ZAKINIU 12:30 - BAIBEL (BSI)

³⁰ AMPEU no ashiayeh hupaqo kutsaleve kethiu, nonguye panoqo chineyeh pape wumo nike itehino kutokupui shilo, kughengu tino nongu meluve nanike. Panonguye kishi pano lhouqo mlla cheni keno nongu ghi tipau phujuwu kevilo.

Sumi Naga CL (Re-edited) Bible (BSI)

³⁰ panoqo kütsave kethiu nongu ye pano lhouqo vehu lo, ‘Ningu ghi mllani kehu shiye hipaqo ye kishi pano lhouqo mlla che kea?’ ipi ighiju anipi nongu meluve no ti pape wuve monike tsükhüi lo.

ZAKINIU 12:30 ပူးပေါင်းရင်းမြစ်များ

KUKAMI AKINIU 16:10

Kughou akukau Ahaz no Damaska lo wupuzu akukau Tiglat Pilaser sasu kusholukeno pano tipa alo akumlla kiptia ithulu puzu titoike lakhi kishekulushi ajulho mlape achineu Uriya lau tsupuwu.

KUKAMI AKINIU 17:15

Panonguno pawu mijekutsu puloshoqhi shikeu hephove eno pano pikumsa ghutukeu ikhilumono peve. Panonguno ame kuhakeu asu-atu mllauve eno panongu pesu ame kukuhau shiuve eno sukumxa lo akeqo shiyeh khuayeh panonguno tiu papeuveno AMPEU zah kutsuqo hebidevetsu.

IPEKULU 23:24

Pano lhouqo lau itsaqi mlla kevilo eno panoqo chine khu-aye hakevilo. Pano lhouqo kutsalevelo eno panoqo wu achine tuqu khetsukucho kuboleve tsulo.

JEREMIYA 10:2

Pano pi, “Kutami shiayeh laghi pape kevilo; atsutsulo kiuala pakutakeu ithulukeulo thoghu thoghui kevilo, tipauno ashiayeh kutami kichimamave aghi pinamu.

EZEKEL 11:12

Niye AMPEU kepi nonguno ithi nani, kughengu nonguno acheaxulo ashiayeh akeqo khuayeh pimhe akeulo nonguye iyezah hexave anike eno ino ahza tsukeu papemove anike.”

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 20:32

Nonguye ashiayeh kutami paphi shinishive keu nonguno kumsu auvae, ti ayeghi kutau xuakemino asubo ngo atuqu mllache keu toi shinishi auvae. Ikemu tiye khilemu shilupemo nanike.

ACHINE 18:3

Ijipmi wu ghushoghili pape kevilo, puzuu nonguno tilau acheke, momu Kananmi yeghi khilehi ino nongu sasu wucheni keno timi tipaqo pape kevilo.

ACHINE 18:30

AMPEU no pi, “Ino ahza tsukeu gholulo eno nongu zuu timi khunoqono aghakhulo achekeno tipaqo ghushoghili pape kevilo eno ghushoghili tikithipu shikeu lono nolikhi nongu pelo mithemovekeu shikevilo. Niye nongu Lhou AMPEU ke.”

AKIKIHI 33:52

nonguye tipa yeghilo kughuna aghikemi kumtsu hapupove masake. Panoqow atu ngo ayino shikeu ajulho kumtsu kubolevetsulo eno panoqono kuhono mllachekeu-a kumtsu kutsalevelo.

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

ZAKINIU 11:16

AMPEU launo nongu musu sawuve puzu kutau lhouqo mlla eno qeuve kevilo.

ZAKINIU 12:29

“Nonguno ashiayeh kutamiqo yeghi lewu kelo AMPEU nongu Lhou no panoqo kutsaleve no nonguno tipaulo ngoluve eno tile acheuve nani.

ZAKINIU 12:31

Panonguno pano lhouqo mllake ghola lono AMPEU nongu Lhou mlla kevilo, kughengu panoqo lhou mlla keulo panonguye AMPEU no aphimuqhu kepu jeli shi chenike. Panonguye pano tianuli ghi heqhi pesu akiptia lono aghashi piti chenike.

ZAKINIU 18:9

“AMPEU Alhou no tsuakeu yeghilo nonguno iloghiluve kelo ashiayeh kutami tilehi akeqono nuqhunighulai keu ghili pimhe chekeu pape kevilo.

ZAKINIU 20:18

Panoqo pithivelo, tishianguno panonguno nongu pelo AMPEU shou axine shipemo nike tiye panoqono pano lhouqo mllakeulo kuchhube kutsula jeli shikeu nongu shikapiyelu nosake.

ZAKINIU 7:16

AMPEU nongu Lhou no ashiayeh khijehi nokuka qholo qhitsuni keno kumtsu kutsavelo eno panoqo kimiyeqhiyi keu shikevilo; momu panoqo lhouqo mlla kevilo kughengu tipauno nongu meluve nanike.