ZAKINIU 12:7 - BAIBEL (BSI)

⁷ Tilau AMPEU Alhou no nongu kumghatsu keu gizulo no kibolomi sasu mlalukeu thime kiviqo chuno aghakiqi shilo.

Sumi Naga CL (Re-edited) Bible (BSI)

⁷ Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 12:7 ပူးပေါင်းရင်းမြစ်များ

YEKIKITHI ATUGHIU 29:22

Ike tipa tsala kupuju panonguye ighono alokivishi AMPEU zulono chu shoe. Tipashelo ghuthu akiniu panonguno Solomon no akukau kepi vekupha. AMPEU jelono panonguno teli pe pa nuhkishe no panongu shou ayehkipeu shi eno Zadok pelo achineu shipe.

NEHEMIA 8:9

Ayezah lo kiu shilopi puakeno timiqono chilu puzu panongu mlo shishe buvetsu eno panonguye qaithuve. Tileno ahng Nehemia, Ezra achineu eno ayezah kighithimino timi kumtsu vilo pi, “Ishi tsalaye AMPEU oLhou lau akimthe shi keu tsalake, tighenguno nonguye mloqa momu ighaqa kepu kumoe.

YETSAPIU 3:12

Ike ino ithiluve keuye niye alokivishi akepue eno nino xuake kutolo ninguno toluke thaqhu akiviu shi akepue.

YETSAPIU 3:13

Ningu kumtsuno nino kiu mulaqhilu keno tipau chu-sho no alovi akepue. Hiye Alhou no tsukeu gho ke.

YETSAPIU 5:18

Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.

ISAIAH 23:18

Lino lhidi lhighi shikeu lono qelukeu pisa pesu AMPEU kumlapu ghenguno tsu nani. Liye tipau kikepe qhivemo nani ikemu khunono AMPEU mlla cheni keno tipaqono li wu pisa pesu panonguno avehupushi akeu chuqupu ngo aphimini qhunani.

ISAIAH 62:9

Ikemu nongu axa yisukemi ghile hukemino achuqupu chuluno AMPEU sheqhe nani. Nongu atsayilu chichekemi eno xoluchekemino ichineki kikhalalo atsayiji sho nani.”

EZEKEL 44:3

Tishiepimu akukapuu ayehpe akeuno eno igizu lono akimthe ghulhu chulu nike tilehi wulu nani. Paye tipaulo ilopuzu achebo akijeu ashekichi alou akeu kudauno khagho laghi qhiveno wulu nani.”

JOYIL 1:16

Nixabo kutsave kelo ninguye kiumu shimlano juke likhi juake. NiLhou chinekilo alokivi kuhake.

JOYIL 2:26

Itehiye nonguno chunike nibonilei ani eno aghaqilu nani. Nongu Lhou AMPEU khuuno nongu ghenguno akumzapushi mlavetsu keno, nonguno pa sheqhe nani. Iwu timiqo khilemu jukunatha kithe pemo nani.

ACHINE 23:40

Tipa tsalani nongu xathibo lono axathi akiviu hami lulo, amsabo loka lulo eno asu minipho lono aloka lulo eno mulo subo loka lulo. AMPEU nongu Lhou gihukeu shinike achine tiqhetini lakhi hipau huthulo.

MALAKI 2:13

Nonguno hipau ghi shi acheni. Nonguno anhezu ngo akuqa kumlo pesu AMPEU mllakeu khache putsuqhi cheni, kughengu nonguno pa lau akumllagho sughikeu ikhilutsumoyeke.

Apostolmi 2:46

Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

ZAKINIU 12:12

Nongu tianuli, noqemiqo eno nowu taunlo Levi laghami sasu kumtsa pa gizulo alokivishilo: Levi laghamiye pano sala ayeghi kuha nani kepi kumsululo.

ZAKINIU 12:18

Nongu, notianuli eno noqemiqono Levimi nowu taun lo akemiqo sasu kumtsa AMPEU nongu Lhou gizulo likhino akumllagho hipaqo chulo, tiye AMPEU nongu Lhou no akumlla-a lakhi kishetsu keu-alo likhino shilo. Nonguye tipa-a lono nono shilukeu thwokha ghenguno alovilulo.

ZAKINIU 12:8

Tipa ghuloki ighi kelo nonguye itehi kiu shi ani keno shikepu kumoke. Itehi kutolo nongu kumtsuno pututano pulokeu lono mlla achenike,

ZAKINIU 14:23

Tipathiu AMPEU nongu Lhou no a-a lakhi lono mllapenike kishetsu keu-alo wulo; eno tilau pagizu lono nowu chighi saje: athi, atsayi-ji, oliv teli eno amshi ngo bheri piti tughiu hu chulo. Hipau shichelo tishianguno nonguye pulhapujulo AMPEU nongu Lhou gihukeu shikalu kepushilo.

ZAKINIU 14:26

Nonguno kiu lono tipau pisa puwoni keno shilo—amshishi, bheriti shi, atsayiji momu aji lono puwolo, eno tilau AMPEU nongu Lhou gizu lono nonguno nokibolomi sasu kuchu kusho shi alokivi shilo.

ZAKINIU 15:20

Mipe atsu-tsu nongu eno nokibolomino akumlla-a lakhilo AMPEU gizu lono tipaqo heqhi chulo.

ZAKINIU 26:11

AMPEU nongu Lhou no thwokha jeli aloke pesu nongu eno nokibolomi tsukeu ghenguno shikimthilo; Levimi ngo inaghami nongu gholo xuachekemi pelo nonguno alokivishi pinyi akeulo supelo.

ZAKINIU 27:7

tilehino nonguye kuposhukulu kumllagho pesu agha shino chulo eno AMPEU nongu Lhou gizulo shikimthilo.

ZAKINIU 28:47

Alaghi thwokha lono AMPEU no nongu kumghatsu ke ikemu nonguno alokivishi eno amlo kiqi lono pa qemoke.

FILIPIAMI 4:4

Pulhapuju Ampeu lono alovilo, ino itaghi pi ani: alovilo!