ZAKINIU 12:10 - BAIBEL (BSI)

¹⁰ Nonguno Jordan katha iku kelo AMPEU no nongu pelo ayeghi tipaulo ngoluno xulu penanike. Noghumi kumtsu launo pano nongu susholu nani eno iquighai xulu nani.

Sumi Naga CL (Re-edited) Bible (BSI)

¹⁰ Ikemu kughou nongu no Jordan katha ikuno Ampeu no nongu tsü akeu yeghi lo xülu, eno no sükümxa lo aghümi akeqo launo nongu kulhoqhi tsüno sükusho tsüni keno,

ZAKINIU 12:10 ပူးပေါင်းရင်းမြစ်များ

KUKAMI ATUGHIU 4:25

Pano xuake kutolo Juda eno Israil yeghiqha kumtsulo sushokulu qholo ache eno Dan lono Beersheba kutolo akibo kumtsu no pututa tsayilu eno khughuthibo pighilukha.

KUKAMI ATUGHIU 8:56

“AMPEU shelo. Khuuno Israilmi lau pa shoqhi shipuake toi alokughuno tsukeno. Pa qeu Muse vechewo ashoqhi kivi shikeu atsa lakhi likhimu tomlavekeu shimoe.

YEKIKITHI ATUGHIU 22:18

Pano pi, “AMPEU oLhou ogholo ani eno ajeli thwokha lono alokughuno otsuvae. Pano ipelo hipau yeghilo kughuna chekemi kumtsu shou tolupe eno itehi panonguye ou bokhulo eno AMPEU ulo ngovae.

LESHELE 4:8

Ino ihozukelo niye iquneyi zuhulu cheni; O AMPEU olikhino ishipusu pemono xulu chenipeke.

IPEKULU 33:14

Tileno AMPEU no pi,”Ino nongu gholo wuni eno tokulupu nongu tsuni.”

AHOLE 1:33

Ikemu khunono itsa inini keno sushokeu lo xulu nani. Paye alhoksa musakepu kuhano ililayi lu nani.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

EZEKEL 28:26

Panonguno kiumu kupunamono xulu nani. Panonguno aki shisu eno atsayilu chisu nani. Pano cheaxulo kuami khunoqono panoqo thaigha chekeno ino tipaqo ghimeqhi nani, Israil ye sukusho qholo anani. Tileno niye panoqo Lhou AMPEU kepi panonguno ithi nani.”

EZEKEL 34:25

Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.

EZEKEL 34:28

Hinguno hilauye Alhou kumthami shiayehqoye panoqo lepuwumo nani eno tughashiye panoqo heqhi puzu chumo nani. Panonguye ithamono xulu nani eno khunomu panoqo shikumsamo nani.

EZEKEL 38:11

Noye akukuphu kuhamithe keu ghakhu lenikeu shi xatha nani. Tipau ghakhulo timiqoye iquighai eno kupunakeu kuhano eno mujochileni keu kuhakeu eno putukhamokeu taunqolo kughuna achenike.

EZEKEL 38:8

Ampe kutomo thiu ino ahza pa tsu puzu aghakhu lakhi lewupe nani. Tipau ghakhulo timiqoye ashiayeh kutamiqo launo kumqo saghi puzu aghukishi musamono xuache keqoke. Pano Israil naghuto leighi nani tipaqoye ado kushuwa piyighive eno kughukughaleive ke, ikemu itehi timiqoye tilehi sushokulu shi kughunaluve ake.

ZAKINIU 11:31

Nonguye Jordan kathani cheake eno AMPEU nongu Lhou no nongu tsu akeu yeghilo ngoluni cheake. Nonguno tipau luveno tilehi ngoluve kelo

ZAKINIU 3:27

Pisga Toghi kutsuqalo ikulo eno ahuu apeu, kipelau eno kulolau jupuwulo. Nono kiu juni keno tsaqui jukutolo kughengu noye khilemu Jordan katha ikumo nani.

ZAKINIU 33:12

Benjamin lagha ghili pano pitsu: “Alagha hipauye AMPEU no qhuivu eno susho cheni; Pano atsala kupujulo panoqo khekuto cheni, panoqo mtalo pano ngo acheni.”

ZAKINIU 33:28

Tighenguno Jakob polo kughukomiye iqughai xulu cheni, athi eno atsasyi-ji chhitoi akeu yeghilo ithamo, tipau loye atsutsulo atsuzuno ayeghi putsatsu cheni.

ZAKINIU 4:22

Niye aghakhu hipau lono thini ake eno khilemu aghoki katha ikumo nanike, ikemu nonguye katha ikunani eno ghuma yeghilo ngolu nanike.

ZAKINIU 9:1

“Inilo, Israilmiqo! ishi tsalalo nonguye Jordan katha ikuni cheni eno nongu nguno akijeu akumtou shiayehqo yeghilo ngoluveni chenike. Panoqo phughiye akuloghike eno akuptuqoye atsutsu toni keshi anike.

JOSHUA 11:23

Joshua no ayeghi kumtsu leluve. AMPEU no Muse ahza tsuketoi Joshua no ayeghi tipaqo pe Israilmi dolo panongu wu ashiayeh kiqi lono kijevetsu. Titoi shiveno timi qoye ashi-aghu shimono ililai ngove.

JOSHUA 14:1

Tithiu Israilmi dolo Jordan kulolau Kanan yeghi kiu toi kije keno pithi puani. Achineu Eleazer, Nun nu Joshua eno Israil shiyeh lo sakiphemi kiboqo dolono kijeve.

JOSHUA 3:17

Timi kumtsu aghoki katha ipeghimoke kutolo achinemi qoye AMPEU wu Puloshoqhi Bohu pe Jordan mtalo qhaikeu yeghilo ngo a.

JOSHUA 4:12

Ruben ngo Gad eno Manase shiyeh tuxaqono aghu shinike kutoluveno Muse no panongu vilo pike toi timi kutami zuu cheve.

SAMUEL ATUGHIU 7:12

Tileno Samuel no atu lakhi ikhilu puzu Mizpa ngo Shen kuma dolo ghope qhino pi, “AMPEU no alaghi kumtsulo ningu kuphutsue” eno pano tipau pesu “Kuphutsukeu tu” ipi kuvetsu.