ZAKINIU 12:5 - BAIBEL (BSI)

⁵ Noshiayeh ghakhu lo AMPEU no a-a lakhi kishelu nani, tipa-alo timiqoye pa mllalo.

Sumi Naga CL (Re-edited) Bible (BSI)

⁵ Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

ZAKINIU 12:5 ပူးပေါင်းရင်းမြစ်များ

KUKAMI ATUGHIU 12:27

Tsala timi hipaqono Jerusalem lo AMPEU kumllaki lono aghakishi jeli pesu tsuauve aye, panonguye Juda kukau Rehoboam pesu panongu mpeu shiluveni cheni. Tishino panonguno iheqhiveno akukau Rehoboam lau idewoveni cheni.”

KUKAMI ATUGHIU 14:21

Solomon nu Rehoboam ye apunu mpe lhobidi lakhi shia, pano Juda lo akukau shiluno ampe chighi tsuni Jerusalem lo ayehpelu, tiye Israil yeghi bocho kumtsu dolono ighino akumlla-a shipenikeu AMPEU no kishelu keu phughi ke. Rehoboam paza ye Ammun lono ighikeu Naama ke.

KUKAMI ATUGHIU 8:16

‘Ino iwu timiqo Ijip lono saipeghi ke ghuloki lono Israil yeghiqha kumtsulo aphughi lakhi mu khilehino imllakepu ki shisu kepu keno kishelu moe. Ikemu David, ino opelo timiqo shou ayeh pepenike kishephelu.’ ”

KUKAMI ATUGHIU 8:20

“Ike AMPEU no pa shoqhi pipuae. Ino ipu zuqhushi Israilmi shou akukau shiluvae eno Israil Lhou AMPEU mllape nikeu Kumllaki shiqhive tsuae.

KUKAMI ATUGHIU 8:27

“Ikemu O Alhou, noye kuchouno ayeghilo acheni kesha? Kughengu kungugha thotsu oqhilukepu a-a ililai moe, tishiaye kishi puzu ino akumllaki hipau shipuakeuno ililai luni kya?

KUKAMI ATUGHIU 8:29

Akumllaki hipau putho pucho khetsu alo, a-a hipauno omlapeni keu shi nono kishelue. Ino kughouno Akumllaki kudau juno inikhu nikeno ikighiniqo chilutsulo.

KUKAMI AKINIU 18:22

Asiriyami kijemi no highi ishipi, “Ikeo nonguye AMPEU nongu Lhou shou pukhube aghiaye ivilo pilo? Kughengu AMPEU chineki ngo akiptiaqoye Hezekiya no shipsa hexakhavea, ipuzu pano Juda lo timiqo eno Jerusalem lo kuamiqo vilo Jerusalem lo akeu kumlla kiptialo likhino mlla lunanipi pithivae.

YEKIKITHI ATUGHIU 22:1

Tileno David no pi, “Hipau alono AMPEU Alhou wu Achineki shi kuzupue. Khilehi Israilmino piti mllakeu shi amayesa keno, hile akumlla kipti khache ani.”

YEKIKITHI AKINIU 7:12

AMPEU no putho lono pa lau ipeghi. Pano Solomon vilo pi, “Ino okukhu kighini chiluvae eno Achineki hipau lono ilau aghakishi mlla penikeu a shi ino ikhiluve tsuae.

EZRA 3:2

Alhou wu timi Muse Yezahlo yepuakeu toi Jehozadak nu Joshua no pa kusami achinemi sasu eno Sheltial nu Zerubabel no pa laghaqo sasu Israil Lhou kumlla kiptia mlave eno tipa shouno piti kumllagho pe tsuve.

EZRA 6:12

Jerusalem pesu pa mlla penikeu-a shi kishelu keu Lhou pelo kukami momu shiyeh khunono ahza shipixiveni eno Achineki hipau hexanike pukaputsani keno tipaqo haleve peni. Ni Darus no ahza hipau tsu ani. Ahza hipau qhoi papelu masake.”

EZRA 7:17

“Nonguye ighono kutokupui shi pisa hipaqo peithalo eno amshitsu, bheritsu, bheriti, athi, eno aji ishi qhuno Jerusalem lo akumlla kipti-a lo pesu mllalo.

NEHEMIA 1:9

Ikemu nonguno ilau tsughu ide ighi eno izahqo luaye nonguno ayeghi ashekhaqolo piyepighive aghinamu sachile saghieno ino kisheluve keu alo imlla penie.’

LESHELE 78:68

Tipaqo zuqhulo paye Juda lagha kishelu pano kimiyeqhiyi chekeu Zion toghi kishelu.

IPEKULU 15:2

AMPEU ye akumtoshi isushokuluu; ixaluchekeuye pake. Paye iLhou eno ino pa sheqheni, ipu Lhou ke, Paye kiu toi kije keno tipau ghili ino pheni.

IPEKULU 20:24

Ighenguno ayeghi pesu akiptia lakhi mlape qhilo eno tipau shou piti mllakeu eno kuposhukulu shi mllakeu shinike nowu bheri ngo atsuaqu pesu agha shilo. Imlla penike a-a khipaqo ino pakutashi nongu ghenguno qhitsuni keno tipa-alo ino nongu lau ighi puzu nongu kumghatsuni.

IPEKULU 25:22

Tilehino ino osasu kusholuni eno akunha shou kerubim kuma mtalono ino Israilmi ghenguno iyezah kumtsu pesu otsu nani.

JEREMIYA 26:2

AMPEU no ivilo pike, “Achineki khalalo puthugholo eno ino ovilo khunoqono Juda taunqo lono tilehi mllanike ighini keno tipaqo vilo pilopi ino ahza otsupuakeu pesu asheshulo. Tipau lakhimu qhive kevilo.

JEREMIYA 7:12

Shilo lo wulo, mlla penikeu-a ino kishelu tughiu-a lakhike, eno iwu timi Israilmi xine ghenguno ino tipau pesu kiu shive keno julo.

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

AKIKIHI 7:89

Kughou Muse no AMPEU sasu kuptsaniye Aphiki lo ilokeno AMPEU no Puloshoqhi Bohu kunha shou kerubim kini akeu dolo ngono pa putsa keu Muse no chilu.

ZAKINIU 12:11

AMPEU no a-a lakhi likhi kishetsu nani, tipa-a lono pa mlla kepushi nonguye tipa alo ino ahza tsuvekeu kumtsu pa lau sughi masake. Nonguno piti pesu aghashinikeu eno kutau aghashi kepuqo, nowu chighi saje eno akumllagho eno akimchi gho nonguno AMPEU lau tushoqhivekeqo sughilo.

ZAKINIU 12:13

Nonguye nonguno mllanishi ke alono nowu aghashikeu pesu mlla kevilo;

ZAKINIU 12:18

Nongu, notianuli eno noqemiqono Levimi nowu taun lo akemiqo sasu kumtsa AMPEU nongu Lhou gizulo likhino akumllagho hipaqo chulo, tiye AMPEU nongu Lhou no akumlla-a lakhi kishetsu keu-alo likhino shilo. Nonguye tipa-a lono nono shilukeu thwokha ghenguno alovilulo.

ZAKINIU 12:4

“Timi hipaqono pano lhouqo mllake ghola lono AMPEU nongu Lhou mlla kevilo.

ZAKINIU 14:23

Tipathiu AMPEU nongu Lhou no a-a lakhi lono mllapenike kishetsu keu-alo wulo; eno tilau pagizu lono nowu chighi saje: athi, atsayi-ji, oliv teli eno amshi ngo bheri piti tughiu hu chulo. Hipau shichelo tishianguno nonguye pulhapujulo AMPEU nongu Lhou gihukeu shikalu kepushilo.

ZAKINIU 14:24

Akumlla-aye nonguno ngochekeu lono ala kushuwa kehu AMPEU no nongu kumghatsu puzu ipeghi keu tilau chighi saje xapu wuni keu sho aye hipau shilo:

ZAKINIU 15:20

Mipe atsu-tsu nongu eno nokibolomino akumlla-a lakhilo AMPEU gizu lono tipaqo heqhi chulo.

ZAKINIU 16:11

AMPEU gizulo notianuli, noqemi, Levi laghami, inaghami, mighimghami eno chimemi nowu taunlo akemiqo sasu alokivi shilo. Hipauye ti akumlla-a lakhi lono shilo.

ZAKINIU 16:15

AMPEU nongu Lhou gihu keushi apinye hipau atsala tsuni ghenguno akumlla-a lakhi lono ikhilulo. Alokivi shilo kughengu AMPEU no nowu ghile ngo akumla kumghatsuke.”

ZAKINIU 16:2

Akumlla-a lakhi lo wulo eno tilauno nomishi na bheri pinamu lakhi ghiqhilo, tiye Hechekulu Ghulhu ghenguno AMPEU nongu Lhou gihu keu shilo.

ZAKINIU 16:7

Ashi lholo eno mllachekeu-a lakhi lono tipau chulo; eno thanauye akilo idewovelo.

ZAKINIU 17:8

“Atsa kugha kepu hamiye a-a lakhilo kughakuthami likhiye xatha mlakepu shive nani, tiye aki-alu mheghi tsa, aphimpilo ghuza pipeve keu, timi pithivekeu eno ghiqhivekeu dolo kututa shiakeu. Kughono hikithipu shiveni keno akumlla-a lakhi AMPEU nongu Lhou no kishetsukeu lo wulo

ZAKINIU 18:6

“Levi laghami khuu khumu pano shinishi aye Israil lo kiukiu taun lono pinamu akumlla-a lakhilo ighilu nani

ZAKINIU 26:2

nongu milakhi khino tuxa tini xolu tughiu lono amqo kotha pesu ashoghilo sulo eno tipau pesusu akumlla-a kuto puakeu lakhilo peighilo.

ZAKINIU 31:11

Israilmi no akumlla-a lakhilo AMPEU nongu Lhou mlla nike ighike lono hipau phisulo.

Kolosiami 2:9

Kughengu Khristo philo Alhou lhoayeh kuchopu kupu anike,

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

JOSHUA 18:1

Panonguno ayeghi leluveke thiu, Israil shiyeh kumtsu Shilo lo kuho eno AMPEU no ngoche keu phiki shive.

JOSHUA 22:11

Kutami Israil shiyeh qono ishi chilu, “Rubenmi, Gadmi eno Manase shiyeh tuxa qono Kanan yeghi Gelilot lo Jordan lono ni kudau akiptia mla anie.”

JOSHUA 9:27

Ikemu pano panongu pelo aqemi shivepe, Israilmi ghenguno eno akumlla a ghenguno asu eno azu puighinikeu shivepe. Ishi kutolo AMPEU no khileno pa mlla lepive keno tipa-alo mlla acheni.”

Piyeküsü 14:1

Tileno ino jukelauye, Bheritino Zion naghutolo puthugho aghi, eno pa gholo timi 144,000 aghi, eno panoqo kishelo Bheriti je ngo pa Puh je yepuku pesu ae.