alhokupujulo tilehi achepenike qhitsu nani.

HOSIYA 11:9

Niye ixu kighide lono oghimeqhive mo nani niye itaghi Israil kutsakithemoe. Kughengu niye Alhou kethono timi kumoe. Ni, Akimtheuye osasu ani. Niye axu kighide lono olau ighimo nani.

AKIKIHI 25:4

Muse vilo pi, “Israilmi sakiphemi kumtsu salulo eno ighokulu shi pucho mughu lono panoqo ghiqhivelo, tithiuno niye timiqo lau agha ide kithemo nanike.”

1 Kor. 16:22

Timi khuno Ampeu kimiyekeu kuhani keno, angusu pa shou apeni. Ningu Mipeu cheae!

ZAKINIU 13:18

tiye panonguno ishi tsalalo pano ahza tsukeu kumtsu ino nongu tsukeu nonguno papelu eno pano shilo pikeu shilu aye, tishi tsu nanike.”

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 30:5

tishianguno nongu puasuno khilehi ache keno tipau yeghi itaghi amheghi shi pighiluve nani. Pano nopuasu nguno alaushi nongu pelo kinikulu shilupe no timi kumzapu shilupe nanike.

ZAKINIU 7:13

Pano nongu kimiye eno kumghatsu nani, tishianguno nonguye timi kutomo shiluve nani eno atianuli kutomo shilu nani; pano nongu luza kumghatsu nani tishikeulo nonguye athi, atsayi-ji eno oliv teli alu nani. Pano nopuasuqo vilo ayeghi hipau nongu tsunikeu shi tushoqhive keulo kukumgha hipaqo kumtsu nongu tsu nanike.

ZAKINIU 7:26

Nongu kilo asuatu julho hipaqo lakhimu sughi kevilo tikumoaye panoqo shou musinive keu tho nongu shou auve nanike. Nonguye asuatu julho hipaqo mithi eno jupe aphimuqhu masake, kughengu panonguye AMPEU no musuinive keu qholo anike.”

JOSHUA 22:20

Zera nu Akhan no kiu toi lumo kepu nhemgha lo ahza lumovekeno Israil shiyeh kumtsu ghimevekeno kumsujulo.”

JOSHUA 6:18

Ikemu nonguno kutsavekeu nhemgha lakhimu lumo nani, nonguno luve aye nonguno aghime eno shiluksa Israilmi pusho alo sughi nosae.

JOSHUA 6:24

Tipathiu panonguno aphughilo ami suvetsu eno thime jeli kuchopu pitipe amkhu shivetsu eno shuna tsandi eno ayi jeli ye pesu AMPEU kini kukutsu alo qhive.

JOSHUA 6:26

Tipa ghulokilo Joshua no ashoqhi tsa lakhi pe timiqo lau kutughuve. “Khuno Jerikho phughi mlakithenike pukaputsani keno AMPEU no angsu pa shou apeni. Khuno aboqha tu shosuni keno panu kiptimi anoghiu puhave peni. Khuno aliwoqo mlanikeno panu anupau puhave peni.”

JOSHUA 7:1

Israilmi lau AMPEU zah kutsu shikeuno Jerikho shipsa vekeu nguno alauye kumu lumoni pikeuhu agho lumove. Timi lakhi Akhan ipikeu no tipau zah lumove, tighenguno AMPEU no Israilmi shou aloghu pukuve. (Akhan ye Karmi nu eno pasuye Zabdi eno Juda shiyeh lo Zera lagha lono ighikemi.)

JOSHUA 7:26

Panonguno atu tipa alo kumqo puakeu ishi kutolo ani. Tighenguno a-a tipau je pe Akupuna Khila ipi picheni. Tileno AMPEU ye ayisamove.

JOSHUA 8:28

Joshua no Ai phughi pitivetsuno ayeghi kumsa shivetsu. Ishikutolo a-a titoi aphi.