ZAKINIU 13:16 - BAIBEL (BSI)

¹⁶ Tilehi xuakemiqo nhemgha kumtsu pesu akumllagho lakhi AMPEU nongu Lhou mllalo. Tipau taunye alhokupujulo xalepe qhive masake eno khilemu itaghi shikithepuku kevilo.

Sumi Naga CL (Re-edited) Bible (BSI)

¹⁶ Tile küxümi tinhemgha kümtsü pesü mishighüna mta lo qhini, eno Ampeu nongu Lhou lau akümllagho shi mishighüna tipau pitiveni.

ZAKINIU 13:16 ပူးပေါင်းရင်းမြစ်များ

IPEKULU 22:19

“Timi khuuno lhoxu kutau sasu kughupani keno pithivelo.

ISAIAH 17:1

AMPEU no pi, “Hinguno hilauye Damaska ye aphughi shimove nani; hiye shipusape qhive nani.

ISAIAH 25:2

Nono aphughiqo pesu ixapiniyive tsuke eno tipaqo liwo kuptu kutsa pinyive tsuke. Nighumino aki kuloghi shikeqoye alhokupuju ghenguno hauvae.

JEREMIYA 49:2

Ikemu aphughi tou Raba lo akemiqo pelo aghukishi sutsa ino chilu penikeu ghuloki wocheni, ike tiye ixapinyi qhive nani eno tipaulo aphu akeqoye pitileqhive nani. Tipathiuno Israil no panoqo yeghi luvetsukemi launo pano yeghi luchileve nani.

EZEKEL 26:14

Ino atuqu likhi thoqhalei qhive nani eno akhakukhamino pano khame phuputhokeu shi nani. Aphughi huye khilemu itaghi shikithemo nani. Ni, Akughushu MPEU no pivae.”

MICAH 1:6

Tighenguno AMPEU no piani, “Ino Samaria pesu aluzalo ixapinyi vekeu muqo lakhi shitsu nani, atsayibo shokusu a shivetsu nani. Aphughi tuleqhive keu bazu abokhuqalo lepiqi nani eno aphughi shikeu boqha nhamono ithulupe nani.

ZAKINIU 7:25

Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

ZAKINIU 7:26

Nongu kilo asuatu julho hipaqo lakhimu sughi kevilo tikumoaye panoqo shou musinive keu tho nongu shou auve nanike. Nonguye asuatu julho hipaqo mithi eno jupe aphimuqhu masake, kughengu panonguye AMPEU no musuinive keu qholo anike.”

JOSHUA 6:21

Panongu zutakihi pe aphughi lo timi kiptimi, totimi, kichimi itimi kumtsu ghiqhive. Panonguno amshi, gadaha eno bheriqo ghiqhive.

JOSHUA 6:24

Tipathiu panonguno aphughilo ami suvetsu eno thime jeli kuchopu pitipe amkhu shivetsu eno shuna tsandi eno ayi jeli ye pesu AMPEU kini kukutsu alo qhive.

JOSHUA 6:26

Tipa ghulokilo Joshua no ashoqhi tsa lakhi pe timiqo lau kutughuve. “Khuno Jerikho phughi mlakithenike pukaputsani keno AMPEU no angsu pa shou apeni. Khuno aboqha tu shosuni keno panu kiptimi anoghiu puhave peni. Khuno aliwoqo mlanikeno panu anupau puhave peni.”

JOSHUA 8:28

Joshua no Ai phughi pitivetsuno ayeghi kumsa shivetsu. Ishikutolo a-a titoi aphi.